Pritčy 19:7 - Библия - Пэ Балтитко Романи чиб (Романэс) 2019

⁷ Сарэ́ пша́ла чорорэ́-манушэ́скирэ древа́н на камэ́на лэс, пэ кицы́ буты́р лэ́скирэ мала́ дурьёна лэ́стыр! Ёв могинэ́ла тэ мангэ́л лэн палэ лавэ́нца, нэ ёнэ усае́кх мэкэ́на лэс.

Biblija - Pe Baltitko Romani čib (Romanes) 2019

⁷ Saré pšála čororé-manušéskire drieván na kaména les, pe kicý butýr léskire malá durjona léstyr! Jov moginéla te mangél len pale lavénca, ne jone usajékh mekéna les.

Pritčy 19:7 Referans Kwoze

Pritčy 19:4

Барвалэ́ манушэ́стэ ячэ́напэ бут буты́р мала́, нэ чорорэстыр дурьёла лэ́скиро мала́.

Pritčy 21:13

Кон запхандэла кан, ке́ли чороро́ ману́ш дэ́ла го́дла, кодова́ адя́кэ-паць явэ́ла тэ дэл го́дла чорорипнастыр и лэс на явэ́на тэ шунэ́н.

Pritčy 18:23

Чороро́ ману́ш ракирэ́ла сы́рбы ёв мангэ́ла, нэ барвало́ ману́ш отпхэнэ́ла бипатывакирэс (дерзкэс).

Psalmy 38:11

Миро ило́ марэлапэ дукханэс, мири́ зор мэкэ́ла ман; аж мирэ́ якха́ на дыкхэ́на буты́р яснэс.

Jakov 2:6

А тумэ́ ладжакирдэ́ чорорэс. Ци на сан тумэ́ тэл барвалэнгири зор, и ци на ёнэ тырдэна тумэн тэл сэ́ндо?

Pritčy 14:20

Чорорэ́ манушэ́с зоралэ́с на камэ́на аж лэ́скирэ пашатунэ́ мануша́, нэ барвалэстэ исын бут дру́ги (мала́).

Psalmy 88:18

Ёнэ облэнас трусця́л ман сыр баро́ пани́; ёнэ тасавэнас ман кхэтанэ́ сарэ́ ригэ́ндыр.

Psalmy 88:8

Тыро́ холякирибэ́н чхудо пэ ма́ндэ и Ту тасавэсас ман сарэ́ Тырэ́ валнэнца. Сэ́ла.

Pritčy 10:15

Барвалэ́-манушэ́скиро миштыпэ́н исын сыр зорало́ фо́ро, нэ чороро́ ману́ш пэрэ́ла дро ду́хо (фа́но) пэ́скирэ богипнастыр.

Psalmy 38:12

Мануша́, савэ́нгэ со́мас дро́го мэ, и мирэ́ дру́ги (мала́) исын тэрдэ́ криг мирэ́ дукхатыр, мирэ́ сэмэнцы дурьёна ма́ндыр.

Pritčy 27:10

На мэк пэ́скирэ малэс, ци тырэ́-дадэ́скирэ малэс; на джа́ кэ тырэ́-пшалэскиро кхэр дро дывэ́с, ке́ли ту́тэ исын бари би́да. Фэды́р исын пашатуно, кон исын пашылэды́р кэ ту, сыр пшал, саво́ исын дур.