Pritčy 19:21 - Библия - Пэ Балтитко Романи чиб (Романэс) 2019

²¹ Ману́ш думинэ́ла бут пал саро́ [манушэ́стэ исын бут мысли дро ило́-р.с.], нэ явэ́ла екх, пал со Рай Дэвэ́л дэ́ла годы́, и ёнэ явэ́на тэ кэрэнпэ чачипна́са.

Biblija - Pe Baltitko Romani čib (Romanes) 2019

²¹ Manúš duminéla but pal saró [manušéste isyn but mysli dro iló-r.s.], ne javéla jekh, pal so Raj Devél déla godý, i jone javéna te kerenpe čačipnása.

Pritčy 19:21 Referans Kwoze

Pritčy 16:9

Манушэ́скиро ило́ обдуминэла пэ́скиро дром, нэ Рай Дэвэ́л сыкавэ́ла (мамуякирэла) лэ́скиро дром.

Isajos 14:24

Совлахала Рай Дэвэ́л, болыбна́скирэ-янголэ́нгиро: “Сыр Мэ подуминдём, адя́кэ явэ́ла, сыр Мэ пхэндём, адя́кэ кэрэ́лапэ.

Pritčy 16:1

Ману́ш придуминэла пэ́скирэ илэ́са, нэ дова́ со ёв Ра́стыр-Дэвлэ́стыр пэ дава́ отпхэнэлапэ чиба́са (чибьяса).

Isajos 46:10

Мэ пхэна́ва англэды́р сарэ́стыр, со тэ́ньчи дро ко́нцо (дро яго́ро) явэ́ла, ґаратунэ́ часостыр Мэ ракира́ва пал дова́, со ишчо (инкэ́) на кэрдя́пэ: Явэ́ла пир Миро годыпэ́н (совето); Мэ кэра́ва саро́, со Ма́нгэ исын пир ило́.

Pritčy 21:30

Ни годыпэ́н, ни ґалыибэ́н, и ни саво́ годыпэ́н на тэрдёна проти Растэ-Дэвлэ́стэ.

Эфесянэнгэ 1:11

пир екхипэ́н Лэ́са и амэ яця́м Дэвлэ́скирэ манушэ́нца пир Лэ́скири мысля, ке́ли Ёв выкэдыя́ амэн и Саво́ кэрэ́ла саро́ дро свэ́то пир Пэ́скири во́ля самонэ англыпна́стыр,

Ióvo 23:13

Нэ Лэ́скири годы́ на парудёла, кон сашты́ тэ рискирэ́л Лэс Лэ́скирэ дромэ́стыр? Дова́, со Лэ́скиро ди камэ́ла, кодова́ Ёв и кэрэ́ла.

Pritčy 21:1

Крали́скиро ило́ исын дрэ Ра́скирэ-Дэвлэ́скирэ васта́ сы́рбы панитка ручаи, со тхадэна: Ёв рискирэ́ла лэн, сыр Лэ́скэ исын трэй.

Ekliesiastos 7:29

Дыкх! Со мэ латхём: Дэвэ́л создыя́ манушэ́с дэвлытконэса; нэ мануша́ латхнэ́ яви́р и бут со придуминдлэ пэ́скэ.

Psalmy 21:11

Ту хасякирэса лэ́нгирэ чхаворэ́н, кон исын пэ пхув, и одолэ́н, кон джа́ла пал лэ́ндэ манушэ́ндыр.

1 Petr 2:8

пал саво́ мануша́ обштавэнапэ, пал-дова́ со ёнэ на кандэ́на Дэвлэ́скиро лав, пал-дова́ со адя́кэ лэ́нгэ сыс задуминдло.

Džiibén 50:20

ґа́да, тумэ́ кэрдэ́ ма́нгэ фуипэ́н; нэ Дэвэ́л пирикэрдя дава́ дрэ лачхипэ́н, соб (кай) тэ кэрэ́л дова́, со акана́ исын: тэ зракхэс джиибэ́н бутэ́ манушэ́нгэ;

Pritčy 12:2

Ра́скэ-Дэвлэ́скэ исын дро́го лачхо́ ману́ш, нэ Ёв бангякирэла манушэ́с, саво́ придуминэла фуипэ́н.

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

Ester 9:25

Нэ сыр Эстэ́ра догия́ кэ кра́ли, и сыр кра́ли припхэндя́ нэвонэ́ лылэса, соб (кай) калэ́ задумки Аманоскирэ, савэ́ ёв придуминдя пэ Юдэ́ндэ, обрисинэ пэ лэ́скиро шэро́, и соб (кай) лэс и чхавэ́н лэскирэн тэ ублавэн пэ вэшына (кашт).

Psalmy 83:4

Ёнэ зракирэнапэ фрэнтэс пэ Тырэ́ манушэ́ндэ, ёнэ задуминэна фуипэ́н проти одолэ́ндэ, савэ́н Ту приракхэса;

Pritčy 19:22

Манушэ́скиро кучипэ́н исын лэ́скиро лачхипэ́н, и чороро́ ману́ш исын фэды́р хоханэстыр.

Ереме́ё 44:29

“И явэ́ла ґерты́к (знаме́ниё) тумэ́нгэ’, – ракирэ́ла Рай Дэвэ́л – со Мэ пхарэ́с сэндякирава тумэн пэ дова́ штэ́то, соб (кай) тумэ́ тэ джинэ́н, со Мирэ́ лава́ рисёна дро чачипэ́н пал тумэ́ндэ пэ биба́хт тумари́.’

2 Kralip 17:14

И пхэндя́ Авесало́мо и саро́ Израилё: “Годыпэ́н Хусиёскиро Архитяниноскиро исын фэды́р лавэ́ндыр Ахитофелёскирэстыр.” Адя́кэ Рай Дэвэ́л сэндякирдя тэ розмарэл фэдыршо годыпэ́н Ахитофелёскиро, соб (кай) тэ янэл Ра́скэ-Дэвлэ́скэ би́да пэ Авесаломостэ.”

Езэкилё 20:32

И дова́ пал со тумэ́ думинэ́на, на явэ́ла, ко́ли тумэ́ ракирэ́на: “Ява́са, сыр Наюдытконэ́ – нацыенгирэ мануша́, сыр кхэри́тка ро́ды дрэ яви́р тхэма (страны), ява́са каштэскэ и барэскэ тэ дас паты́в.”