Pritčy 19:2 - Библия - Пэ Балтитко Романи чиб (Романэс) 2019

² Исын намишто, ке́ли манушэ́стэ нанэ джиныбэ́н, адя́кэ-паць и кон сы́гэс псирэ́ла, одова́ обштавэлапэ (обстэмпинэлапэ).

Biblija - Pe Baltitko Romani čib (Romanes) 2019

² Isyn namišto, kiéli manušéste nane džinybén, adiáke-pac' i kon sýges psiréla, odová obštavelape (obstempinelape).

Pritčy 19:2 Referans Kwoze

Pritčy 21:5

Добусово ману́ш придуминэла дова́, со дэ́ла прибарипэн, нэ кодова́, саво́ кэрэ́ла сыгнымаса, явэ́ла дрэ урежа (убытко).

Filipiicenge 1:9

И мэ мангавапэ Дэвлэ́скэ пал дова́, соб (кай) тумари́ паты́в кэ яви́р мануша́ уса́ буты́р и буты́р тэ барьёл пир джиныбэ́н и кажно хор ґалыибэ́н,

Pritčy 29:20

Ци дыкхця́н ту манушэ́с, саво́ сы́гэс выпхэнэла лава́? Буты́р лачхипэ́н сашты́ тэ ужакирэс дылынэстыр, сыр кадасавэ́ манушэ́стыр.

Римлянэнгэ 10:2

Мэ сом лэ́нгиро якхи́тко (свидете́лё), со ёнэ зоралэ́с рикирэ́на сыр Дро́гима Дэвлэ́с дро пэ́скиро ило́ кэ зэвлыныпэ́н, нэ на пир джиныбэ́н.

Joannostir 16:3

Ёнэ явэ́на тэ кэрэ́н адя́кэ, пал-дова́ со адалэ́ мануша́ на джиндлэ́ ни Дадэ́с, ни Ман.

Osija 4:6

Мирэ́ мануша́ хасёна пир дова́, со лэ́ндэ на ухтылэ́ла (на́доси) джиныбэ́н Нэ пал-дова́, со тумэ́, рашаялэ, отпхэндлэпэ джиныбнастыр, Мэ адя́кэ-паць отпхэнава тумэ́нгэ, соб (кай) тумэ́ буты́р тэ на явэ́н сыр рашая́ анги́л Ма́ндэ, и пир дова́, со, тумэ́ бистырдэ Дэвлэ́скиро Зако́но, Мэ бистрава тумарэ́ чхаворэ́н (биятэ́н).

Isajos 28:16

Адя́кэ ракирэ́ла Рай Дэвэ́л: “Акэ, Мэ чхува́ва бар по Сио́но, бар вырикирдо, дро́го (куч), бар зорало́: кон патя́ла дрэ лэ́стэ, на явэ́ла тэ ладжал.

Pritčy 28:20

Патяибны́тко ману́ш исын барвало́ бахтякирибнаса, нэ кон камэ́ла сы́гэс тэ розбарвалёл (тэ явэ́л барвало́), одова́ на уджала каратыр.

Ekliesiastos 12:9

И кэ дова́, со Сыклякирибна́скиро пал Дэвлэ́стэ сыс годо́, ёв усае́кх сыклякирдя́ манушэ́н джиныбнаскэ, и ёв роздыкхэлас кучэс, и родыя, и ёв чхувэлас екх пал екх сыр трэй притчы.

Ekliesiastos 7:9

На холясов сы́гэс дро тыро́ ило́, пал-дова́ со дылынинько ману́ш рикирэ́ла холы́ дро колы́н.

Pritčy 28:22

Ману́ш бибахталэ́ мысляса камэ́ла сы́гэс тэ розбарвалёл, и ёв на джинэ́ла, со чорипэ́н пэрэ́ла пэ лэ́стэ.

Pritčy 25:8

На джа́ сы́гэс пэ сэ́ндо, пал-дова́ со ту на джинэ́са, со явэ́ла дро ко́нцо (дро яго́ро), ке́ли тыро́ пашатуно ладжакирэла тут.

Pritčy 14:29

Ману́ш, саво́ ле́нтэс (на сы́гэс) холясо́ла, исын баро́ годяри, нэ кодова́, савэ́стэ исын хачкирдо ду́хо (фа́но), сыкавэ́ла пэ якха́ пэ́скиро дылныпэ́н.

Pritčy 1:16

пал-дова́ со лэ́нгирэ ґэра́ праста́на тэ кэрэ́н чорипэ́н, и ёнэ праста́на сы́гэс тэ прочхувэн манушэ́нгиро рат.

Pritčy 10:21

Чачунэ́-манушэ́скирэ ушта́ дэ́на годы́ бутэ́ манушэ́нгэ, нэ дылынинька мэрэ́на пир дова́, со лэ́нгэ на ухты́лла (на́доси) годыпэ́н.

Isajos 27:11

Ко́ли лэ́скирэ рандя́ зашутёна, лэн обпхагирэна; явэ́на джувля́ (манушня) и схачкирэна лэн. Пал-дова́ со ёнэ исын народо бигодякиро, Ёв на потангинэла лэн, Одова́, Кон саро́ создыя́.

Ióvo 31:5

Ко́ли псирдём мэ начачунэ дромэ́са, ко́ли джа́лас сыгэды́р мири́ ґэро́й, соб (кай) ма́нгэ тэ хохавав,

4 Kralip 4:39

И выгия́ екх лэ́ндыр пэ фэ́лда тэ скэдэл шаха, и латхя́ бусо (дико) хру́сто, саво́ крэнцынэлапэ, и скэдыя́ лэ́стыр буса бобирки (ґурки) пхэрды́ пэ́скири и́дя. И явдя́ и чхиндя́ лэн пэ котэра́ дрэ кака́ви (котло), адя́кэ, сыр ёнэ на джиндлэ́ лэн.