Pritčy 19:17 - Библия - Пэ Балтитко Романи чиб (Романэс) 2019

¹⁷ Кон исын лачхэ́-дескиро кэ чорорэ́, кодова́ сы́рбы дэ́ла дро длуго (покэрэла) Ра́скэ-Дэвлэ́скэ, Ёв плэскирэла палэ одолэ́скэ, кон дыя́.

Biblija - Pe Baltitko Romani čib (Romanes) 2019

¹⁷ Kon isyn lačhé-dieskiro ke čororé, kodová sýrby déla dro dlugo (pokerela) Ráske-Devléske, Jov pleskirela pale odoléske, kon dyjá.

Pritčy 19:17 Referans Kwoze

Pritčy 28:27

Кон дэ́ла чорорэскэ, кодолэстэ на явэ́ла наухтылыбэн/на явэ́ла на́доси (кодова́ на чорьёла), нэ кон закэрэла лэ́скирэ якха́, пэ кодолэстэ явэ́на бут прокошыбэна.

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

Luka 6:38

Дэн и явэ́на тэ дэн тумэ́нгэ: явэ́на тэ дэн тумэ́нгэ пхэрды́ ме́ра, и притасадо саро́ тэ явэ́л, би тангипнаскиро (жалимакиро), явэ́на тэ чхувэ́н тумэ́нгэ пал брэг ада́кицы, кицы́ тумэ́ змогинэна тэ лыджа́н; савэ́ мераса тумэ́ меринэна, дасавэ́-паць мераса тумэн явэ́на тэ меринэн.”

Матфеё 25:40

И отпхэнэ́ла лэ́нгэ Кра́ли: ‘Чачэс, ракира́ва тумэ́нгэ: ‘Дова́, со тумэ́ кэрдэ́ дава́ Мирэ́ пшалэ́нгэ, савэ́ндэ нанэ дасави́ зор, тумэ́, хай, кэрдэ́ Ма́нгэ.’

Ekliesiastos 11:1

Дэ тыро́ маро́ бутэ́ манушэ́нгэ, пал-дова́ со ту дорэсэса да́ры палэ бут дывэса́.

Pritčy 14:31

Кон притасавэла чорорэс, кодова́ сы́рбы обракирэла Рас-Дэвлэ́с, Саво́ создыя́ лэс. Нэ кодова́ кэрэ́ла паты́в Лэ́скэ, Саво́ исын лачхэ́-дескиро кэ мануша́, кон исын дрэ трэ́бима.

Filipiicenge 4:17

Мэ ракира́ва дава́ на ваш дова́, со мэ родыём ловэ́ пшалэ́ндыр, нэ мэ кама́м, соб (кай) тумэ́ тэ кэрэ́н дова́, со янэ́ла тумэ́нгэ лачхипэ́н.

Pritčy 14:21

Кон дыкхэ́ла вучипна́стыр пэ пэ́скирэ пашатунэстэ, кодова́ кэрэ́ла грэ́хо; нэ бахтало́ исын кодова́ ману́ш, кон исын лачхэ́-илэ́скиро (жалинэла) кэ кодолэ́, савэ́н притасавэ́на.

Pritčy 28:8

Кон прибарьякирэла пэ́скиро миштыпэ́н начачунэ кофоса (ростоса) и хохаибнаса, кодова́ сы́рбы кэдэла ловэ́ кодолэ́скэ, саво́ явэ́ла тэ тангинэ́л чорорэн.

Pritčy 12:14

Ману́ш явэ́ла чало лачхипнастыр сыр пхабатыр, со выджа́ла лэ́скирэ уштэндыр, и явэ́ла дыно́ манушэ́скэ пир бутя́ лэ́скирэ-вастэнгирэ.

2 Kralip 12:6

и пал бакрятэ ёв исын банго́ тэ заплэскирэл дрэ штар мо́лы, пал дова́, со кэрдя́ дава́, и пал-дава́, со ёв на тангиндя.”

Яви́р Зако́но 24:19

Ке́ли ту явэ́са тэ чхинэс тэлэ́ гив пэ фэ́лда тыри́ и бистрэса ґарбо (снопо) пэ фэ́лда, на рисёв тэ лэс; мэк ёв тэ ячэ́лпэ манушэ́скэ, саво́ явдя́ явирэ рига́тыр, пиротоскэ (сиротаскэ) и пивлякэ (удовакэ), соб (кай) Рай Дэвэ́л, Дэвэ́л тыро́, тэ бахтякирэ́л тут дрэ сарэ́ тырэ́ вастэнгирэ рэ́нды.

Psalmy 72:13

Ёв приракхэла чорорэс и бэдонэс, ёв дэ́ла зор одолэ́скэ, кон исын дрэ трэ́бима.

Pritčy 22:9

Кон исын барвалэ́-илэ́скиро, кодова́ явэ́ла бахтякирдо́, пал-дова́ со ёв дэ́ла пэ́скиро маро́ чорорэнгэ.

Ekliesiastos 11:2

Роскэр, со исын ту́тэ, машки́р эфта́ (эфтанэ) манушэ́ндэ, ци адя́кэ-паць машки́р охто́ (бидуе́нгиро дэш) манушэ́ндэ, пал-дова́, со ту на джинэ́са, саво́ бэдыпэн явэ́ла пэ пхув.

Psalmy 41:2

Бахтало́ исын одова́ ману́ш, кон ґалёла чорорэн, Рай Дэвэ́л зракхэ́ла лэс дро пхаро́ дывэ́с.