Pritčy 19:1 - Библия - Пэ Балтитко Романи чиб (Романэс) 2019

¹ Фэды́р тэ явэ́л чороро́ ману́ш, саво́ дживэ́ла пир чачипэ́н, сыр тэ явэ́л хоханэ́-чибакиро (чибьякиро) ману́ш и дылыно́.

Biblija - Pe Baltitko Romani čib (Romanes) 2019

¹ Fedýr te javél čororó manúš, savó dživéla pir čačipén, syr te javél xohané-čibakiro (čibjakiro) manúš i dylynó.

Pritčy 19:1 Referans Kwoze

Pritčy 28:6

Фэды́р исын чороро́ ману́ш, кон кэрэ́ла саро́ лачхэ́с, сыр екх ману́ш, кон кэрэ́ла фуипэ́н пэфроми (нарочнэс), мэк ёв и тэ явэ́л барвало́.

Матфеё 16:26

Саво́ лачхипэ́н исын манушэ́скэ, ко́ли лэ́стэ явэ́ла саро́, со лэ́скэ трэй далэ́ свэто́стыр, а ёв хасякирэ́ла пэ́скиро ве́чно джиибэ́н? Нэ со ману́ш могинэ́ла тэ отдэ́л кучэдыр дро паруибэн пал пэ́скиро джиибэ́н?

Pritčy 16:8

Фэды́р тэ явэ́л на́бут, нэ дорэсно чачипна́са, сыр тэ явэ́л баро́ ко́фо, нэ начачипнаса.

Pritčy 19:22

Манушэ́скиро кучипэ́н исын лэ́скиро лачхипэ́н, и чороро́ ману́ш исын фэды́р хоханэстыр.

Pritčy 20:7

Чачуно́ ману́ш дживэ́ла би дошэнгиро: лэ́скирэ чхавэ́ исын бахталэ́ пало́ (после) лэ́стэ.

Pritčy 15:16

Тэ явэс чороро́ и тэ дарэс Дэвлэ́стыр исын фэды́р, сыр тэ явэс барэ́ барвалыпнаса, нэ пхарипнаса пэ ило́.

Pritčy 14:2

Кон кэрэ́ла саро́ пир чачипэ́н, кодова́ кутякирэла кэ дар Рас-Дэвлэ́с, нэ кон кэрэ́ла чорипэ́н пэфроми, одова́ на прилэ́ла кэ годы́ Лэс.

Isajos 59:3

Пал-дова́, со тумарэ́ васта́ магирдэ́ ратэ́са, а тумарэ́ ангушта (пальцы) – грэхэ́нца; тумарэ́ ушта́ хохавэна, тумари́ чиб на пхэнэ́ла чачипэ́н.

Psalmy 37:26

Ёв жалинэла и дэ́ла дро длуго (вужлыпэ́н) манушэ́нгэ, а лэ́скирэ чхаворэ́ исын бахтякирдэ.

Pritčy 12:26

Чачунэскэ трэй тэ выкэдэл малэн (другэн), пал-дова́ со фуй мануша́ лыджа́на криг дромэ́стыр.

Psalmy 26:11

Нэ мэ ява́ва тэ лыджав джиибэ́н; зра́кх ман и тангинэ ман.

1 Kralip 25:25

Мэк миро хула́й тэ на прилэл кэ годы́ далэ́-холынакирэ манушэ́с, Навалос; пал-дова́ со, саво́ лэ́скиро лав, дасаво́ и исын ёв. Навало исын лэ́скиро лав, и дылныпэ́н лэ́скиро исын лэ́са. А мэ, тыри́ дына́рица, на дыкхцём мирэ́ хула́скирэ дынарье́н, савэ́н ту прибичхадян.

1 Kralip 25:17

и адя́кэ подумин и подыкх, со тэ кэра́с, пал-дова́ со на менинэла би́да хула́с амарэс и саро́ лэ́скиро кхэр; а ёв исын ману́ш холямо́, нашты́ тэ ракирэ́с лэ́са.”

Pritčy 4:24

Ри́скир пэ́стыр хоханы чиб, и ушта́, со исын фрэнта.