Pritčy 18:6 - Библия - Пэ Балтитко Романи чиб (Романэс) 2019

⁶ Дылынэскирэ ушта́ выкхарэна чинга́рд, и лэ́скиро муй лыджа́ла кэ марибэ́н.

Biblija - Pe Baltitko Romani čib (Romanes) 2019

⁶ Dylyneskire uštá vykharena čingárd, i léskiro muj lydžála ke maribén.

Pritčy 18:6 Referans Kwoze

Pritčy 27:3

Бар исын пхаро́ и пра́хо исын пхаровато, нэ ке́ли дылыно́ зоралэ́с холясо́ла, дава́ исын пхарэдыр дуендыр.

Pritčy 29:9

Ке́ли годо́ ману́ш исын проти дылынэстэ пир рэ́ндо, ци дылыно́ салапэ, ци холясо́ла усае́кх нанэ рама́нё (миро).

Pritčy 25:24

Фэды́р исын тэ дживэ́с пэ кунто пэ кхэрэ́скири стрэ́ха (чхаки́н), сыр тэ явэс кхэтанэ́ джувля́са, сави́ чингардэлапэ.

Pritčy 20:3

Ману́ш кэрэ́ла паты́в пэ́скэ, ко́ли ёв тэрдякирэла кошыбэ́н, нэ кажно дылынинько ману́ш дэ́лапэ тэ чингардэлпэ.

Pritčy 19:29

Пэ одолэ́ндэ, савэ́ исын бипатывакирэ кэ яви́р мануша́, исын сэ́ндо, и пэ дылынэскирэ маса́ пэкаибэна (васт тэ марэл).

Pritčy 19:19

Древа́н-холынакиро ману́ш явэ́ла тэ страдынэл сэндостыр; ко́ли ту выракхэса (потангинэса) лэс, тэды ту́кэ трэй явэ́ла тэ кэрэ́с дава́ нэвэ́стыр.

Pritčy 17:14

Сыр лэ́на тэ кошэнпэ, дава́ исын сы́рбы пани́, со мэкэлапэ тэлэ́, палдава́ мэк тэ чингардэспэ анги́л, сыр холямо́ кошыбэ́н лэ́лапэ.

Pritčy 14:16

Годо́ ману́ш дарэ́ла и дурьёла чорипна́стыр, нэ дылыно́ сы́гэс холясо́ла и зоралэ́с патя́ла дрэ пэ́стэ.

Pritčy 14:3

Дылыно́ рикирэ́ла пхутькирдэс кэ ран пэ пэ́скиро думо, нэ годэ́ ушта́ ракхэна манушэ́н.

Pritčy 13:10

Пхутькирибнастыр джа́ла чинга́рд, нэ, кон кандэ́ла, сыр лэ́скэ дэ́на годыпэ́н, одова́ исын годо́.

Pritčy 12:16

Дылынинько ману́ш екха́тыр зоралэ́с холясо́ла, нэ барэ́-годя́киро счхакирэла холы́.

Pritčy 22:10

Традэ криг адасавэс, саво́ исын бипатывакиро кэ яви́р мануша́, и чинга́рд дурьёла; и кошыбэ́н, и обракирибэн пириячэна.