Pritčy 18:5 - Библия - Пэ Балтитко Романи чиб (Романэс) 2019

⁵ Дава́ исын налачхэ́с тэ явэс пэ фуе́-манушэ́нгири риг, ци тэ равэс тэлэ́ чачунэ́ манушэ́н пэ сэ́ндо.

Biblija - Pe Baltitko Romani čib (Romanes) 2019

⁵ Davá isyn nalačhés te javes pe fujé-manušéngiri rig, ci te raves telé čačuné manušén pe séndo.

Pritčy 18:5 Referans Kwoze

Левито 19:15

На сэндякирэс хоханэ́с пэ сэ́ндо; на яв проти чорорэстэ и на кэр гудлэс (на ладин) барвалэ́ манушэ́нгэ. Пир чачипэ́н сэндякир тырэ́ пашатунэс.

Pritčy 28:21

Дава́ исын намишто тэ явэс пэ вари-конэ́скири риг, пал-дова́ со и пал котэ́р маро́ адасаво́ ману́ш кэрэ́ла чорипэ́н.

Яви́р Зако́но 16:19

на пирикрэнцын Зако́но, на дыкх пэ муя́, и на лэ почастунко (да́ро), пал-дова́ со почастунко корьякирэла годьварэнгирэ якха́ и пирикрэнцынэла чачунэнгиро лава́;

Psalmy 82:2

Ци бут явэ́са Ту тэ сэндякирэс начачунэс и тэ прилэс фуе́ манушэ́н?

Pritčy 24:23

Ѓа́да, исын годэ́-манушэ́нгирэ лава́: “Дава́ исын намишто тэ явэс пэ вари конэ́скири риг пэ сэ́ндо.”

Pritčy 17:15

Кон чачакирэла (оправдынэла) [промэкэла банг-ю.о.] фуе́ манушэ́нгэ, кон бангякирэла чачунэ́ манушэ́с-далэ́ дуе рэндэ́ндыр (делэндыр) дурьела Рай Дэвэ́л.

Матфеё 22:16

И ёнэ бичхадэ́ кэ Ёв пэ́скирэ сыкляибнытконэ́н кхэтанэ́ Иродианэнца тэ пхучэ́н Лэ́стыр: “Сыклякирибна́скиро! Амэ джина́са, со Ту сан чачуно́ и сыклякирэса пал дром кэ Дэвлэ́скиро чачипэ́н, на дыкхи́ пэ манушэ́скиро штэ́то машки́р явирэ манушэ́ндэ, и Ту на дарэса никонэстыр, со Ту на дыкхэ́са пэ лэ́скиро штэ́то машки́р манушэ́ндэ;

Isajos 5:23

Савэ пал ловэ́ отмэкэна одолэ́с, кон исын банго́, а манушэ́с, саво́ исын чачуно́, обчорэна.

Ióvo 34:19

Дэвэ́л на прилэ́ла тхагарьенгири риг, адя́кэ-паць Ёв на гинэ́ла барвалэн вучэды́р чорорэндыр, пал-дова́ со Ёв создыя́ и екхэ́с и явирэ́с.

Mihiejo 7:3

Лэ́нгирэ васта́ рискирдэ́ тэ кэрэ́н биба́хт (фуипэ́н): о тхага́ри пхучэла почастунко (да́ро), о сэнда́ри (наенгиро) родэ́ла мыто (взятка), и барэ́ рая выпхэнэна лэ́нгири бибахталы мысля пэ годы́, со ёнэ камэ́на; и ёнэ адя́кэ кхэтанэ́ пиририскирэна чачипэ́н.

Isajos 59:14

И сэ́ндо гия́ палэ, чачипэ́н дур тэрдия́, пал-дова́, со чачипэ́н пыя́ пэ га́са [форуны́/пло́шча.-р.с.], и паты́в нисыр на заджа́ла.

Vygiiben 23:2

На джа́ пала́л пал манушэ́нгиро скопо тэ кэрэ́с фуипэ́н, и на допхэн дро рэ́ндо адя́кэ, соб (кай) чачипэ́н тэ рискирэ́н, сыр бут мануша́.

Vygiiben 23:6

на сэндякир хоханэ́с тырэ́-чорорэскиро рэ́ндо пир чачипэ́н,

Pritčy 17:26

Тэ сэндякирэс чачунэ́ манушэ́с исын намишто, и тэ марэс крали́скирэ барыдырэ́н пал лэ́нгиро патяибэ́н.

Pritčy 31:5

соб (кай) ёнэ тэ на матён, и соб (кай) ёнэ тэ на бистрэн пал зако́но, и соб (кай) ёнэ тэ на рискирэ́н чачипэ́н одолэ́ндыр, савэ́н притасавэ́на.

Mihiejo 3:9

Акана́, шунэ́н дава́ тумэ́, шэралалэ кхэрэ́стыр Яковоскирэстыр, и барыдыра́ тхэмэ́скирэ кхэрэ́стыр Израилёскирэстыр, савэ́нгэ исын джунгало́ (брыдко) чачипэ́н, и савэ́ пиририскирэна патяибны́тко отлыджаибэн кэ чачипэ́н;

Vygiiben 23:3

И чорорэс на подрикир дро лэ́скиро рэ́ндо пир чачипэ́н,