Pritčy 18:14 - Библия - Пэ Балтитко Романи чиб (Романэс) 2019

¹⁴ Манушэ́скиро ду́хо (фа́но) рикирэ́ла джидэс лэс, ке́ли ёв исын насвало́, нэ кон сашты́ (могинэ́ла) тэ ґаздэл (тэ подрикирэ́л) пхагирдо́ ду́хо (фа́но)?

Biblija - Pe Baltitko Romani čib (Romanes) 2019

¹⁴ Manušéskiro dúho (fáno) rikiréla džides les, kiéli jov isyn nasvaló, ne kon saštý (moginéla) te ĥazdel (te podrikirél) phagirdó dúho (fáno)?

Pritčy 18:14 Referans Kwoze

Pritčy 15:13

Радымакиро (лошало) ило́ кэрэ́ла бахтало́ муй, нэ калыпэ́н пэ ило́ пхагирэ́ла ду́хо (фа́но).

Pritčy 17:22

Радымакирэ илэ́стыр джа́ла састякирибэн сыр драбэстыр, нэ пхагирдо́ ду́хо (фа́но) шутькирэла кокалы́.

1 Petr 1:6

Пал дава́ радынэ́нпэ какана́, мэк вари-саво́ часо тумэ́нгэ приджалапэ тэ пиридживэс мэ́ньки и тумэн явэ́на тэ пропатякирэн разнонэ ригэ́ндыр,

Jakov 1:2

Пшала́лэ мирэ́, гинэн пал бари ра́дыма, ке́ли тумэн пропатякирэна пир яви́р (разнэс),

Psalmy 147:3

Ёв састякирэла одолэ́н, конэ́стэ исын пхаро́ пэ ило́, и Ёв пирипхандэла лэ́нгирэ франсы (раны).

2 Коринфянэнгэ 2:7

соб (кай) тумэ́ пэ проти фэды́р тэ примангэн лэ́скэ и тэ подрикирэн лэс, соб (кай) ёв тэ на явэ́л стасадо́ пиридживипна́са.

Psalmy 109:22

Пал-дова́ со ман притасавэ́на и ма́нгэ исын пхаро́, и миро ило́ исын дукхадо дрэ ма́ндэ.

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Psalmy 55:5

Миро ило́ дукхала андра́л ма́ндэ и мэрибнаскири дар пыя́ пэ ма́ндэ,

Psalmy 55:3

шун ман и отпхэн ма́нгэ: мэ псирава пэ́скэ и ладжава пэ́стыр

Ióvo 6:4

Пал-одова́ со Сарэзорьякирэ–Дэвлэ́скирэ марибны́тка бустя́ (стре́лы) исын андра́л ма́ндэ, мирэ́ маса́ пьена лэ́нгири трута (отрава): трашаибэ́н анги́л Дэвлэ́стэ тэрдия́ дрэ стонка пэ ма́ндэ.

Vygiiben 6:9

Мо́йза пирипхэндя дава́ Израилёскирэ чхавэ́нгэ; нэ ёнэ на шундлэ́ Мойза́с пир напатяибэн и пхари́ буты́.