Pritčy 18:10 - Библия - Пэ Балтитко Романи чиб (Романэс) 2019

¹⁰ Ра́скирэ-Дэвлэ́скирэ лав исын сыр зоралы́ вучарды́ (башня), чачуно́ ману́ш нашэла дрэ ла́тэ, и тэ́ньчи ёв исын бидаракиро.

Biblija - Pe Baltitko Romani čib (Romanes) 2019

¹⁰ Ráskire-Devléskire lav isyn syr zoralý vučardý (bašnia), čačunó manúš našela dre láte, i tén'či jov isyn bidarakiro.

Pritčy 18:10 Referans Kwoze

2 Kralip 22:3

Дэвэ́л исын бэ́рга мири́; пэ Лэ́стэ мэ розгинава; шчы́то миро, шынг (ро́го) ракхибнаскиро мирэскиро, вучарды́ (башня) мири́ и нашыбэн миро; Зракхибнаскиро миро, бидатыр Ту зракхця́н ман!

Psalmy 91:2

И ёв тэ пхэнэ́л Ра́скэ-Дэвлэ́скэ: “Миро гарадыипэн и мири́ тва́рдыма (диз). Миро Дэ́вла! Мэ рисёва́ва кэ Ту тэ зракхавпэ.”

Isajos 26:4

На ячкирэн (на ячавэн) Рас-Дэвлэ́с николи, пал-дова́ со Рай Дэвэ́л исын зоралыпэ́н ве́чно.

Psalmy 144:2

Ёв исын лачхэ́-дескиро кэ мэ и затэрдёла пал ма́ндэ. Ёв исын мири́ вучи́ вучарды́ (башня) и миро Зракхибнаскиро, миро шчы́то, дрэ Конэ́стэ мэ зоралэ́с патя́ва, Саво́ тэлякирдя мирэ́ манушэ́н тэл ма́ндэ.

Psalmy 27:1

Давидо́скиро Пса́лмо. Рай Дэвэ́л исын миро дуд (свэ́то) и Ёв зракхэ́ла ман; конэ́стыр ма́нгэ тэ страхадёвав? Рай Дэвэ́л приракхэла ман Лэ́скирэ зоралыпнаса; конэ́стыр мэ тэ дарав?

Psalmy 18:2

И пхэндя́ ёв: “Мэ рикирава сыр Дро́гима Тут дро ило́, Раё Дэ́вла, Ту дэ́са зор ма́нгэ.

Džiibén 17:1

Аврамоскэ сыс енядэша еня́ бэрш, и Рай Дэвэ́л сыкадыя́ Аврамоскэ и пхэндя́ лэ́скэ: “Мэ сом Сарэзорья́киро Рай Дэвэ́л; псир анги́л Ма́ндэ и яв бидошэ́нгиро;

Sykadyipén 1:8

“Мэ сом Альфа и Омега, Англыпэ́н и Ко́нцо (Яго́ро), ракирэ́ла Рай Дэвэ́л, Сарэзорья́киро.”

Матфеё 1:23

“Акэ, патывалы́ тэрны́ джувлы́ явэ́ла пхари́, и биянэ́ла Чхавэ́с, и Лэ́скиро лав явэ́ла Эмануило” (со значынэ́ла: “Дэвэ́л исын амэ́нца”).

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

1 Kralip 30:6

Дави́до зоралэ́с замыя́ дро годы́, адя́кэ сыр мануша́ камнэ тэ домарэн лэс барэ́нца; пал-дова́ со пиридживдэ деса сарэ́ мануша́, сва́ко (кажно) пал пэ́скирэ чхавэ́ндэ и пэ́скирэ чхаендэ.

Ереме́ё 23:6

Дрэ долэ́ дывэса́ Юдэ́я явэ́ла зракхны, и Израилё явэ́ла тэ дживэ́л би дара́киро. Ёв явэ́ла тэ кхарэлпэ: ‘Рай Дэвэ́л исын амаро́ Чачипэ́н.’

Psalmy 91:14

“Пал-дова́ со лэ́скэ яцём дро́го Мэ”, – ракирэ́ла Рай Дэвэ́л, – “Мэ зракха́ва лэс, Мэ чхува́ва вучэ́с лэс, пал-дова́ со ёв джинэ́ла Миро лав.

Avakumo 3:19

Ра́стыр-Дэвлэ́стыр лэ́лапэ мири́ зор, и Ёв кэрэ́ла мирэ́ ґэрэндыр сы́рбы оленёскирэ сыгна ґэра́ и Ёв ґаздэ́ла ман тэ псирав пир мирэ́ вучэ́ бэ́ргицы. (Хоро́скирэ Дирижоро́скэ пэ балытка струме́нты).

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

2 Kralip 22:51

Лэ́скэ, Кон зракхэ́ла крали́с Пэ́скирэс и кэрэ́ла милыма помакхибнаскирэскэ Пэскирэскэ, Давидо́скэ и родо́скэ лэскирэскирэ пэ ве́ки!”

Džiibén 32:11

Зра́кх ман мирэ́-пшалэ́скирэ вастэ́стыр, Исаво́скирэ вастэ́стыр, пал-дова́ со мэ дарава лэ́стыр, соб (кай) ёв, сыр явэ́ла, тэ на замарэ́л ман и да ла́кирэ чхаворэнца.”

Vygiiben 6:3

Мэ сыкадыём Авраамо́скэ, Исаако́скэ и Яково́скэ дасавэ́ лавэ́са: “Дэвэ́л Сарэзорья́киро”, а лавэ́са Мирэса: “Рай Дэвэ́л” на сыкадыём лэ́нгэ;

2 Kralip 22:2

“Рай Дэвэ́л исын тва́рдыма (диз) мири́, и зор мири́, и Зракхибнаскиро миро.

Pritčy 14:26

Кон дарэ́ла Ра́стыр-Дэвлэ́стыр, кодова́ ману́ш исын зоралэ́с тэрдо́, и лэ́скирэ чхавэ́нгэ явэ́ла штэ́то тэ гарадён.

Pritčy 29:25

Кон дарэ́ла манушэ́ндыр, кодова́ сы́рбы чхувэ́ла фэлы́ пэ́скэ, нэ кон зоралэ́с патя́ла дрэ Растэ-Дэвлэ́стэ, одова́ явэ́ла бидаракиро.

1 Kralip 17:45

А Дави́до отпхэндя́ Филистимляниноскэ: “Ту джа́са проти ма́ндэ куртала́са и чхурдыпнытконэ бустяса и шчытоса, а мэ джа́ва пэ ту́тэ дро Ра́скирэ-Дэвлэ́скиро лав, болыбна́скирэ-янголэнгирэс, Израилёскирэ-Дэвлэ́скирэ халадэ́нгиро, савэ́н ту костян;

Psalmy 20:2

Мэк Рай Дэвэ́л тэ шунэ́л тут дро дывэ́с, ке́ли исын пхаро́; мэк Яково́скирэ-Дэвлэ́скирэ лав тэ зракхэ́л тут вэргэ́ндыр;