Pritčy 17:5 - Библия - Пэ Балтитко Романи чиб (Романэс) 2019

⁵ Кон салапэ чорорэстыр, одова́ обракирэла Рас-Дэвлэ́с, Саво́ создыя́ лэс. Кон радынэ́лапэ барэ́ бидакэ, кодолэ́скэ явэ́на вечна мэ́ньки.

Biblija - Pe Baltitko Romani čib (Romanes) 2019

⁵ Kon salape čororestyr, odová obrakirela Ras-Devlés, Savó sozdyjá les. Kon radynélape baré bidake, kodoléske javéna viečna mén'ki.

Pritčy 17:5 Referans Kwoze

Pritčy 14:31

Кон притасавэла чорорэс, кодова́ сы́рбы обракирэла Рас-Дэвлэ́с, Саво́ создыя́ лэс. Нэ кодова́ кэрэ́ла паты́в Лэ́скэ, Саво́ исын лачхэ́-дескиро кэ мануша́, кон исын дрэ трэ́бима.

1 Ian 3:17

А ко́ли вари-конэ́стэ исын саро́, со трэй ваш джиибэ́н дро дава́ свэ́то, а ёв дыкхэ́ла, со лэ́скирэ пшалэ́скэ трэй вари-со ваш джиибэ́н и ёв зачхакирэла пэ́скиро ило́ лэ́стыр, тэды сави́ жа исын Дэвлэ́скири ла́ска дрэ Лэ́стэ?

Pritčy 16:5

Кажно (сва́ко) пхутькирдо илэ́са ману́ш исын джунгало́ (брыдинэла) Ра́скэ-Дэвлэ́скэ, мэк ёнэ исын дро екх васт екх екхэ́са, мэ совлахава: ние́кх на нашэла бибангипнаскиро.

Ióvo 31:29

Ко́ли мэ тэ радынавпэ зоралэ́с, со хасибэ́н пыя́ пэ лэ́стэ, ці, ко́ли мэ тэ ґаздавпэ радыма́тыр, сыр биба́хт пыя́ пэ лэ́стэ;

Pritčy 14:21

Кон дыкхэ́ла вучипна́стыр пэ пэ́скирэ пашатунэстэ, кодова́ кэрэ́ла грэ́хо; нэ бахтало́ исын кодова́ ману́ш, кон исын лачхэ́-илэ́скиро (жалинэла) кэ кодолэ́, савэ́н притасавэ́на.

Римлянэнгэ 12:15

Радынэ́нпэ кхэтанэ́ одолэ́ манушэ́нца, савэ́ радынэ́напэ, и ровэ́н кхэтанэ́ одолэ́ манушэ́нца, савэ́ ровэна.

Ереме́ё 17:16

Нэ мэ на со́мас сыго тэ явав чхупнариса (пастырёса), соб (кай) тэ джав пал Ту́тэ. Адя́кэ-паць мэ на камдём, соб (кай) тэ явэ́л хасибны́тко дывэ́с: Ту джинэ́са дава́, со выгия́ мирэ́ уштэндыр, саро́ сыс анги́л Ту́тэ.

Psalmy 69:9

Мэ яцём чу́жо пэ́скирэ пшалэ́нгэ, и на́кхэтано́ (постороннё) пшал мирэ́-да́кирэ чхавэ́нгэ.

Авдиёс 1:16

Пал-дова́ со сыр тумэ́ пинэ́ пэ Мири́ свэ́нто бэ́рга, адя́кэ-паць и сарэ́ Наюды́тка на́цыи явэ́на ўса́ды (сак) тэ пьен; ёнэ явэ́на тэ пьен, и тэ накхавэн (тэ глытынэн), и лэн хасякирэна сы́рбы на сыс лэн.

Езэкилё 25:3

Пхэн Амоноскирэ чхавэ́нгэ: ‘Шунэ́н Ра́скирэ-Дэвлэ́скиро лав: адя́кэ ракирэ́ла Рай Дэвэ́л: ‘Ко́ли ту ракирэ́са пал Миро свэ́нто: “А!”, палдова́ со ёв исын магирдо́, ракирэ́са пал Израилёскири пхув, пал дова́, со ёй исын чхучи́, ракирэ́са пал Юда́скиро кхэр, пал дова́ со лэн традынэ дрэ наволя,

Авдиёс 1:10

Пал-дова́ со ту са́нас нахрато кэ тыро́ пшал Яково, ладжаипэ́н учхакирэ́ла тут, и ту хасёса пэ сарэ́ ве́ки.