Pritčy 17:23 - Библия - Пэ Балтитко Романи чиб (Романэс) 2019

²³ Фуй ману́ш чхувэ́ла мыто (взятка) палэ брэк, соб (кай) тэ рисёл чачипнастыр пэ сэ́ндо.

Biblija - Pe Baltitko Romani čib (Romanes) 2019

²³ Fuj manúš čhuvéla myto (vziatka) pale brek, sob (kaj) te risjol čačipnastyr pe séndo.

Pritčy 17:23 Referans Kwoze

Mihiejo 7:3

Лэ́нгирэ васта́ рискирдэ́ тэ кэрэ́н биба́хт (фуипэ́н): о тхага́ри пхучэла почастунко (да́ро), о сэнда́ри (наенгиро) родэ́ла мыто (взятка), и барэ́ рая выпхэнэна лэ́нгири бибахталы мысля пэ годы́, со ёнэ камэ́на; и ёнэ адя́кэ кхэтанэ́ пиририскирэна чачипэ́н.

Pritčy 17:8

Да́ро исын куч бар дрэ кодолэскирэ якха́, конэ́стэ ёв исын: карик хула́й тэ на рисёл, да́ро янэ́ла лэ́скэ миштыпэ́н.

Vygiiben 23:8

Мыты (взятки) на прилэ́: пал-дова́ со мыты (взятки) кэрэ́на корорэнца, кон дыкхэ́ла, и пирикэрэна лава́ чачунэ́ манушэ́ндыр.

Яви́р Зако́но 16:19

на пирикрэнцын Зако́но, на дыкх пэ муя́, и на лэ почастунко (да́ро), пал-дова́ со почастунко корьякирэла годьварэнгирэ якха́ и пирикрэнцынэла чачунэнгиро лава́;

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Езэкилё 22:12

Кэ ту мануша́ лэ́на мыто (взятка), соб (кай) тэ чхувэ́н рат, ту дэсас ловэ́ тэло ко́фо (процэнто), и лэсас барэды́р бажын (лихва) ту зорья́са отлэсас миштыпэ́н тырэ́ пшалэстыр, а пал Ма́ндэ бистырдян, – ракирэ́ла Рай Дэвэ́л, Дэвэ́л.

Isajos 1:23

Тхага́рья (кня́зи) тырэ́ на кэрэ́на пир чачипэ́н, лэ́нгирэ дру́ги (мала́) исын чора. Сарэ́ ёнэ камэ́на мыто, праста́на пал ловэ́. Ёнэ на уштэна (затэрдёна) пал пиротэндэ (сиротэндэ) и пивлякиро (удовакиро) рэ́ндо на доджа́ла кэ ёнэ.

Pritčy 21:14

Да́ро, саво́ дэ́лапэ, соб (кай) нико́н тэ на дыкхэ́л, штылякирэла бари холы́, и мыто (взятка), со дэ́лапэ пало́ думо, кэрэ́ла баро́ холякирибэ́н.

Pritčy 18:16

Манушэ́скиро тала́но кэрэ́ла дрома́ манушэ́скэ, и янэ́ла лэс анги́л барэ́ манушэ́ндэ.

1 Kralip 12:3

ґа́да, мэ сом, мэк тэ допхэнэн пэ ма́ндэ анги́л Растэ-Дэвлэ́стэ и анги́л Лэ́скирэ помакхибнаскирэстэ, ци конэ́стыр мэ лыём гурувэ́с, ци конэ́стыр лыём мэ осло́с, конэ́с дукхадём и конэ́с притасадём, ци конэ́стыр лыём мэ мыто (взятка) и зачхакирдём дро лэ́скиро рэ́ндо якха́ мирэ́, и мэ рискира́ва тумэ́нгэ.”

1 Kralip 8:3

Нэ лэ́скирэ чхавэ́ на псирдэ́ лэ́скирэ дромэ́нца, а отгинэ́ дро пэ́скиро ко́фо, и лынэ́ почасту́нки (подарки), и сэндиндлэ хоханэ́с.

Ekliesiastos 7:7

Чачо́, ко́ли годо́ ману́ш притасавэла явирэ манушэ́с, тэды ёв дылнёла, и почастунко (подарко) [мыто-ю.о.] хасякирэ́ла манушэ́скиро ило́.

Isajos 5:23

Савэ пал ловэ́ отмэкэна одолэ́с, кон исын банго́, а манушэ́с, саво́ исын чачуно́, обчорэна.

Езэкилё 22:27

Ла́кирэ тхага́рья исын сыр рува́, савэ́ родэ́на хабэ́н, чхувэ́на рат, хасякирэна манушэ́нгиро ди, соб (кай) тэ латхэ́н барвалыпэ́н напатывалэс.

Mihiejo 3:9

Акана́, шунэ́н дава́ тумэ́, шэралалэ кхэрэ́стыр Яковоскирэстыр, и барыдыра́ тхэмэ́скирэ кхэрэ́стыр Израилёскирэстыр, савэ́нгэ исын джунгало́ (брыдко) чачипэ́н, и савэ́ пиририскирэна патяибны́тко отлыджаибэн кэ чачипэ́н;