Pritčy 17:21 - Библия - Пэ Балтитко Романи чиб (Романэс) 2019

²¹ Конэ́стэ латхэлапэ чхаво́, саво́ исын би патывакиро кэ яви́р мануша́, одолэ́скэ манушэ́скэ явэ́ла калыпэ́н. Дад, конэ́стэ исын дылынинько чхаво́, на радынэ́лапэ.

Biblija - Pe Baltitko Romani čib (Romanes) 2019

²¹ Konéste lathelape čhavó, savó isyn bi patyvakiro ke javír manušá, odoléske manušéske javéla kalypén. Dad, konéste isyn dylynin'ko čhavó, na radynélape.

Pritčy 17:21 Referans Kwoze

Pritčy 10:1

Соломоно́скирэ притчы. Годо́ чхаво́ радынэла пэ́скирэ дадэ́с, нэ дылыниньконэ чхавэстыр калёла ило́ лэ́скирэ датэ.

Pritčy 19:13

Дылыно́ чхаво́ кэрэ́ла бари би́да дадэ́скэ; ромны́, сави́ чингардэлапэ, исын сы́рбы пани́, со пэрэ́ла и ўса́ды (сак) чхинэла дрэ кана́.

Pritčy 17:25

Дылынэ́ чхавэстыр калёла ило́ дадэ́стэ, киркипэн одолэ́ джувля́кэ, сави́ бияндя́ лэс.

Pritčy 15:20

Годо́ чхаво́ радынэла пэ́скирэ дадэ́с, нэ дылынинько ману́ш дыкхэ́ла вучипна́стыр пэ пэ́скирэ датэ.

Džiibén 26:34

Исавоскэ сыс штардэша́ бэрш, и лыя́ пэ́скэ ромня́ Егудифа, Беэроскирэ-Хетеяниноскирья чха, и Васемафа, Елоноскирэ Хетеяниноскирья чха;

3 Ian 1:4

Ваш ма́нгэ нанэ барэды́р ра́дыма, сыр тэ шунав, со мирэ́ чхаворэ́ дживэ́на пир чачипэ́н.

2 Коринфянэнгэ 2:3

И мэ чхиндём дава́-паць тумэ́нгэ дара́тыр (дарьятыр), со ке́ли мэ ява́ва, тэды, соб (кай) ма́нгэ тэ на пиридживав пал одолэ́ндэ, конэ́скэ трэй тэ радынэл ман, мэ зоралэ́с патя́ва дрэ тумэ́ндэ, со мири́ ра́дыма исын ра́дыма ваш сарэ́ тумэ́нгэ.

2 Kralip 18:33

И пыя́ дрэ ду́хо кра́ли, и гия́ дрэ шту́ба упрэ́ пэ по́рта, и рондя́, и, ке́ли гия́, то ракирдя́ адя́кэ: “Чхаво́ миро Авесало́мо! Чхаво́ миро Авесало́мо! Нэ, кон тэ дэл ма́нгэ тэ мэрав заме́ст ту́тэ, Авесаломе, чхаво́ миро, чхаво́ миро!”

1 Kralip 8:3

Нэ лэ́скирэ чхавэ́ на псирдэ́ лэ́скирэ дромэ́нца, а отгинэ́ дро пэ́скиро ко́фо, и лынэ́ почасту́нки (подарки), и сэндиндлэ хоханэ́с.