Pritčy 17:17 - Библия - Пэ Балтитко Романи чиб (Романэс) 2019

¹⁷ Малэскэ трэй лэ́скирэ мал дро кажно часо (цы́ро), чачуно́ пшал явэ́ла, сыр пэрэ́ла биба́хт.

Biblija - Pe Baltitko Romani čib (Romanes) 2019

¹⁷ Maleske trej léskire mal dro kažno časo (cýro), čačunó pšal javéla, syr peréla bibáht.

Pritčy 17:17 Referans Kwoze

Pritčy 18:24

Манушэ́скэ, савэ́стэ исын бут дру́ги (мала́), кокорэскэ трэй тэ явэ́л малытко (другитко) кэ яви́р, нэ исын мал, саво́ исын буты́р пашылэды́р ту́кэ тырэ́ пшалэстыр.

1 Kralip 20:17

И нэвэ́с Ионафа́но совлахадя́ Давидо́скэ пэ́скирэ илэ́са кэ ёв, пал-дова́ со сыс дро́го лэ́скэ, сыр пэ́скиро ди.

Pritčy 19:7

Сарэ́ пша́ла чорорэ́-манушэ́скирэ древа́н на камэ́на лэс, пэ кицы́ буты́р лэ́скирэ мала́ дурьёна лэ́стыр! Ёв могинэ́ла тэ мангэ́л лэн палэ лавэ́нца, нэ ёнэ усае́кх мэкэ́на лэс.

1 Kralip 18:3

Ионафа́но кэрдя́ Давидоса доракирибэ́н, пал-дова́ со выкэдыя́ пэ́скэ лэс, сыр пэ́скиро ди.

Юдэ́нгэ 2:11

Пал-дова́ со Одова́, Кон отмэкэ́ла манушэ́нгирэ грэ́хи, и одолэ́, савэ́нгэ Ёв отмэкця́ грэ́хи, сарэ́ исын Дадэ́скирэ чхавэ́, палдава́ Исусо́скэ нанэ ладжаво тэ кхарэл лэн пшалэ́нца;

Ruta 1:16

Нэ Рута пхэндя́: “На зачхув ман тэ ячкирав тут и тэ рисёвав ту́тыр; нэ карик ту джа́са, одори́к и мэ джа́ва, и кай ту явэ́са тэ дживэ́с, одо́й и мэ ява́ва тэ джива́в; тырэ́ мануша́ явэ́на мирэ́ манушэ́нца, и тыро́ Дэвэ́л – мирэ́ Дэвлэ́са;

Ester 4:14

Ко́ли ту дро дава́ часо явэ́са штыл (промолчинэса), тэды васт (помошч) и зракхибэ́н явэ́на ваш Юдэ́нгэ явирэ штэто́стыр, а ту и тырэ́ – дадэ́скиро кхэр, хасёна. И кон джинэ́ла, ци на ваш дава́ часо ту и дорэсцян (долыян) крали́скири паты́в?”

2 Kralip 1:26

Пиридживава мэ пал ту́тэ, миро пшал Ионафа́но; ту и са́нас древа́н дро́го ваш ма́нгэ; паты́в тыро́ кэ мэ сыс ваш ма́нгэ барэды́р джувлякирэ камибнастыр.

1 Kralip 23:16

И уштыя́ Ионафа́но, Саулоскиро чхаво́, и явдя́ кэ Дави́до дро вэш, и зоралякирдя лэс надеяса пэ Дэвлэ́стэ,

1 Kralip 19:2

И роспхэндя́ Ионафа́но Давидо́скэ, ракири́: “Дад миро, Са́уло, родэ́ла тут тэ мулякирэ́л; и адя́кэ ракхпэ атася́; гарадёв и яв дро гарадыпнытко штэ́то.

2 Kralip 15:21

И отпхэндя́ Ефеё крали́скэ, и пхэндя́: “Тэ явэ́л джидо́ Рай Дэвэ́л, и мэк тэ дживэ́л хула́й миро, кра́ли: кай бы на явэ́л хула́й миро, кра́ли, ци дро джиибэ́н, ци дро мэрибэ́н, одо́й явэ́ла и тыро́ писха́ри.”

1 Kralip 19:3

А мэ выджава и тэрдёвава пашы́л мирэ́ дадэ́стэ пэ фэ́лда, кай ту явэ́са, и поракирава пал ту́тэ мирэ́ дадэ́скэ, и со мэ дыкха́ва, то дова́ роспхэнава ту́кэ.”

Pritčy 16:28

Начачуно ману́ш розлыджала чинга́рд, кон гундяринэла (шэпчынэла), одова́ роскэрэла фэдыршонэ малэн.

Pritčy 19:13

Дылыно́ чхаво́ кэрэ́ла бари би́да дадэ́скэ; ромны́, сави́ чингардэлапэ, исын сы́рбы пани́, со пэрэ́ла и ўса́ды (сак) чхинэла дрэ кана́.