Pritčy 16:21 - Библия - Пэ Балтитко Романи чиб (Романэс) 2019

²¹ Конэ́стэ исын годо́ ило́, кодова́ кхарэ́лапэ барэ́-годя́киро, гудлэ́ ушта́ барьякирэна сыклякирибэ́н.

Biblija - Pe Baltitko Romani čib (Romanes) 2019

²¹ Konéste isyn godó iló, kodová kharélape baré-godiákiro, gudlé uštá barjakirena sykliakiribén.

Pritčy 16:21 Referans Kwoze

Isajos 50:4

Рай Дэвэ́л дыя́ ма́нгэ чиб годьварэ́ манушэ́ндыр, соб (кай) Мэ лавэ́са тэ подрикирав кодолэ́с, кон буты́р на вырикирэ́ла; тася́рлэс (ра́нэс) Ёв джингавэла Ман, джингавэла кан Миро, соб (кай) Мэ тэ шунав, сыр сыкляибны́тко.

Pritčy 15:7

Годэ́-манушэ́нгирэ ушта́ дэ́на джиныбэ́н, нэ дылыниньконэ-манушэ́нгиро ило́ на кэрэ́ла адя́кэ.

Pritčy 27:9

Макхибэн (мазилки) и гудло́ тхувлякирибэн (куриныбэн) зоралэ́с радынэна ило́, и гудло́ исын кажно мал, кон дэ́ла годы́ илэ́стыр.

Jakov 3:17

Нэ годыпэ́н, саво́ джа́ла болыбна́стыр, англэды́р сарэ́стыр ёв исын жужо́ грэхостыр, раманёно, штыл (тихо), вырикирэ́ла бут, на пхандэла манушэ́с, исын пхэрдо́ тангипнаса и лачхэ́ рэндэ́нца, сэндинэла шэра́ (ра́внэс) манушэ́н, нанэ дуемитко.

Joannostir 7:46

Э стрэгарья отпхэндлэ́ адя́кэ: “Адава́ ману́ш адя́кэ ракирдя́, со нико́н ние́кхвар на ракирдя́.”

Luka 4:22

И ёнэ сарэ́ прилынэ́ дава́ Лэ́стыр и дивиндэпэ пэ бахталыпэ́н лавэ́ндыр, савэ́ Ису́со ракирдя́ и ёнэ ракирдэ́: “Ци на Ёв исын Ёзаскиро Чхаво́?”

Ekliesiastos 12:10

Сыклякирибна́скиро пал Дэвлэ́стэ родыя тэ латхэл гожа лава́ и тэ зачхинэл пир чачипэ́н патяибнытка лава́.

Pritčy 23:15

Мро чха́ва! Ко́ли тыро́ ило́ исын годо́, тэды миро ило́ явэ́ла тэ радынэ́лпэ.

Pritčy 10:8

Годэ́ мануша́ прилэ́на кэ годы́ припхэныбэна́, нэ набарэ́-годя́киро ману́ш пэрэ́ла.

Psalmy 45:2

Миро ило́ исын пхэрдо́ бахталэ́ лавэ́нца: мэ ракира́ва пал крали́скирэ рэ́нды, мири́ чиб исын сыр лачхэ́-чхиныбнарискиро дэсторо (трость).

3 Kralip 3:12

то ґа́да, Мэ кэра́ва пир лав тыро́. Акэ, Мэ да́ва ту́кэ ило́ годо́ и годьваро́, адя́кэ со шэра́ (ра́внэс) ту́кэ на сыс англэды́р ту́тыр, и пало́ (после) ту́тэ на явэ́ла ровня ту́кэ.

Римлянэнгэ 16:19

Тумаро кандыпэн патяибнаскэ исын джиндло́ сарэ́нгэ; палдава́ мэ сом древа́н радо пал тумэ́ндэ, мэ кама́м, соб (кай) тумэ́ тэ явэ́н годьварэ́ дро лачхипэ́н и тэ на явэ́н бангэ́ дро фуипэ́н.

Матфеё 11:25

Дро до-паць часо, ке́ли Ису́со отпхэнэ́лас лэ́нгэ, пхэндя́ Ёв дурэды́р: “Мэ славинава Тут, Да́до, Рай Дэвэ́л Болыбна́скиро и пхувья́киро, со Ту ґарадян дава́ годьварэндыр и барэ́-годякирэндыр, и откэрдян дава́ бияторэнгэ;

Pritčy 16:22

Конэ́стэ исын годыпэ́н, дава́ исын джиибна́скири ґаны́нг (источнико); нэ тэ сыклякирэс дукханэс пал доша дылынэн-дава́ исын дылныпэ́н.

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

Pritčy 10:13

Годыпэ́н джа́ла годыпнаскирэ манушэ́стыр, а ран кэдэлапэ тэ марэл пир думо кодолэ́скэ, саво́ на ґалёла годыпэ́н.

Pritčy 10:23

Дылынэ́ манушэ́скэ тэ кэрэ́л чорипэ́н сы́рбы тэ броинэл, нэ манушэ́стэ, саво́ ґалёла, исын бут годыпэ́н.