Pritčy 16:16 - Библия - Пэ Балтитко Романи чиб (Романэс) 2019

¹⁶ Пэ бут фэды́р исын сувнака́стыр тэ ячэс годэдыр, и тэ ячэс барэ́-годякирэса исын фэды́р рупэ́стыр.

Biblija - Pe Baltitko Romani čib (Romanes) 2019

¹⁶ Pe but fedýr isyn suvnakástyr te jačes godedyr, i te jačes baré-godiakiresa isyn fedýr rupéstyr.

Pritčy 16:16 Referans Kwoze

Матфеё 16:26

Саво́ лачхипэ́н исын манушэ́скэ, ко́ли лэ́стэ явэ́ла саро́, со лэ́скэ трэй далэ́ свэто́стыр, а ёв хасякирэ́ла пэ́скиро ве́чно джиибэ́н? Нэ со ману́ш могинэ́ла тэ отдэ́л кучэдыр дро паруибэн пал пэ́скиро джиибэ́н?

Pritčy 8:19

ма́ндэ барьякирдо́ (пло́до) исын фэды́р чикадэ рупэ́стыр и ма́ндыр льго́та буты́р чикадэ (выкэдынэ́) рупэ́стыр.

Ekliesiastos 7:12

И годыпэ́н, адя́кэ-паць и ловэ́ затэрдёна пал манушэ́стэ, нэ джиныбэ́н исын фэды́р дро дова́, со годыпэ́н дэ́ла джиибэ́н одолэ́скэ, конэ́стэ ёв исын.

Pritčy 4:7

Годыпэ́н исын баро́ рэ́ндо, сыклёв тэ явэс годэдыр, и сыклёв тэ ґалёс саро́, со ту́тэ исын.

Luka 12:21

Адя́кэ джа́ла кодолэндэ, савэ́ скэдэ́на кучипэ́н пэ́скэ, а на скэдэ́на дова́, со исын мишто́ анги́л Дэвлэ́стэ.”

Psalmy 119:127

Палдава́ Тырэ́ припхэныбэна́ исын дрогэдыр сувнака́стыр, фэды́р чачунэ́ сувнака́стыр.

Pritčy 3:14

Дава́ исын фэдэды́р сыр тэ дорэсэс руп, дава́ исын кофиткэдыр (прибыльнэдыр) сувнака́стыр.

Pritčy 4:5

Сыклёв тэ явэс годэдыр, сыклёв хор и буглэс тэ ґалёс, на бистыр дава́, на рисёв криг мирэ́ лавэ́ндыр, со мэ ракира́ва.

Pritčy 2:4

ко́ли ту явэ́са тэ причхувэс зор тэ латхэс годыпэ́н сыр руп, и ту явэ́са тэ родэс годыпэ́н сыр кучипэ́н:

Pritčy 3:13

Бахтало́ исын кодова́ ману́ш, саво́ яця́ годо́, и ману́ш, кон яця́ бут тэ ґалёл.