Pritčy 16:10 - Библия - Пэ Балтитко Романи чиб (Романэс) 2019

¹⁰ Крали́скирэ ушта́ исын дэвлякирдэ, лэ́скирэ москэ нашты́ тэ обджал чачипэ́н (тэ хохавэ́л) пэ сэ́ндо.

Biblija - Pe Baltitko Romani čib (Romanes) 2019

¹⁰ Kralískire uštá isyn devliakirde, léskire moske naštý te obdžal čačipén (te xohavél) pe séndo.

Pritčy 16:10 Referans Kwoze

Džiibén 44:15

О Ёза пхэндя́ лэ́нгэ: “Со да тумэ́ кэрдэ́? Нау́што тумэ́ на джиндлэ́, со адасаво́ ману́ш, сыр мэ, усае́кх ґалёла?”

Džiibén 44:5

Ци дава́ нанэ тахта́й, савэ́стыр пье́ла миро хула́й? И ёв драбакирэла пэ лэ́стэ. Нашукар тумэ́ дава́ кэрдэ́.”

Amoso 5:7

Тумэ́, кон пирикэрэла чачуно́ сэ́ндо пэ трута (отрава), а чачипэ́н чхурдэна пэ пхув,

Osija 10:4

Ёнэ ракирэ́на хартытка (пуста) лава́, хоханэ́с совлахана, ке́ли счхувэна завето. Палдава́ пхаро́ сэ́ндо ґаздэ́лапэ пэ лэ́ндэ сы́рбы трутитко чар (ядовито), со исын пэ лесьни (борозны) фэлдэнгирэ.

3 Kralip 3:28

И шундя́ саро́ Израилё пал сэ́ндо, сыр розсэндякирдя кра́ли; и лынэ́ тэ дарэ́н крали́стыр, пал-дова́ со дыкхнэ́, со годыпэ́н Дэвлэ́скири сыс дрэ лэ́стэ, соб (кай) ёв тэ кэрэ́л сэ́ндо.

Amoso 6:12

Ци праста́на грая пир бэ́рги? Ци пахинэла пхув ману́ш, одо́й, пэ гурувэстэ? А сыр жа тумэ́ пиририскирдэ чачипэ́н дрэ жэлучоскири трута (ядо), а бар΄якирдо (пло́до) чачипна́скиро дро киркипэн (палыно)?

Psalmy 99:4

Ту сан зоралыпнаскиро Кра́ли, Савэ́скэ трэй чачуно́ сэ́ндо. Ту зачхудян чачипэ́н: дава́ исын Ту, Саво́ кэрэ́ла пир чачипэ́н и патяибэ́н дрэ Яковостэ.

2 Паралипоменоно 26:16

Нэ ке́ли ёв кэрдя́пэ зорало́, то запхутия лэ́скиро ило́ пэ лэ́скиро хасибэ́н, и ёв кэрдя́пэ злыдариса анги́л Растэ-Дэвлэ́стэ, Дэвлэ́стэ пэскирэстэ; пал-дова́ со ёв загия́ дрэ Кхангири́ Ра́скирэ-Дэвлэ́скири, соб (кай) тэ хачкирэл фимиа́мо пэ алта́рё кадиласа.

2 Kralip 14:16

чачэс, кра́ли вышунэла и зракхэ́ла пэскирья́ писхарица манушытконэ́ вастэ́стыр, савэ́ камэ́на тэ замарэ́н ман кхэтанэ́ мирэ́ чхавэ́са Дэвлэ́скирэ мэкнэ́ миштыпна́стыр (Израилёстыр).”

Pritčy 29:4

Кра́ли рикирэ́ла зор пэ пхув чачунэ́ сэндоса, нэ кон лэ́ла мыты (взятки), кодолэ́с пэ́скири пхув равэла тэлэ́.