Pritčy 15:8 - Библия - Пэ Балтитко Романи чиб (Романэс) 2019

⁸ Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

Biblija - Pe Baltitko Romani čib (Romanes) 2019

⁸ Raj Devél rikirlape dre rig svénto dyibén, so fuj manušá janéna, ne jov zoralés radynélape mangipnastyr, savó keréna devlýtka manušá.

Pritčy 15:8 Referans Kwoze

Pritčy 15:29

Рай Дэвэ́л дурьёла фуе́ манушэ́ндыр, нэ Ёв шунэ́ла чачунэ́-манушэ́нгири па́тери (моли́тва).

Pritčy 21:27

Фуе-манушэ́нгиро свэ́нто дыибэ́н выкхарэла джунгалыпэ́н (брыткима), пэ кицы́ джунгалэдыр (брыткэдыр) исын дава́ чуин, ке́ли ёв янэ́ла свэ́нто дыибэ́н, фуес думиндой.

1 Паралипоменоно 29:17

Джино́м, миро Дэ́вла, со Ту спробинэса ило́ и камэ́са жужэилыткима; мэ жужэ́ (чыстонэ) илэ́стыр мирэстыр дыём саро́ дава́, и акана́ мэ дыкха́ва, со и Тырэ́ мануша́ адя́кэ-паць, савэ́ ада́й исын, радыма́са янэ́на Ту́кэ.

Ереме́ё 6:20

Ваш со Ма́нгэ ароматытконэ-смолэнгиро (ладоноскиро) тхув, со джа́ла Сабатыр, и гудлы тришчына (траснико) дуратунэ́ тхэмэстыр? Мэ на прилава Тумарэ́ хачкирибнаскирэ яныбэна́ и тумарэ́ – свэ́нта дыибэна́ на радынэна Ман.”

Pritčy 28:9

Кодолэстэ, кон рискирэ́ла криг пэ́скиро кан, соб (кай) тэ шунэ́л Зако́но, адасавэстэ аж и лэ́скиро мангипэ́н Дэвлэ́скэ исын джунгало́ (брыдко).

Isajos 61:8

Пал-дова́ со Мэ, Рай Дэвэ́л, дава́ паты́в чачунэ́ сэндоскэ, Мэ на кама́м, ко́ли чорэна, ко́ли притасавэ́на; Мэ отда́ва палэ лэ́нгэ пир чачипэ́н; Мэ чхува́ва лэ́нца ве́чно завето.

Joannostir 4:24

Дэвэ́л исын ду́хо (фа́но), и кон мангэлапэ Лэ́скэ, трэй тэ мангэ́лпэ, сыр подпхэнэла Лэ́скиро Ду́хо (Фа́но) дро чачипэ́н.”

Ekliesiastos 5:1

[2-ю.о.] На яв сы́гно тэ пхэнэ́с пэ́скирэ мо́са, и мэк тыро́ ило́ тэ на выпхэнэл сы́гно лав анги́л Дэвлэ́стэ: пал-дова́ со Дэвэ́л исын пэ болыбэ́н, нэ ту сан пэ пхув, палдава́ на ра́кир бут.

Isajos 66:3

Одова́, кон зачхинэла гурувэ́с исын сы́рбы одова́, кон замарэла манушэ́с. Кон янэ́ла бакрорэс ваш свэ́нто дыибэ́н исын сы́рбы одова́, кон затасавэла джуклэс; кон янэ́ла да́ро исын сы́рбы одова́, кон чхувэ́ла балычано рат; кон хачкирэ́ла фимиа́мо, исын сы́рбы одова́, кон мангэлапэ идолоскэ; сыр ёнэ выкэдынэ́ пэ́скиро дром и дава́ налачхипэн исын дро́го лэ́нгирэ илэскэ.

Гиленгири (Соломоно́скири) Гилы́ 2:14

Мири́ голумбица исын дрэ скалэнгирэ нишы, дрэ гарадэ́ штэ́ты пир са́мо крутыма, ма́нгэ тэ дыкха́в тыро́ муй, ма́нгэ тэ шунав тыри́ занори, пал-дова́ со тыри́ зан (глос) исын гудлы, тыро́ муёро исын шука́р.”

Psalmy 17:1

Давидоскири Па́тери (Моли́тва). Шун ман, Раё Дэ́вла, миро чачипэ́н, пришунпэ, сыр мэ кхара́ва зоралэ́с Тут ясвэ́нца. Шун миро мангипэ́н Ту́кэ, ёв выджа́ла мирэ́ нахоханэ уштэндыр.

Левито 7:18

ко́ли явэ́на тэ хан мас мирнонэ-жэртвакиро пэ три́то дывэ́с, тэды ёв на явэ́ла лачхо́; кон ла янэ́ла, одолэ́скэ ни дрэ со на загинэлапэ: дава́ исын магирипэ́н, и кон явэ́ла лэс тэ хал, одова́ лыджа́ла пэ пэ́стэ грэ́хо;

Pritčy 10:24

Дова́, со́стыр дарэ́ла фуй ману́ш, пэрэ́ла пэ лэ́стэ, нэ дова́, со древа́н исын дро́го чачунэ́ манушэ́нгэ, явэ́ла отмэкно лэ́нгэ.

Pritčy 15:7

Годэ́-манушэ́нгирэ ушта́ дэ́на джиныбэ́н, нэ дылыниньконэ-манушэ́нгиро ило́ на кэрэ́ла адя́кэ.

Pritčy 21:3

Тэ кэрэ́н чачипэ́н и чачуно́ сэ́ндо исын кучэдыр Ра́скэ-Дэвлэ́скэ сыр свэ́нта дыибэна́.

Mihiejo 6:7

Ци явэ́ла лачхо́ Ра́скэ-Дэвлэ́скэ, ко́ли мэ яна́ва бут (тысёнцы) бакрэ́н? Ци дэш бара́ (тысёнцы) рэ́ки (лэня́) маслинитконэ дзэтэса? Ци ма́нгэ трэй тэ дав мирэ́ пэрвонэс, кон бияндёла ма́ндэ пал миро чорипэ́н, биято́с мирэ́ масэ́ндыр пало́ грэ́хо мирэ́-дескиро?’

Agiejo 2:14

Тэ́ньци Агеё отпхэндя́ и пхэндя́: “Адя́кэ, исын дая́ манушы́тко нацыя (народо) и адя́кэ исын кадава́ кхэри́тко ро́до (племя) анги́л Ма́ндэ”, – ракирэ́ла Рай Дэвэ́л, – “и дова́, со ёнэ янэ́на сыр свэ́нто дыибэ́н, кодова́ исын нажужо.”

2 Kralip 15:12

Дро часо, ке́ли янэ́нас свэ́нто дыибэ́н Ра́скэ-Дэвлэ́скэ, Авесало́мо бичхадя́ и кхардя́ Ахитофедос Гилонянинос, советникос (юнкарос) Давидоскирэс, лэ́скирэ форо́стыр Гилостыр. И сыс баро́ ракирибэ́н, и мануша́ джа́нас, и ячэнас буты́р пашы́л Авесаломостэ.

3 Kralip 3:10

И мишто́ сыс Ра́скэ-Дэвлэ́скэ, со Соломо́но мангдя́ дава́.

Psalmy 141:2

Мэк миро мангипэ́н (модло) тэ доджал кэ Ту сы́рбы фимиа́мо, а ке́ли мэ ґазда́ва васта́ сы́рбы бэльвэлякиро свэ́нто яныбэ́н.

Дание́лё 9:23

Анги́л, сыр тыро́ илытко мангипэ́н дыя́ о лав, и мэ явдём тэ пхэна́в ту́кэ, со ту сан мурш пир ило́ (жэланно): адя́кэ тэ ґалёс дава́ лав и тэ ґалёс дыкхибэ́н:

Mihiejo 6:6

Со́са тэ явав ма́нгэ анги́л Растэ-Дэвлэ́стэ, и сыр ма́нгэ тэ бандякирав шэро́ анги́л Болыбна́скирэ Дэвлэ́стэ? Ци тэ явав ма́нгэ анги́л Лэ́стэ хачкирибнаскирэ свэнтонэ́ дыибнэнца? Ци екхэ-бэршэскирэ целянтэнца?

Малахия 1:10

“Ци исын вари-кон машки́р тумэ́ндэ, соб (кай) ёв фэды́р тэ пхандэл вудара́, и тэ на росхачкирэн тумэ́ яг ивья́ (напра́снэс) пэ Миро алта́рё? Мэ на радынавапэ тумэ́ндыр”, – ракирэ́ла янголэ́нгирэ-болыбна́скиро Рай Дэвэ́л. И Мэ на прилава свэ́нто дыибэ́н тумарэ́ вастэ́ндыр.