Pritčy 15:4 - Библия - Пэ Балтитко Романи чиб (Романэс) 2019

⁴ Лачхи́ чиб исын сы́рбы джиибна́скири ґаны́нг, нэ мижэх чиб пхагирэ́ла ду́хо (фа́но).

Biblija - Pe Baltitko Romani čib (Romanes) 2019

⁴ Lačhí čib isyn sýrby džiibnáskiri ĥanýng, ne mižeh čib phagiréla dúho (fáno).

Pritčy 15:4 Referans Kwoze

Pritčy 12:18

Кон ракирэ́ла, и на думинэ́ла, одова́ промарэла явирэ́с сыр курта́ла (сабля), нэ годэ́-манушэ́нгири чиб састякирэла лэс.

Pritčy 16:24

Куч лава́ исын сыр авги́н (мэда): гудло́ ваш ди, и састыпэн ваш кокалы́.

Pritčy 18:8

Кон гундяринэла (шэпчынэла) пэ кан, лэ́скирэ лава́ исын сыр лачхо́ хабноро, и ёнэ джа́на андрэ́ дрэ маса́.

Малахия 4:2

Нэ ваш тумэ́нгэ, кон дарэ́ла Мирэ́ лавэ́стыр, ґаздэ́лапэ Кхам чачипна́скиро, со явэ́ла тэ састякирэл лучэнца, и тумэ́ джа́на яври́ и тумэ́ явэ́на тэ ухтэн, кхэлындой, сы́рбы тхулэ целянты.

Pritčy 3:18

Годыпэ́н исын сы́рбы джиибна́скири пхабэлын кодолэ́скэ, кон ха́ла лэ́скирэ пхаба́: бахтало́ исын кодова́ ману́ш, саво́ рикирэ́лапэ кэ дава́ кашт.

Pritčy 18:14

Манушэ́скиро ду́хо (фа́но) рикирэ́ла джидэс лэс, ке́ли ёв исын насвало́, нэ кон сашты́ (могинэ́ла) тэ ґаздэл (тэ подрикирэ́л) пхагирдо́ ду́хо (фа́но)?

Sykadyipén 2:7

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ. Одолэ́стэ, кон лэ́ла упралыпэ́н, Мэ да́ва лэ́скэ право тэ хал джиибна́скирэ каштэ́стыр (дрэвостыр), со барьёла дро Дэвлэ́скиро Раё.”

1 Ximaske 6:3

Ко́ли вари-кон сыклякирэ́ла яви́р и на патя́ла дрэ чачунэ́ амарэ́ Ра́скирэ-Дэвлэ́скирэ, Исусо́скирэ Христосо́скирэ лава́, соб (кай) дро сыклякирибэ́н тэ дарэл Дэвлэ́стыр,

Pritčy 26:22

Лава́, савэ́ ракирэ́ла ману́ш, саво́ ґундяринэла, исын сы́рбы бонбоны (присмаки), и ёнэ джа́на хор андрэ́ маса́.

Psalmy 109:22

Пал-дова́ со ман притасавэ́на и ма́нгэ исын пхаро́, и миро ило́ исын дукхадо дрэ ма́ндэ.

Pritčy 15:3

Ра́скирэ-Дэвлэ́скирэ якха́ исын пэ кажно штэ́то и дыкхэ́на цямкэс пал фуе́ и лачхэ́ манушэ́ндэ.

Pritčy 15:5

Дылыно́ дыкхэ́ла вучипна́стыр, ке́ли лэс дад сыклякирэ́ла, нэ кон прилэ́ла банг, ке́ли лэ́скэ сыкавэ́на, исын барэ́-годя́киро.

Pritčy 10:11

Чачунэ́-манушэ́скирэ лава́ исын джиибна́скири ґаны́нг, нэ нахратыма гаравэла муй фуе́-манушэ́нгиро.