Pritčy 15:32 - Библия - Пэ Балтитко Романи чиб (Романэс) 2019

³² Кон вычхурдэла илэ́стыр дова́, со́са лэс сыклякирэ́на, одова́ на прилэ́ла кэ годы́ пэ́скиро ду́хо (фа́но), нэ одова́, кон шунэ́ла сыклякирибэ́н, исын годьваро́.

Biblija - Pe Baltitko Romani čib (Romanes) 2019

³² Kon vyčhurdela iléstyr dová, sósa les sykliakiréna, odová na priléla ke godý péskiro dúho (fáno), ne odová, kon šunéla sykliakiribén, isyn god'varó.

Pritčy 15:32 Referans Kwoze

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Pritčy 1:7

Анги́л сарэ́стыр трэй тэ дарэс Дэвлэ́стыр, соб (кай) тэ явэ́л дава́ джиныбэ́н, нэ бигодякирэ мануша́ на прилэ́на кэ годы́ годыпэ́н и упхэныбэ́н.

Isajos 1:5

Сыр ишчо (инкэ́) тэ мара́в тумэн, ко́ли тумэ́ усае́кх на кандэ́на? Саро́ шэро́ исын насвало́, саро́ ило́ замыя́.

Pritčy 18:15

Барэ́-годя́киро ило́ дорэсэ́ла джиныбэ́н, и годэ́-манушэ́скиро кан родэ́ла джиныбэ́н.

Jakov 1:22

Кэрэ́н саро́ пир Дэвлэ́скиро патяибэ́н, и, ко́ли тумэ́ фэ́ни шунэ́на, а на кэрэ́на адя́кэ, тэды тумэ́ хохавэна кокорэ́ пэс.

Ереме́ё 5:3

Раё Дэ́вла! Ци на дыкхэ́на Тырэ́ якха́ пал патяибэ́н? Ту пэкавэса лэн пэ мэрибэ́н, нэ лэ́нгэ на дукхана даба (удары) (нанэ дукхано); Ту домарэсас лэн, нэ ёнэ отпхэндэпэ, соб (кай) Ту тэ пирисыклякирэс лэн: ёнэ кэрдэ́ пэ́скирэ муя́ зоралэды́р скалатыр, ёнэ отпхэндэпэ тэ рисён палэ кэ Ту.

Pritčy 29:1

Ману́ш, саво́ пхарьякирэла (жэсточынэла) пэ́скири мэн, на дыкхи́ пэ дова́, со лэ́скэ бут мо́лы сыкавэ́на лэ́скири банг, екха́тыр (сра́зу) хасёла, и на явэ́ла састякирибэн лэ́скэ.

Pritčy 17:16

Ваш со барвалыпэ́н дрэ васта́ дылынэстэ, соб (кай) тэ явэ́л годо́? Лэ́скиро ило́ на джинэ́ла, со тэ кэрэ́л лэ́са.

Pritčy 15:21

Набарэ́-годя́киро ману́ш радынэ́лапэ лэ́скирэ дылныпнастыр, нэ годьваро́ ману́ш псирэ́ла маму́й (прямэс).

Pritčy 15:14

Годыпнаскиро ило́ родэ́ла джиныбэ́н, нэ дылынэскирэ ушта́ чаравэнапэ дылныпнаса.

Psalmy 50:17

а усае́кх ту́кэ древа́н исын на пир ило́ Миро сыклякирибэ́н пал чачипэ́н и ту чхурдэса Мирэ́ лава́ пал пэ́стэ?

Яви́р Зако́но 21:20

и пхэнэ́на пэ́скирэ форо́скирэ пхурыдырэнгэ: “Дава́ амаро́ чхаво́ исын накандуно и исын бунтяритко, на шунэ́ла амарэ́ лава́, ёв исын обхаячо (ха́ла, сыр на дрэ пэ́стэ) и матяро”;

Яви́р Зако́но 21:18

Ко́ли вари-конэ́стэ явэ́ла чхаво́ накандуно и бунтяритко, саво́ на шунэ́ла, со ракирэ́ла лэ́скиро дад и дай лэ́скэ, и ёнэ сыклякирдэ́ кэ дукха́ лэс, нэ ёв на шунэ́ла лэн,

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

Pritčy 13:18

Чорорипэн и ладж пэрэ́на пэ манушэ́стэ, саво́ вычхурдэла илэ́стыр дова́, пал со сыклякирэ́на лэс. Нэ кодова́, саво́ прилэ́ла лэс, ке́ли лэс бангякирэна зоралэ́с, явэ́ла дрэ паты́в.

Pritčy 15:5

Дылыно́ дыкхэ́ла вучипна́стыр, ке́ли лэс дад сыклякирэ́ла, нэ кон прилэ́ла банг, ке́ли лэ́скэ сыкавэ́на, исын барэ́-годя́киро.

Pritčy 15:31

Кон шунэ́ла, ке́ли лэ́скэ сыкавэ́на банг дро джиибэ́н (лэс сыклякирэ́на джиибнаскэ), ячэ́лапэ машки́р годэ́ манушэ́ндэ.

Pritčy 15:33

Кон дарэ́ла Ра́стыр-Дэвлэ́стыр, одова́ сыклёла годыпнаскэ, и анги́л, сыр тэ дорэсэл паты́в, трэй тэ явэ́л напхутькирдэса.

Ekliesiastos 7:5

Дава́ исын фэды́р ваш манушэ́скэ тэ шунэ́н, ко́ли годэ́ мануша́ сыкавэ́на банг ту́кэ, сыр тэ шунэ́с дылыниньконэнгири гилы́.

Isajos 3:9

Мина лэ́нгирэ москири досыкавэла пал лэ́ндэ, пал пэ́скиро грэ́хо ёнэ роспхэнэна саро́ чачипэ́н, сыр Содомляни, ёнэ на гаравэнапэ: би́да лэ́нгэ! Кокорэ́ пэ́скэ ёнэ янэ́на бибибахт (фуипэ́н).

Pritčy 10:17

Одова́, саво́ рикирэ́лапэ кэ сыклякирибэ́н, исын пэ дром кэ джиибэ́н, нэ кодова́, кон на прилэ́ла кэ годы́, ке́ли лэ́скэ сыкавэ́на банг, джа́ла дрэ риг далэ́ дромэ́стыр.

Pritčy 19:20

Шун, сыр дэ́на годы́ ту́кэ, и прилэ́ дова́, ко́ли сыклякирэ́на тут, соб (кай) ту могинэ́са тэ явэс годо́ дрэ палатунэ́ (последня) дывэса́.