Pritčy 15:25 - Библия - Пэ Балтитко Романи чиб (Романэс) 2019

²⁵ Рай Дэвэ́л хасякирэ́ла кхэр, кай пхутькирдэ́ исын, нэ Ёв дэ́ла зор пэ кустыка, кай пивля (удовы).

Biblija - Pe Baltitko Romani čib (Romanes) 2019

²⁵ Raj Devél xasiakiréla kher, kaj phut'kirdé isyn, ne Jov déla zor pe kustyka, kaj pivlia (udovy).

Pritčy 15:25 Referans Kwoze

Psalmy 146:9

Рай Дэвэ́л ракхэ́ла чужонэ́ манушэ́н; Ёв лэ́ла криг пхарипэ́н пиротэ́ндыр (сиротэндыр) и пивле́ндыр (удовэндыр), нэ Ёв бандякирэла дром фуе́ манушэ́нгэ.

Pritčy 23:10

На пиричхув ґаратуны шпэ́ра пэ пхув, на рэс пэ фэ́лда, кай дживэ́на бидадэнгирэ чхавэ́.

Pritčy 14:11

Фуе-манушэ́нгиро кхэр равэна тэлэ́, нэ дэвлытконэнгири ша́тра явэ́ла най шукарэдыр.

Pritčy 12:7

Фуе манушэ́н равэна тэлэ́ и ёнэ нанэ буты́р, нэ кхэр чачунэ́-манушэ́нгиро явэ́ла тэ тэрдёл.

Jakov 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

Дание́лё 5:20

Нэ ке́ли лэ́скиро ило́ яця́ барикано и ду́хо (фа́но) лэ́скиро кашталыя пхутькирибнаса, ёв сыс чхурдыно́ тэлэ́ крали́скирэ скаминдэстыр, и лэ́скиро барипэ́н сыс лыно́ лэ́стыр.

Isajos 2:12

Пал-дова́ со джа́ла дывэ́с Ра́скирэ-Дэвлэ́скиро, болыбна́скирэ-янголэ́нгиро пэ саро́ пхутькирдо и пэ саро́ ґаздыно́, саро́ ґаздыно́, саро́ дава́ явэ́ла ладжакирдо́.

Psalmy 138:6

Мэк Рай Дэвэ́л исын вучэ́с, нэ Ёв дыкхэ́ла тэлэ́ пэ одолэ́ндэ, савэ́ кандэ́на Лэс, а пхутькирдэс Ёв пинджкирэла дурипнастыр.

1 Petr 5:5

Адя́кэ-паць, тэрнэ́ мануша́лэ, кандэ́н пэ́скирэ годэпхурэн, явэ́н ковлэ́-илы́тка екх кэ екх, на шарэ́н пэс екх анги́л явирэ́стэ, пал-дова́ со Дэвэ́л исын проти одолэ́ндэ, кон гинэ́ла пэс вучэды́р явирэндыр, а одолэ́нгэ, кон на шарэла пэс, Ёв дэ́ла васт.

Psalmy 52:5

Ту́кэ исын пир ило́ фуипэ́н буты́р лачхипнастыр, ту буты́р хохавэса, сыр ракирэ́са чачипныткэс. Сэ́ла.

Яви́р Зако́но 19:14

На пириджа ме́жа тырэ́ пашатунэскирэ, сави́ чхудэ́ тырэ́-дадэнги́рэ дада́ дрэ тыри́ миштыпна́скири ме́ра, сави́ дояцяпэ ту́кэ пэ пхув, сави́ Рай Дэвэ́л, Дэвэ́л тыро́, дэ́ла ту́кэ.

Psalmy 52:1

Хоро́скирэ Дирижоро́скэ. Сыклякирибэ́н. Давидо́скиро Пса́лмо,

Pritčy 15:26

Рай Дэвэ́л исын джунгало́ долэ́стыр, со бибахталэ́ мануша́ придуминэна, нэ бидошэнгирэ-манушэ́нгирэ лава́ исын лачхэ́ Лэ́скэ.

Ióvo 24:21

Пал-дова́ со ёв притасавэла бичхаворэнгирья джувля́, сави́ на биянэ́ла, и ёв на кэрэ́ла лачхипэ́н пивлякэ (удовакэ).

Psalmy 10:14

[35] Нэ Ту дыкхця́н дава́, пал-дова́ со Ту кокоро́ дыкхэ́са цямкэс пэ одолэ́ндэ, конэ́скэ исын пхаро́ и кон страдынэла. И кажно мо́ло Ту сан скэдыно́ тэ подэл васт. Бизорья́кирэ ману́ш тырдэлапэ кэ Ту, Ту ўса́ды (сак) дэсас васт бидадэскирэскэ.

Isajos 1:17

Высыклён тэ кэрэ́н лачхипэ́н, родэ́н чачипэ́н, зракхэн чорорэс, уштэ́н (затэрдён) пал бидадэскирэстэ / пиротостэ (сиротастэ), подрикирэн пивля (удова).

Ереме́ё 5:28

Ёнэ ячнэ́ тхулэ, ёнэ зяинэна и, ґалён, со ёнэ пиригинэ́ любо ме́ра тэ кэрэ́н фуипэ́н, ёнэ на сэндякирэна пир рэ́ндо сыр трэй, пиротоскиро (сиротэнгиро) рэ́ндо, нэ лэ́нгэ удэлапэ кэ миштыпэ́н. Ёнэ на затэрдёна пал одолэнгиро чачипэ́н, кон исын дрэ трэ́бима.