Pritčy 15:21 - Библия - Пэ Балтитко Романи чиб (Романэс) 2019

²¹ Набарэ́-годя́киро ману́ш радынэ́лапэ лэ́скирэ дылныпнастыр, нэ годьваро́ ману́ш псирэ́ла маму́й (прямэс).

Biblija - Pe Baltitko Romani čib (Romanes) 2019

²¹ Nabaré-godiákiro manúš radynélape léskire dylnypnastyr, ne god'varó manúš psiréla mamúj (priames).

Pritčy 15:21 Referans Kwoze

Эфесянэнгэ 5:15

И палдава́ ракхэ́н лачхэ́с, дживэ́н на сыр бигодякирэ, нэ сыр годьварэ́ мануша́.

Pritčy 10:23

Дылынэ́ манушэ́скэ тэ кэрэ́л чорипэ́н сы́рбы тэ броинэл, нэ манушэ́стэ, саво́ ґалёла, исын бут годыпэ́н.

Pritčy 14:16

Годо́ ману́ш дарэ́ла и дурьёла чорипна́стыр, нэ дылыно́ сы́гэс холясо́ла и зоралэ́с патя́ла дрэ пэ́стэ.

Pritčy 14:9

Дылынинька просана пэ́скирэ грэ́хи, нэ машки́р дэвлытконэндэ исын екх годы́.

Pritčy 11:12

Набарэ́-годя́киро дыкхэ́ла вучипна́стыр пэ пэ́скирэ пашатунэ́ манушэ́стэ, нэ ману́ш, саво́ ґалёла, кодова́ рикирэ́ла рама́нё/ миро [исын штыл-р.с.].

Jakov 3:13

Кон исын тумэ́ндыр тэ явэ́л годьваро́ и тэ джинэ́л саро́; мэк ёв тэ сыкавэ́л дава́ пэ рэ́ндо пэ́скирэ лачхэ́ джиибнаса и ковлэ́-илытконэ годыпнаса;

Psalmy 111:10

Кон лэ́ла тэ дарэл Ра́стыр-Дэвлэ́стыр, одова́ лэ́ла годы́ пэ́скэ, а сарэ́ндэ, кон дживэ́ла и кэрэ́ла пир Лэ́скирэ припхэныбэна́, исын лачхи́ годы́. Тэ шарэ́н Лэс пэ сарэ́ ве́ки.

Ióvo 28:28

и пхэндя́ Дэвэ́л манушэ́скэ: “Акэ, годыпэ́н исын дро дова́, соб (кай) тэ дарэс Ра́стыр-Дэвлэ́стыр, и ґалыибэ́н исын дро дова́, соб (кай) тэ дурьёс бибахталэ́ рэндэ́ндыр.”

Pritčy 14:8

Барэ́-годя́киро ману́ш джинэ́ла, со ёв кэрэ́ла акана́ и дурэды́р, нэ дылыно́ гаравэла пэ́скиро дылныпэ́н дро лэ́скири фрэнтыма, соб (кай) тэ хохавэ́л.

Pritčy 15:22

Со ману́ш придуминэла би годэ́-лавэнгиро, савэ́ дэ́на бут мануша́, одова́ дэ́лапэ дукха́, нэ кай бут мануша́ дэ́на годы́, одо́й саро́ исын зорало́ (мишто́).

Pritčy 4:25

Мэк тырэ́ якха́ тэ дыкхэ́н маму́й, мэк тырэ́ цымблы (ресницы) тэ дыкхэ́н маму́й анги́л ту́тэ.

Pritčy 4:26

Продумин миштэ́с, карик тыри́ ґэро́й джа́ла (лыджа́ла), мэк сарэ́ тырэ́ дрома́ тэ лыджа́н тут би дара́киро.