Pritčy 14:8 - Библия - Пэ Балтитко Романи чиб (Романэс) 2019

⁸ Барэ́-годя́киро ману́ш джинэ́ла, со ёв кэрэ́ла акана́ и дурэды́р, нэ дылыно́ гаравэла пэ́скиро дылныпэ́н дро лэ́скири фрэнтыма, соб (кай) тэ хохавэ́л.

Biblija - Pe Baltitko Romani čib (Romanes) 2019

⁸ Baré-godiákiro manúš džinéla, so jov keréla akaná i duredýr, ne dylynó garavela péskiro dylnypén dro léskiri frentyma, sob (kaj) te xohavél.

Pritčy 14:8 Referans Kwoze

Эфесянэнгэ 5:17

И на явэ́н дылынэ́, а фэды́р причхувэ́н зор тэ ґалён, со Дэвэ́л ужакирэ́ла амэ́ндыр.

2 Ximaske 3:13

А фуй мануша́ и хоханэ́ сыклякирибнарья явэ́на буты́р тэ хохавэн и тэ залыджан дро хохаибэ́н явирэ манушэ́н и тэ хохавэн кокорэ́ пэс.

Jakov 3:13

Кон исын тумэ́ндыр тэ явэ́л годьваро́ и тэ джинэ́л саро́; мэк ёв тэ сыкавэ́л дава́ пэ рэ́ндо пэ́скирэ лачхэ́ джиибнаса и ковлэ́-илытконэ годыпнаса;

Эфесянэнгэ 4:22

Мэкэ́н пэ́скиро пхурано́ джиибэ́н и на поддэнпэ грэхо́скэ, кэ саво́ злыджала грэхи́тко тырдыпэ́н;

Pritčy 11:18

Фуй ману́ш кэрэ́ла дошвалы буты́, нэ одова́, кон росчхувэла чачипэ́н, дорэсэ́ла мишто́ мазу́ри (награда).

Pritčy 8:20

Мэ псирава чачунэ́ дромэ́нца, машки́р дроморэ, кай исын чачипэ́н,

Pritčy 2:9

Тэ́ньци ту ґалёса чачипэ́н, чачипэ́н машки́р манушэ́ндэ, и чачуно́ дром.

Psalmy 119:73

Тырэ́ васта́ создынэ ман и чхудэ́ ман, дэ ма́нгэ годы́ тэ сыклёвав Тырэ́ припхэныбнэнгэ.

Psalmy 119:5

соб (кай) тэ лыджа́н ман мирэ́ дрома́ пир Тырэ́ стату́ты (уставы).

Psalmy 111:10

Кон лэ́ла тэ дарэл Ра́стыр-Дэвлэ́стыр, одова́ лэ́ла годы́ пэ́скэ, а сарэ́ндэ, кон дживэ́ла и кэрэ́ла пир Лэ́скирэ припхэныбэна́, исын лачхи́ годы́. Тэ шарэ́н Лэс пэ сарэ́ ве́ки.

Ереме́ё 13:20

Ѓаздэн тумарэ́ якха́ и дыкхэ́н, со джа́ла пэ тумэ́ндэ паш-ратитконэ́ (севернонэ) рига́тыр. Кай тыро́ ґурто, шука́р ґурто, саво́ сыс дыно́ ту́кэ?

Psalmy 143:8

Кэр, соб (кай) мэ тэ шунав пал Тыри́ лачхэ́-илы́ткима тасярлатыр (ранкостыр), пал-дова́ со мэ зоралэ́с патя́ва дрэ Ту́тэ. Кэр адя́кэ, соб (кай) мэ тэ джина́в дром, савэ́са тэ псирав, пал-дова́ со мэ ґазда́ва миро ди кэ Ту.

1 Коринфянэнгэ 3:19

Пал-дова́ со годьварипэн кадалэ́ свэтоскиро исын дылныпэ́н анги́л Дэвлэ́стэ; палдава́ исын чхиндло́: “Ёв ухтылэ́ла годьварэн дро лэ́нгири фротыма.”

Pritčy 15:21

Набарэ́-годя́киро ману́ш радынэ́лапэ лэ́скирэ дылныпнастыр, нэ годьваро́ ману́ш псирэ́ла маму́й (прямэс).

Pritčy 12:5

Чачунэ́ мануша́ думинэ́на пал чачипэ́н, нэ фуй мануша́ кхэтанэ́ дэ́на хохано́ годыпэ́н.

Ekliesiastos 2:13

И мэ дыкхцём, со годыпэ́н исын фэды́р дылныпнастыр, со дуд (свэ́то) исын фэды́р калыпна́стыр (цямлыпнастыр).

Ekliesiastos 2:16

Пал-дова́ со мануша́ на явэ́на тэ рипирэ́н годэс пэ сарэ́ ве́ки, сыр и дылыниньконэс; пал-дова́ со саро́ ужэ бистрэна дрэ бэрша́, со явэ́на. И сыр дава́ исын, со годо́ ману́ш мэрэ́ла адя́кэ-паць, сыр и дылынинько?