Pritčy 14:22 - Библия - Пэ Балтитко Романи чиб (Романэс) 2019

²² Ци на хохавэнапэ одолэ́, савэ́ придуминэна чорипэ́н? Нэ кодолэ́, савэ́ придуминэна лачхипэ́н, дыкхэ́на явирэ манушэ́ндыр дро́го лачхипэ́н и патяибэ́н.

Biblija - Pe Baltitko Romani čib (Romanes) 2019

²² Ci na xohavenape odolé, savé priduminena čoripén? Ne kodolé, savé priduminena lačhipén, dykhéna javire manušéndyr drógo lačhipén i patiaibén.

Pritčy 14:22 Referans Kwoze

Pritčy 12:2

Ра́скэ-Дэвлэ́скэ исын дро́го лачхо́ ману́ш, нэ Ёв бангякирэла манушэ́с, саво́ придуминэла фуипэ́н.

Joannostir 1:17

Пал-дова́ со Дэвэ́л дыя́ Зако́но пир Мойзастэ (Моисеёстэ), а бахталыпэ́н и чачипэ́н явнэ́ пир Исусо́стэ Христосо́стэ.

Матфеё 5:7

Бахталэ́ исын одолэ́, савэ́ примангэна банг манушэ́нгэ, пал-дова́ со лэ́нгэ явэ́ла примангло.

Pritčy 19:22

Манушэ́скиро кучипэ́н исын лэ́скиро лачхипэ́н, и чороро́ ману́ш исын фэды́р хоханэстыр.

Pritčy 14:17

Хачкирдо ману́ш кэрэ́ла нагодьварэс, нэ манушэ́с, саво́ придуминэла фуипэ́н, зоралэ́с на камэ́на.

Pritčy 3:29

На придумин чорипэ́н пэ тырэ́ пашатунэстэ, пал-дова́ со ёв дживэ́ла би дара́киро пашы́л ту́тэ.

Psalmy 61:7

Ту дэ́са буты́р джиибна́скирэ дывэса́ крали́скэ, соб (кай) тэ явэ́н лэ́скирэ бэрша́ пэ буты́р ве́ки,

Psalmy 25:10

Рай Дэвэ́л лыджа́ла пэ́скирэ дромэ́са одолэ́н, савэ́ приракхэна Лэ́скиро Зако́но и припхэныбэна́, лачхэ́-илыткимаса и чачипна́са.

2 Паралипоменоно 6:8

Нэ Рай Дэвэ́л пхэндя́ Давидо́скэ, мирэ́ дадэ́скэ: “Ту́тэ исын пэ ило́ тэ кэрэ́с Кхангири́ Мирэ́ лавэ́скэ; шука́р, со дава́ исын пэ ило́ ту́тэ:

Džiibén 24:27

и пхэндя́: “Тэ явэ́л бахтякирдо́ мирэ́-хуласкиро Авраамо́скиро Рай Дэвэ́л, Саво́ на ячкирдя́ мирэс хула́с Пэ́скирэ тангипнастыр и Пэ́скирэ чачипнастыр! Дэвэ́л чачунэ́ дромэ́са яндя́ ман кэ кхэр мирэ́-хуласкиро, пшалэскиро кхэр.”

Psalmy 36:4

Лэ́скирэ-москирэ лава́ исын налачхэ́ и хоханэ́; ёв пирияця́ тэ явэ́л годо́ и тэ кэрэ́л лачхипэ́н.

Pritčy 3:3

Мэк тэ на мэкэ́н тут лачхэ́-илы́ткима и чачипэ́н; пхандэ лэн трусця́л мэн, зачхин лэн пэ тыро́ ило́ сы́рбы пэ таблицы тырэ́ илэ́скирэ;

Pritčy 14:23

Кажнонэ́ пхарэ́ бутя́тыр манушэ́скэ явэ́ла ко́фо (прибыль), нэ чхучэ́ (пустонэ) ракирибнастыр ману́ш явэ́ла чороро́.

Pritčy 24:8

Кон придуминэла тэ кэрэ́л биба́хт, одова́ явэ́ла кхардо бибахтярискиро.

Mihiejo 2:1

Бида пэ одолэ́ндэ, савэ́ придуминэна чорипэ́н и савэ́ выдуминэна биба́хт пэ пэ́скирэ чхуибэна! Пэ зло́ко, ке́ли дывэсёла, ёнэ кэрэ́на дова́, пал-дова́ со саро́ дава́ исын дро лэ́нгиро васт.

Isúso 2:14

Адалэ́ мануша́ пхэндлэ́ ла́кэ: “Ди амаро́ заме́ст тумэ́ндэ мэк тэ явэ́л отдыно́ мэрибна́скэ, ко́ли тумэ́ на отчхакирэна дава́ рэ́ндо амаро́; ке́ли Рай Дэвэ́л отдэ́ла амэ́нгэ пхув, амэ кэра́са ту́кэ тангипэ́н и чачипэ́н”.

Pritčy 6:14

Лэ́скири годы́ исын розмэкны, ёв усады (сак) придуминэла чорипэ́н, ёв кэрэ́ла адя́кэ, соб (кай) мануша́ тэ чингардэнпэ.

Pritčy 12:26

Чачунэскэ трэй тэ выкэдэл малэн (другэн), пал-дова́ со фуй мануша́ лыджа́на криг дромэ́стыр.