Pritčy 14:19 - Библия - Пэ Балтитко Романи чиб (Романэс) 2019

¹⁹ Чорэ́ мануша́ бандякирэна шэро́ анги́л лачхэндэ, и фуй мануша́ анги́л чачунэ́-манушэ́нгири по́рта (вра́ты).

Biblija - Pe Baltitko Romani čib (Romanes) 2019

¹⁹ Čoré manušá bandiakirena šeró angíl lačhende, i fuj manušá angíl čačuné-manušéngiri pórta (vráty).

Pritčy 14:19 Referans Kwoze

Малахия 4:3

И тумэ́ явэ́на тэ традэ́н начачунэн (злыднен), пал-дова́ со ёнэ явэ́на сыр пра́ска [пра́хо-р.с.] тэл пирэ́ (подэшвы) тумарэ́ ґэрэнгирэ, дро до дывэ́с, сыр Мэ кэра́ва дава́,” – ракирэ́ла янголэ́нгирэ-болыбна́скиро Рай Дэвэ́л.

Džiibén 42:6

Ёза сыс рай пэ доя́ пхув; и ёв бикнэлас маро́ сарэ́ пхувья́кирэ манушэ́нгэ. Ёза́скирэ пша́ла явнэ́, и кэрдэ́ шэрэ́са (клониндлэпэ) кэ пхув.

Sykadyipén 3:9

Акэ, мэ да́ва ту́кэ одолэ́н, савэ́ исын налачхэскирэ скэдыибна́стыр, савэ́ ракирэ́на, со ёнэ исын Юды, а дава́ нанэ чачипэ́н, ёнэ исын хохаибнарья; ґа́да, Мэ кэра́ва адя́кэ, соб (кай) ёнэ тэ дэн “паклоно” патыва́са анги́л тырэ́ ґэра́, тэ джинэ́н, со Ма́нгэ яця́н ту дро́го.

Isajos 60:14

И явэ́на кэ ту чхавэ́ одолэ́-манушэ́нгирэ, савэ́ тут притасавэнас; ёнэ бандёна тэл тыро́ васт, и пэрэ́на кэ тырэ́ ґэра́ сарэ́, кон пэ ту́тэ дыкхця́ вучипна́са, и кхарна тут Ра́скирэ-Дэвлэ́скирэ фороса, Свэнтонэ́ Израилёскирэ Сионоса.

Vygiiben 8:8

И кхардя́ фарао́но Мойза́с и Аароно́с и пхэндя́: “Мангэ́нпэ Ра́скэ-Дэвлэ́скэ, соб (кай) Ёв тэ отлэл жамбэн ма́ндыр и мирэ́ манушэ́ндыр, и мэ отмэка́ва Израилёскирэ манушэ́н тэ янэ́н свэ́нто дыибэ́н (жэ́ртва) Ра́скэ-Дэвлэ́скэ.”

Pritčy 11:29

Кон кэрэ́ла дош (чорипэ́н) пэ́скирэ кхэрэ́скэ, одова́ дорэсэ́ла балва́л сыр мэкно́ миштыпэ́н, нэ дылынинько ману́ш явэ́ла писха́ри годэ́-илэ́скирэ манушэ́скэ.

Psalmy 49:14

Дава́ исын дром дылынэ́ манушэ́нгиро и ваш одолэ́нгэ, кон радынэ́лапэ пэ́скирэ лавэ́ндыр. Сэ́ла.

4 Kralip 3:12

И пхэндя́ Иосафа́то: “Исын лэ́стэ лав Ра́скирэ-Дэвлэ́скиро.” И гинэ́ кэ ёв кра́ли Израилёскиро, и Иосафа́то, и кра́ли Едомоскиро.

1 Kralip 2:36

и кажно (сва́ко), кон яця́пэ тырэ́ кхэрэ́стыр, явэ́ла лэ́скэ тэ мангэ́лпэ пал гера руп и котэ́р (куско) маро́, и пхэнэ́ла: “Дэ ма́нгэ вари-сави́ Левитэнгири буты́, соб (кай) тэ закэрав пэ джиибэ́н.’”

Vygiiben 11:8

И явэ́на сарэ́ тырэ́ писха́рья кэ мэ, и поклонинэнапэ (кэрэ́на шэрэ́са) ма́нгэ, ракири́: “Выджа ту и сарэ́ мануша́, савэ́нца ту хулаинэса. Пало́ саро́ мэ и выджава.” И выгия́ Мо́йза фараоностыр холя́са.

Džiibén 43:28

Ёнэ пхэндлэ́: “Састо исын тыро́ писха́ри, амаро́ дад; джидо́.” И бандинэ ёнэ и кэрдэ́ шэрэ́са кэ пхув.

Apostolengiri Butý 16:39

Ёнэ явнэ́ и примангнэ лэн, вылыджинэ́ лэн штарибнастыр, и мангнэ́, соб (кай) ёнэ тэ джа́н криг форо́стыр.

Pritčy 14:18

Простонэ-годякирэ мануша́ дорэсэ́на дылныпэ́н сыр мэкно́ миштыпэ́н, нэ барэ́-годякирэнгэ манушэ́нгэ джиныбэ́н дэ́лапэ сы́рбы коро́на.