Pritčy 14:10 - Библия - Пэ Балтитко Романи чиб (Романэс) 2019

¹⁰ Екх ило́ джинэ́ла пэ́скиро киркипэн, нэ чу́жо на пхэнэ́ла явирэскэ пал пэ́скири ра́дыма.

Biblija - Pe Baltitko Romani čib (Romanes) 2019

¹⁰ Jekh iló džinéla péskiro kirkipen, ne čúžo na phenéla javireske pal péskiri rádyma.

Pritčy 14:10 Referans Kwoze

Filipiicenge 4:7

и Дэвлэ́скиро рама́нё (миро), саво́ исын вучэды́р кажнонэ́ амарэ́ джиныбнастыр, явэ́ла тэ ракхэ́л тумарэ́ илэ и годы́ дро екхипэ́н Исусо́са Христосо́са.

Pritčy 18:14

Манушэ́скиро ду́хо (фа́но) рикирэ́ла джидэс лэс, ке́ли ёв исын насвало́, нэ кон сашты́ (могинэ́ла) тэ ґаздэл (тэ подрикирэ́л) пхагирдо́ ду́хо (фа́но)?

Pritčy 15:13

Радымакиро (лошало) ило́ кэрэ́ла бахтало́ муй, нэ калыпэ́н пэ ило́ пхагирэ́ла ду́хо (фа́но).

Ióvo 10:1

Миро ди кхиныя мирэ́ джиибнастыр: мэ да́ва во́ля пэ́скэ тэ тангинавпэ (тэ жалинавпэ), мэ ява́ва тэ ракира́в мирэ́ дескирэ киркипнастыр.

Sykadyipén 2:17

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ. Одолэ́скэ, кон пиризорьякэла, Мэ да́ва вари-кицы́ манка, сави́ исын гарады. Мэ адя́кэ-паць дава́ лэ́скэ парно́ бар, пэ саво́ явэ́ла чхиндло́ нэво́ лав, саво́ нико́н на джинэ́ла, апри́ч кодолэстэ, кон дорэсэ́ла дава́ бар.”

1 Petr 1:8

Савэс тумэ́ ние́кхвар на дыкхнэ́, нэ Ёв исын дро́го тумэ́нгэ, и Савэс кэ дава́ часо на дыкхнэ́, нэ тумэ́ усае́кх патя́на дрэ Лэ́стэ и пир дава́ тумэ́ адя́кэ древа́н радынэ́напэ, со нашты́ тэ пхэнас лавэ́нца, и Савэс тумэ́ прославиндлэ,

Joannostir 14:18

Мэ на ячкирава тумэн пиротэнца (сиротэнца), Мэ ява́ва кэ тумэ́.

Ióvo 7:11

Пир дая́ причына мэ на ява́ва тэ пхандав пэ́скиро муй: мэ ява́ва тэ ракира́в мирэ́-духо́скирэ тугатыр; мэ ява́ва тэ жалинавпэ мирэ́ илэ́скирэ киркипнаса.

1 Kralip 1:10

И сыс ёй дро пиридживипнаскиро ди, и мангдя́пэ Ра́скирэ-Дэвлэ́скири, и киркэс рондя́,

Joannostir 12:27

Миро Ду́хо (Фа́но) пыя́ какана́; и со Ма́нгэ тэ пхэна́в? Да́до! Зра́кх Ман далэ́ мардэстыр (штундатыр)! Нэ Мэ ваш дава́ и явдём кэ дава́ мардо́.

Езэкилё 3:14

И ґаздыя́ ман Ду́хо (Фа́но), и лыя́ ман. И джавас мэ пхарэ́ илэ́са, холя́са, и Ра́скирэ-Дэвлэ́скиро зорало́ васт сыс пэ ма́ндэ.

Psalmy 25:14

Рай Дэвэ́л Пэ́скири сыкавэ́ла гарады ла́ска одолэ́нгэ, савэ́ дарэ́на Лэ́стыр. Ёв сыклякирэ́ла лэн пал Пэ́скиро Зако́но.

Ióvo 9:18

Ёв на домэкэла, соб (кай) мэ тэ выдыхинав, нэ Ёв дэ́ла чалэ́с киркипэн ма́нгэ.

4 Kralip 4:27

Ке́ли ёй явдя́ кэ Дэвлэ́скиро ману́ш пэ бэ́рга, то ухтылдя лэс пал ґэра́. И подги́я Гиезеё, соб (кай) тэ отлыджал ла; нэ Дэвлэ́скиро ману́ш пхэндя́: “Ячкир ла; ди ла́тэ дукхала, а Дэвэ́л гарадя дава́ ма́ндыр и на дыя́ зан (звесь) ма́нгэ.”

Joannostir 14:23

Ису́со отпхэндя́ лэ́скэ: “Ко́ли вари-конэ́скэ сом дро́го Мэ, одова́ ману́ш зракхэ́ла Миро лав; и тэды Мирэ́ Дадэ́скэ явэ́ла дро́го ёв, и амэ ява́са кэ ёв и амэ ява́са тэ джива́с кэ ёв.

Džiibén 42:21

И ракирдэ́ ёнэ екх екхэ́скэ: “Чачунэ́с амэн сэндякирдя пхарэ́с Дэвэ́л пал грэ́хо пал амарэ́ пшалэ́стэ; амэ дыкхцям лэ́скирэ илэ́скирэ мэ́ньки, ке́ли ёв мангдя́ амэн, нэ амэ на шундя́м; пал-дова́ и яця́ амэ́нгэ дая́ би́да.”

Ióvo 21:25

Яви́р ману́ш мэрэ́ла киркипнаса пэ лэ́скиро ди, ёв ние́кхвар на хая чалэ́с:

1 Kralip 1:15

И отпхэндя́ Анна, и пхэндя́: “Над, миро хула́ё; мэ сом джувлы́, сави́ пиридживэла духо́са, мол (вино) и сикера мэ на пиём, нэ отчхакирава миро ди анги́л Растэ-Дэвлэ́стэ;