Pritčy 13:7 - Библия - Пэ Балтитко Романи чиб (Романэс) 2019

⁷ Исын ману́ш, саво́ сыкавэ́ла пэс, хай, ёв исын барвало́, нэ нисо́ нанэ лэ́стэ. Исын ману́ш, саво́ сыкавэ́ла пэс сы́рбы ёв исын чороро́, нэ лэ́стэ исын баро́ барвалыпэ́н.

Biblija - Pe Baltitko Romani čib (Romanes) 2019

⁷ Isyn manúš, savó sykavéla pes, xaj, jov isyn barvaló, ne nisó nane léste. Isyn manúš, savó sykavéla pes sýrby jov isyn čororó, ne léste isyn baró barvalypén.

Pritčy 13:7 Referans Kwoze

Sykadyipén 3:17

Пал-дова́ со ту ракирэ́са: ‘Мэ сом барвало́ и мэ барвалыём и ма́нгэ на трэй ничы́, нэ ту на джинэ́са, со ту сан бэдо и бибахтало́; чороро́, короро́ и нанго;’

Pritčy 12:9

Набаро́ ману́ш, савэ́стэ исын дына́ри, фэды́р кодолэстыр, саво́ исын дрэ паты́в фэ́ни пэ́стэ, нэ лэ́стэ на ухты́лла (на́доси) маро́.

Pritčy 11:24

Екх ману́ш дэ́ла древа́н бут, нэ и лэ́скэ прибарьякирэлапэ буты́р, нэ яви́р древа́н пририкирэла пэ́скэ, и ёв ячэ́ла чорорэдыр.

2 Коринфянэнгэ 6:10

амэ сам сы́рбы смэнтна (скучна), нэ амэ ўса́ды (сак) радынасапэ; амэ сам сы́рбы бо́ги, нэ амэ кэра́са бут манушэ́н барвалэнца; амэ́ндэ нанэ ничы́, нэ адя́кэ-паць амэ́ндэ сы́рбы саро́ исын.

2 Коринфянэнгэ 4:7

А дава́ кучипэ́н амэ рикираса дрэ ґлэя́на (глины́тка) пирья, соб (кай) тэ сыкавас зорьякиро барипэ́н, саво́ исын Дэвлэ́стыр, а на амэ́ндыр:

2 Petr 2:19

ёнэ дэ́на лав лэ́нгэ пал во́ля, а кокорэ́ ёнэ исын сы́рбы писха́рья хасибнытконэ присыкляибнаскэ, пал-дова́ со ману́ш исын писха́ри одолэ́скэ, кон чхудя́ лэс тэлэды́р.

Jakov 2:5

Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

Luka 12:21

Адя́кэ джа́ла кодолэндэ, савэ́ скэдэ́на кучипэ́н пэ́скэ, а на скэдэ́на дова́, со исын мишто́ анги́л Дэвлэ́стэ.”

Pritčy 13:11

Миштыпэ́н, со ману́ш дорэсэ́ла бипатывакирэ рэндэ́ндыр, тыкнёла, нэ кон кэрдя́ буты́ пхарэ́с, одолэскиро миштыпэ́н барьёла.

Sykadyipén 2:9

Мэ джино́м (джина́в) тырэ́ рэ́нды (де́лы), тыро́ калыпэ́н (ту́га), нэ ту сан барвало́ и Мэ джино́м (джина́в), сыр калякирдэ тут одолэ́, савэ́ ракирэ́на, со ёнэ исын Юды и савэ́ нанэ, а ёнэ исын налачхэскирэ скэдынятыр (скедыибнастыр).

1 Коринфянэнгэ 4:8

Тумэ́ ужэ чалынэ, тумэ́ акана́ ячнэ́ барвалэ́, тумэ́ ужэ ячнэ́ кральенца би амаро́; и мэ кама́м, соб (кай) тумэ́ чачунэ́с тэ кралинэн, и амэ́нгэ адя́кэ-паць тэ кралинав тумэ́нца.

Luka 12:33

Бикнэн, со тумэ́ндэ исын и роздэн ловэ́ богэнгэ; кэрэ́н пэ́скэ муе́нгирэ (кошэльки), савэ́ на ячэ́на пхуранэ́, кэдэн пэ́скэ кучипэ́н, саво́ на тыкнёла дро Болыбна́скиро Раё, карик чор на подганавэлапэ, и моль (мэль) на хасякирэ́ла.

Luka 12:20

Нэ Дэвэ́л пхэндя́ лэ́скэ: ‘Дылыно́ ту сан! Дрэ дая́ рат лэ́на ту́тыр тыро́ джиибэ́н; конэ́скэ дава́ саро́ ячэ́лапэ, со ту скэдыян?’

Pritčy 13:8

Ману́ш могинэ́ла тэ дэл пэ́скиро барвалыпэ́н пал джиибэ́н сыр сымады́ (залого), нэ чороро́ на шунэ́ла, сыр сыкавэ́на банг лэ́скэ.