Pritčy 13:4 - Библия - Пэ Балтитко Романи чиб (Романэс) 2019

⁴ Кирнэ-масэ́нгиро ману́ш тырдэлапэ тэ хал, нэ нисо́ на дорэсэ́ла, нэ добусовэнгиро (старательно) ди явэ́ла барвало́.

Biblija - Pe Baltitko Romani čib (Romanes) 2019

⁴ Kirne-maséngiro manúš tyrdelape te xal, ne nisó na doreséla, ne dobusovengiro (staratiel'no) di javéla barvaló.

Pritčy 13:4 Referans Kwoze

Pritčy 12:24

Добусово васт явэ́ла тэ хулаинэ́л, нэ набутитко васт зачхувэна кэ буты́ зорья́са.

Pritčy 12:11

Кон кэрэ́ла буты́ пэ пэ́скири пхув, одова́ явэ́ла тэ хал маро́ чалэ́с, нэ кодова́, саво́ джа́ла пал балвалитконэ манушэ́ндэ, на́бут ґалёла.

Pritčy 10:4

Одова́ ману́ш, савэ́стэ исын кирначо (лениво) васт, явэ́ла чороро́, нэ добусово (старательно) васт барвалякирэла манушэ́с.

Pritčy 11:25

Кон роздэла бут, одова́ явэ́ла барвало́, кон панякирэла явирэ́н, одова́ адя́кэ-паць явэ́ла панякирдо.

Pritčy 28:25

Пхутькирдэ́-илэ́скиро ману́ш выкхарэла кошыбэ́н, нэ кон зоралэ́с патя́ла дрэ Растэ-Дэвлэ́стэ, кодолэ́скэ явэ́ла миштыпэ́н.

Юдэ́нгэ 6:11

Амэ камаса, соб (кай) кажно ману́ш тумэ́ндыр тэ патял хачкирдэ́ илэ́са кэ ко́нцо (кэ яго́ро),

Joannostir 6:27

На кэрэ́н буты́ пал хабэ́н, саво́ пэ екх мо́ло, а родэ́н дова́ хабэ́н, саво́ явэ́ла дрэ ве́чно джиибэ́н; дава́ хабэ́н камэ́ла Манушэ́скиро Чхаво́ тэ дэл тумэ́нгэ, – пал-дова́ со пэ Лэ́стэ чхудя́ Дэвэ́л Дад Пэ́скири чэргэнори́, со Ёв бахтякирэ́ла дава́.”

Pritčy 8:34

Бахтало́ исын одова́ ману́ш, саво́ кандэ́ла ман; саво́ дыкхэ́ла цямкэс со дывэ́с пашы́л мири́ по́рта; саво́ ужакирэ́ла пашы́л вудара́.

Isajos 58:11

И Рай Дэвэ́л явэ́ла тэ лыджа́л тут саро́ часо (цы́ро), ко́ли на явэ́на брышында и пхув шутёла, Рай Дэвэ́л чалякирэла тыро́ ило́ и маса́, ту явэ́са сыр шука́р у́нта (садо), сыр ґаны́нг, кай пани́, саво́ николи на шутёла.

Pritčy 26:13

Кирнэ-масэ́нгиро ману́ш ракирэ́ла: “Холынакиро шчэр (ле́во) исын пэ дром. Мижэх шчэр исын пэ вули́цы (га́сы).”

Psalmy 92:14

Ёв исын сы́рбы рандь (вэтка), со исын чхуды́ дрэ Ра́скирэ-Дэвлэ́скиро Кхэр, пэ Дэвлэ́скирэ грэды (дворы) ёв явэ́ла най шукарэдыр.

Čysly 23:10

Кон пиригинэла Яково́скиро пра́хо и пиригинэла Израилёскиро шта́рто паш? Мэк тэ мэрэ́л миро ди чачипнаскирэ мэрибнаса, и мэк тэ явэ́л миро мэрибэ́н сыр лэ́нгиро!”

Pritčy 6:6

Джа́ кэ кири (мурашка), ту кирнэ-масэ́нгиро, придыкхпэ, сыр и со ёй кэрэ́ла, яв годо́:

Pritčy 12:27

Набутитко ману́ш на пэкэла мас, со ёв дорэсця́ пэ старибэн (охота), нэ добусово ману́ш барьякирэ́ла миштыпэ́н.

Pritčy 13:3

Кон пририкирэла пэ́скиро муй, одова́ ракхэ́ла пэ́скиро джиибэ́н, нэ кодова́, саво́ отпхандэла буґлэс пэ́скиро муй, одова́ хасёла.

Pritčy 13:5

Чачуно́ ману́ш древа́н на камэ́ла хохаибэ́н, нэ надэвлытко ману́ш лыджа́ла пэс намиштэс и дорэсэ́ла ладж.

Pritčy 20:4

Кирнэ-масэ́нгиро ману́ш на пхаравэла (на пашынэла) пхув иванта(тэс)киро (зимакиро), ёв явэ́ла тэ мангэ́л, ке́ли явэ́ла счхиныбэн и нанэ нисо́ лэ́стэ.

Pritčy 21:5

Добусово ману́ш придуминэла дова́, со дэ́ла прибарипэн, нэ кодова́, саво́ кэрэ́ла сыгнымаса, явэ́ла дрэ урежа (убытко).

Pritčy 21:25

Дова́, со зоралэ́с трэй кирнэ-масэнгирэ манушэ́скэ, мулякирэ́ла лэс, пал-дова́ со лэ́скирэ васта́ отпхэнэнапэ тэ кэрэ́н пхари́ буты́;

Džiibén 26:32

Дро дова́-паць дывэ́с явнэ́ Исаакоскирэ писха́рья, и роспхэндлэ́ лэ́скэ пал ґаны́нг, сави́ ёнэ ґанадэ, и пхэндлэ́ лэ́скэ: “Амэ латхям пани́.”

Isúso 7:3

И рисинэ́ кэ Ису́со, и пхэндлэ́ лэ́скэ: “На сарэ́ мануша́ мэк тэ джа́н, а мэк тэ джа́н пашы́л дуй тысёнцы ци пашы́л трин тысёнцы манушэ́н, и тумэ́ домарэн Гаё; сарэ́ манушэ́н на лы́джа одори́к, пал-дова́ со лэн на́бут одо́й”.

Pritčy 24:30

Мэ гиём набутитконэ-манушэ́скирэ фэлдаса и пир винаграды́тко фэ́лда, кай набарэ́-годя́киро ману́ш исын;

Pritčy 24:31

и одо́й ёв сыс забарино пхусадытконэ бустенца. Лэ́скири фэ́лда сыс учхакирды цукнудяса (стракиваса), лэ́скири баруны ва́нта сыс пхагирды тэлэ́.

Гиленгири (Соломоно́скири) Гилы́ 5:3

Мэ злыём миро урибэ́н кустыкаса сыр мэ сашты́ тэ урьявав палэ лэс? Мэ мордём пэ́скирэ ґэра́, сыр мэ сашты́ тэ мэлякирав лэн?