Pritčy 13:23 - Библия - Пэ Балтитко Романи чиб (Романэс) 2019

²³ Бут маро́ исын пэ чхучэ́ фэ́лды чорорэ́ манушэ́нгирэ, нэ, кай на ухты́лла (на́доси) чачипэ́н машки́р манушэ́ндэ, одо́й явэ́ла хасибэ́н.

Biblija - Pe Baltitko Romani čib (Romanes) 2019

²³ But maró isyn pe čhučé féldy čororé manušéngire, ne, kaj na uhtýlla (nádosi) čačipén maškír manušénde, odój javéla xasibén.

Pritčy 13:23 Referans Kwoze

Pritčy 12:11

Кон кэрэ́ла буты́ пэ пэ́скири пхув, одова́ явэ́ла тэ хал маро́ чалэ́с, нэ кодова́, саво́ джа́ла пал балвалитконэ манушэ́ндэ, на́бут ґалёла.

Pritčy 28:19

Кон кэрэ́ла буты́ пэ пэ́скири пхув, одова́ явэ́ла чало марэ́са; нэ кон джа́ла пал локхэ-годякирэ манушэ́ндэ, кодова́ явэ́ла древа́н чороро́.

Ekliesiastos 5:9

[10] Конэ́скэ пир ило́ исын руп, одова́ на явэ́ла чало рупэ́стыр, ци, конэ́скэ пир ило́ баро́ барвалыпэ́н, кодолэстэ на явэ́ла ада́кицы, кицы́ лэ́скэ трэй. Саро́ дава́ адя́кэ-паць исын харныпэ́н.

Psalmy 112:5

Лачхо́ ману́ш и дэ́ла пэ паты́в ловэ́ лэ́нгэ, ёв лыджа́ла пэ́скирэ рэ́нды пир Зако́но.

Pritčy 27:18

Кон ракхэ́ла инжыритко кашт (смоковница), кодова́ явэ́ла тэ хал лэ́скири пхабай; адя́кэ-паць, кон приракхэла пэ́скирэ хула́с, одова́ явэ́ла дрэ паты́в.

Pritčy 12:14

Ману́ш явэ́ла чало лачхипнастыр сыр пхабатыр, со выджа́ла лэ́скирэ уштэндыр, и явэ́ла дыно́ манушэ́скэ пир бутя́ лэ́скирэ-вастэнгирэ.

Яви́р Зако́но 21:4

и мэк долэ́-форо́скирэ пхурыдыра́ тэ лыджа́н даля рэца дрэ бусо (дико) лошчы́на, сави́ на сыс роспашындлы и на засеиндлы, и зачхинэна одо́й рэца дрэ лошчы́на;