Pritčy 13:17 - Библия - Пэ Балтитко Романи чиб (Романэс) 2019

¹⁷ Фуй ману́ш, саво́ бичхадо́ заня́са (вестяса), пэрэ́ла дро пхарипэ́н, нэ патяибны́тко вестя-бичхаибнаскиро (посло) янэ́ла састыпэн.

Biblija - Pe Baltitko Romani čib (Romanes) 2019

¹⁷ Fuj manúš, savó bičhadó zaniása (viestiasa), peréla dro pharipén, ne patiaibnýtko viestia-bičhaibnaskiro (poslo) janéla sastypen.

Pritčy 13:17 Referans Kwoze

Pritčy 25:13

Сыр шылыпэн ивэса дро часо (цы́ро), ке́ли укэдэна гив, исын адя́кэ-паць патяибнаскиро бичхадо́ ману́ш ваш одолэ́нгэ, савэ́ бичхадэ́ лэс; пал-дова́ со ёв сы́рбы панякирэла ди пэ́скирэ ра́скиро.

2 Коринфянэнгэ 5:20

И амэ сам бичхадэ́ мануша́ Христосостыр сы́рбы Дэвэ́л ракирэ́ла Лэ́скиро лав пир амэ́ндэ, и амэ мангаса ваш Христосо́стэ: ячэ́нпэ рахмана (явэ́н кхэтанэ́) Дэвлэ́са.

1 Коринфянэнгэ 4:2

Екх со трэй ваш кхэритконэ́ барыдырэ́скэ, соб (кай) ёв тэ явэ́л патяибны́тко пир саро́.

Езэкилё 3:18

Ко́ли Мэ пхэна́ва грэхитконэ́ манушэ́скэ: ‘Ту мэрэ́са!’, а ту на сыклякирэса лэс, на пхэнэ́са, соб (кай) тэ зракхэс грэхитконэ́ манушэ́с лэскрэ грэхитконэ́ дромэ́стыр, соб (кай) тэ явэ́л ёв джидо́, адава́ грэхи́тко ману́ш мэрэ́ла дрэ пэ́скрэ грэ́хи, а ту явэ́са банго́ анги́л Ма́ндэ пал лэ́скиро рат.

2 Ximaske 2:2

дова́ сыклякирибэ́н, со ту шундя́н ма́ндыр анги́л бутэндэ якхитконэнгэ, роспхэн патяибнытконэ манушэ́нгэ, савэ́ явэ́на тэ сыклякирэ́н адя́кэ-паць явирэ́н.

1 Ximaske 1:12

И мэ парикирава мирэ́ Ра́скэ-Дэвлэ́скэ, Исусо́скэ Христосо́скэ, Саво́ дыя́ ма́нгэ зор, со Ёв приґалыя ман патяибнытконэса и дыя́ ма́нгэ тэ дынаринав Лэ́скэ,

2 Коринфянэнгэ 2:17

Пал-дова́ со амэ на янаса дош Дэвлэ́скирэ лавэ́скэ, сыр бут мануша́ адя́кэ кэрэ́на, нэ амэ сарэ́ илэ́стыр, Кокорэ́ Дэвлэ́стыр ракираса Христосо́скирэ зорья́са анги́л Дэвлэ́скирэ якха́.

Ереме́ё 23:28

О проро́ко, савэ́стэ исын суно́, мэк ёв тэ роспхэнэл суно́, нэ кодова́, савэ́стэ исын Миро лав, мэк ёв тэ роспхэнэл Миро лав чачунэ́с. Саво́ исын кхэтаныпэн машки́р пхус и зя́рка?” – ракирэ́ла Рай Дэвэ́л.

Pritčy 26:6

Кон бичхавэ́ла дылынэ́ манушэ́с тэ пиридэл зан (звесь), одова́ сы́рбы подчхинэла ґэра́ пэ́скэ и кэрэ́ла биба́хт (налачхипэн).

Pritčy 25:23

Паш-ратякири (шылалэ-ригакири) балва́л лыджа́ла кэ брышы́нд, и бэдытко (чораханы) чиб лыджа́ла кэ холямо́ муй.

Pritčy 10:26

Со исын шут (уксусо) ваш данда́, ци тхув ваш якха́, адя́кэ-паць исын кирнэ-масэ́нгиро ману́ш ваш одолэ́нгэ, савэ́ бичхадэ́ кадасавэ́ манушэ́с.

Pritčy 13:18

Чорорипэн и ладж пэрэ́на пэ манушэ́стэ, саво́ вычхурдэла илэ́стыр дова́, пал со сыклякирэ́на лэс. Нэ кодова́, саво́ прилэ́ла лэс, ке́ли лэс бангякирэна зоралэ́с, явэ́ла дрэ паты́в.

Čysly 31:8

и кхэтанэ́ лэ́нгирэ замардэнца ёнэ мулякикирдэ Мадиамоскирэ кралье́н: Евиёс, Рекемас, Цурас, Хурас и Ревас, панджэ́ Мадиамоскирэ кралье́н, и Валаамос, Веороскирэ чхавэ́с, замардэ́ куртала́са;