Pritčy 13:16 - Библия - Пэ Балтитко Романи чиб (Романэс) 2019

¹⁶ Барэ́-годя́киро ману́ш кэрэ́ла саро́ джиныбнаса, нэ дылыно́ сыкавэ́ла маму́й пэ́скиро дылныпэ́н.

Biblija - Pe Baltitko Romani čib (Romanes) 2019

¹⁶ Baré-godiákiro manúš keréla saró džinybnasa, ne dylynó sykavéla mamúj péskiro dylnypén.

Pritčy 13:16 Referans Kwoze

Pritčy 15:2

Чиб годэ́-манушэ́нгири исын пхэрды́ джиныбнаса, нэ чиб дылынэскири вычхувэла дурэды́р дылныпэ́н.

Эфесянэнгэ 5:17

И на явэ́н дылынэ́, а фэды́р причхувэ́н зор тэ ґалён, со Дэвэ́л ужакирэ́ла амэ́ндыр.

Isajos 52:13

Акэ, писха́ри Миро бахтякирдо́ явэ́ла, ґаздэ́лапэ дрэ паты́в, явэ́ла шардо, и прилэ́ла барипэ́н.

Ekliesiastos 10:3

И дава́ адя́кэ-паць исын: ке́ли дылынинько ману́ш джа́ла вари-савэ́ дроморэса; лэ́скэ сароекх на ухтылэ́ла (на́доси) годыпэ́н, и ёв сыкавэ́ла кажнонэ́ манушэ́скэ, со ёв исын дылынинько.

Римлянэнгэ 16:19

Тумаро кандыпэн патяибнаскэ исын джиндло́ сарэ́нгэ; палдава́ мэ сом древа́н радо пал тумэ́ндэ, мэ кама́м, соб (кай) тумэ́ тэ явэ́н годьварэ́ дро лачхипэ́н и тэ на явэ́н бангэ́ дро фуипэ́н.

1 Коринфянэнгэ 14:20

Пшала́лэ! На явэ́н чхаворэ́нца пир пэ́скири годы́, а явэ́н чхаворэнца пэ холы́: нэ явэ́н барэ́ манушэ́нца дрэ пэ́скири годы́.

Матфеё 10:16

Акэ, Мэ бичхава́ва тумэн сыр бакрэ́н машки́р рувэндэ; явэ́н годьварэ́ сыр сапа, и бибангипнаскирэ сыр голумбы.

Pritčy 21:24

Пхутькирдо ману́ш, и ману́ш, саво́ задэлапэ, кхарэ́лапэ бипатывакиро, ёв кэрэ́ла саро́ холямэ́ пхутькирибнаса.

Psalmy 112:5

Лачхо́ ману́ш и дэ́ла пэ паты́в ловэ́ лэ́нгэ, ёв лыджа́ла пэ́скирэ рэ́нды пир Зако́но.

1 Kralip 25:25

Мэк миро хула́й тэ на прилэл кэ годы́ далэ́-холынакирэ манушэ́с, Навалос; пал-дова́ со, саво́ лэ́скиро лав, дасаво́ и исын ёв. Навало исын лэ́скиро лав, и дылныпэ́н лэ́скиро исын лэ́са. А мэ, тыри́ дына́рица, на дыкхцём мирэ́ хула́скирэ дынарье́н, савэ́н ту прибичхадян.

1 Kralip 25:17

и адя́кэ подумин и подыкх, со тэ кэра́с, пал-дова́ со на менинэла би́да хула́с амарэс и саро́ лэ́скиро кхэр; а ёв исын ману́ш холямо́, нашты́ тэ ракирэ́с лэ́са.”

Pritčy 18:2

Дылынинько древа́н на камэ́ла тэ ґалёл джиныбэ́н; нэ соб (кай) екх тэ сыкавэ́л, со исын лэ́стэ пэ ило́ (пэ годы́).

Pritčy 14:33

Годыпэ́н откхинёла штылэ́с дрэ барэ́-годя́киро ило́, нэ дова́, со исын дрэ дылыниньконэнгиро ило́, джиндло́ сарэ́нгэ.

Ekliesiastos 10:13

Лэ́скиро муй лэ́ла тэ ракирэ́л нагодэ лава́, нэ дро ко́нцо (дро яго́ро) ёв ракирэ́ла сы́рбы бишэрэскиро.