Pritčy 13:13 - Библия - Пэ Балтитко Романи чиб (Романэс) 2019

¹³ Кон на прилэ́ла кэ годы́ лав, исын хасибны́тко, нэ кон кутякирэла кэ дар припхэныбэ́н, одова́ дорэсэ́ла мазу́ри (награда).

Biblija - Pe Baltitko Romani čib (Romanes) 2019

¹³ Kon na priléla ke godý lav, isyn xasibnýtko, ne kon kutiakirela ke dar priphenybén, odová doreséla mazúri (nagrada).

Pritčy 13:13 Referans Kwoze

Čysly 15:31

пал-дова́ со лав Ра́скирэ-Дэвлэ́скиро ёв бидыкхця и припхэныбэ́н Лэ́скиро на зракхця́; хасёла дова́ ди; грэ́хо лэ́скиро исын пэ лэ́стэ.’”

2 Ian 1:8

Дыкхэ́н пал пэ́стэ, соб (кай) амэ тэ на нашавас дова́, ваш со амэ кэрдя́м буты́, а соб (кай) тумэ́ тэ дорэсэн пхэрды́ мазу́ри (награда) Ра́стыр-Дэвлэ́стыр.

2 Паралипоменоно 36:16

Нэ ёнэ сандлэпэ напатывалэс (здикиндлэпэ) Дэвлэ́скирэ бичхаибнаскирэндыр, и на шундлэ́ Лэ́нгирэ лава́, и кошнэпэ пэ Лэ́скирэ пророкэ́ндэ, пака згия Ра́скирэ-Дэвлэ́скири холы́ пэ Лэ́скирэ манушэ́ндэ адя́кэ, со на сыс лэ́скэ зракхибэ́н.

Psalmy 119:165

Пхэрдо́ рама́нё (миро) исын кодолэндэ, савэ́нгэ исын дро́го Тыро́ Зако́но и ёнэ на обштавэнапэ пир бар.

Езэкилё 20:13

Нэ Израилёскиро кхэр ґаздыя́пэ пэ Ма́ндэ пэ чхучи́ пхув, ёнэ на кэрэ́нас сыр Мэ пхэндём зоралэ́с, ёнэ отчхурдынэ Мирэ́ лава́, пир савэ́ дживэлас бы ману́ш, ко́ли кэрэ́лас, сыр Мэ пхэндём, ёнэ зоралэ́с магирэнас Мирэ́ са́ваты, и Мэ пхэндём: Мэ вычхувава пэ лэ́ндэ Миро холямипэн пэ чхучи́ пхув, соб (кай) тэ хасякира́в лэн.

Psalmy 19:11

Ёнэ исын мол буты́р сувнака́стыр, аж буты́р чачунэ́ сувнака́стыр и гудлэдыр авгинэстыр и сотэнгирэ кроплендыр авгинэстыр.

Езэкилё 20:16

Пал дова́, со ёнэ ячнэ́ тэ дыкхэ́н вучипна́стыр пэ Мирэ́ лава́, и ёнэ на кэрэ́нас, сыр Мэ пхэндём зоралэ́с, а ёнэ магирдэ́ Мирэ́ са́ваты, пал-дова́ со лэ́нгиро ило́ тырдэласпэ кэ лэ́нгирэ и́долы.

Езэкилё 20:24

Пал дова́, со ёнэ на кэрэ́нас, сыр Мэ припхэндём, отчхурдынэ, а ячнэ́ тэ дыкхэ́н вучипна́са пэ Мирэ́ упхэныбэна́, магирдэ́ Мирэ́ са́ваты, и лэ́нгирэ якха́ тырдэнаспэ кэ лэ́нгирэ – дадэнги́рэ и́долы.

Isajos 66:2

Пал-дова́ со саро́ дава́ кэрдя́ Миро васт, и саро́ дава́ сыс, – ракирэ́ла Рай Дэвэ́л. “Акэ, пэ конэ́стэ Мэ подыкхава: пэ одолэ́стэ, кон исын на пхутькирдо, пхагнэ духо́са, кон издрала анги́л Миро лав.

Pritčy 13:21

Фуипэ́н родэ́ла грэхитконэ́ манушэ́н, нэ чачунэ́ манушэ́нгэ отплэскирэлапэ палэ лачхипна́са.

Pritčy 1:25

Пал-дова́ со тумэ́ на прилынэ́ сарэ́ годыпэна (советы) и на рискирдэ́ илэ, ке́ли мэ сыкадём тумари́ банг,

Psalmy 115:13

[21] Ёв бахтякирэ́ла одолэ́н, савэ́ дарэ́на Ра́стыр-Дэвлэ́стыр, тыкнэн и барэн.

Luka 16:31

Нэ Авраа́мо пхэндя́ лэ́скэ: ‘Ко́ли ёнэ на кандэ́на Мойза́с и пророкэ́н, тэды хоць и вари-кон отджидёлас мулэ́ндыр, ёнэ на упатянас.’”

Малахия 3:16

Тэ́ньци одолэ́н, савэ́ дара́ндынэ Ра́стыр-Дэвлэ́стыр и ракирдэ́ екх екхэ́скэ: “Лэн о Рай Дэвэ́л лэ́ла тэ шунэ́л и пошунэла; и адя́кэ чхиндяпэ лылвари́ рипирибнытко анги́л Лэ́стэ пал кодолэндэ, кон дарэ́ла Ра́стыр-Дэвлэ́стыр и розлэла годя́са [рикирэ́ла дро ило́-р.с.] Лэ́скиро лав.”

Матфеё 5:12

Явэ́н бахталэ́ и радынэ́нпэ, пал-дова́ со баро́ отдыибэ́н Дэвлэ́стыр ужакирэ́ла тумэн дро Болыбна́скиро Раё: адя́кэ традэнас и пророкэ́н, савэ́ сыс анги́л тумэ́ндэ.

Ереме́ё 43:2

то Аза́рия, чхаво́ Осаияскиро (Госаияскиро); Иоханано, чхаво́ Кареёскиро и сарэ́ пхутькирдэ́ мануша́, пхэндлэ́ Еремеёскэ: “Ту ракирэ́са начачипэ́н! О Рай Дэвэ́л, амаро́ Дэвэ́л, на бичхадя́ тут тэ пхэнэ́с: ‘На джа́н кэ Еги́пто тэ дживэ́н одо́й!’

Е́здра 10:3

И акана́ счхуваса Заве́то амарэ́ Дэвлэ́са, соб (кай) тэ мэкэ́н криг сарэ́ джувле́н, и кодолэ́н, кон бия́ндыя лэ́ндыр пир лав амарэ́ Дэвлэ́скиро и пир одолэнгирэ лава́, савэ́ дарэ́на амарэ́ Дэвлэ́скирэ припхэныбнэндыр, и мэк тэ явэ́л кэрдо́ пир зако́но.

Vygiiben 9:20

Одолэ́-фараоно́скирэ писхарьендыр, савэ́ страха́дынэ Ра́скирэ-Дэвлэ́скирэ лавэ́ндыр, сы́гэс скэдынэ́ пэ́скирэ писхарье́н и пэ́скирэ ста́ды дрэ кхэра́;

Pritčy 13:12

Ужакирибэ́н, со на янэ́ла нисо́, кэрэ́ла адя́кэ, со ило́ дукхала, нэ ке́ли зорало́ мангипэ́н кэрэ́лапэ дро чачипэ́н, тэды джиибэ́н пхэрдёла радыма́са.

Pritčy 19:16

Кон рикирлапэ кэ припхэныбэ́н, одова́ зракхэ́ла пэ́скиро ди. Кон на дыкхэ́ла, со ёв кэрэ́ла, кодова́ мэрэ́ла.

Psalmy 19:12

Упхэныбэна́ адя́кэ-паць подсыклякирдэ ман, Тырэ́ дынари́с, мэ дорэсцём бут лачхипэ́н, ке́ли мэ приракхцём лэн.

Pritčy 16:20

Кон прилэ́ла лав годя́са, одова́ латхэ́ла лачхипэ́н, и кон рисёла кэ Рай Дэвэ́л тэ зракхэлпэ, одова́ исын бахтало́.