Pritčy 12:8 - Библия - Пэ Балтитко Романи чиб (Романэс) 2019

⁸ Манушэ́с шарэна пал лэ́скири годы́, нэ мануша́ явэ́на тэ дыкхэ́н вучипна́стыр пэ одолэ́стэ, конэ́стэ исын хохано́ ило́.

Biblija - Pe Baltitko Romani čib (Romanes) 2019

⁸ Manušés šarena pal léskiri godý, ne manušá javéna te dykhén vučipnástyr pe odoléste, konéste isyn xohanó iló.

Pritčy 12:8 Referans Kwoze

2 Коринфянэнгэ 10:18

Пал-дова́ со на кодова́ ману́ш исын лачхо́, кон шарэла пэс, а кодова́, конэ́с Рай Дэвэ́л шарэла.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Apostolengiri Butý 12:23

Нэ дро дова́-паць моменто Дэвлэ́скиро Янго́ло мулякирдя́ Иродос, пал-дова́ со Иродо на славиндя Дэвлэ́с, лэс джидэс ханэ́ кирмэ, и ёв мыя́.

Luka 16:8

И шардя ж рай пэ́скирэ начачунэ кхэрэ́скирэ барыдырэ́с, со ёв адя́кэ годьварэс кэрдя́. Пал-дава́ со мануша́, савэ́нгэ исын дро́го екх дава́ свэ́то, исын годэдыр манушэ́ндыр, савэ́нгэ исын дро́го духовно (фаноскиро) свэ́то.

Дание́лё 12:2

И бут кодолэ́, савэ́ исын сутэ́ дро пхувья́киро пра́хо, джангадёна, екх ваш ве́чно джиибэ́н, яви́р пэ ве́чно ладжаипэ́н и обракирибэн.

Pritčy 5:23

Ёв мэрэ́ла, пал-дова́ со лэ́скэ на упхэндлэ, ёв джа́ла криг дромэ́стыр пир пэ́скиро баро́ дылныпэ́н.

Pritčy 3:35

Годэ́ мануша́ дорэсэ́на (долэна) сла́ва сыр миштыпэ́н, нэ ладж явэ́ла тэ учхакирэл дылынэн.

Pritčy 1:26

мэ ява́ва тэ савпэ тумарэ́ барэ́ бидатыр (хасибнастыр), мэ ява́ва тэ просав тумэн, сыр явэ́ла трашаибэ́н (бари дар).

Psalmy 132:18

Мэ урьявава лэ́скирэ вэргэ́н ладжаипнаса; нэ лэ́скири вя́нка (коро́на) явэ́ла тэ зяинэл пэ лэ́стэ.”

Džiibén 41:39

И пхэндя́ фарао́но Ёза́скэ (Иосифоскэ): “Адя́кэ сыр Дэвэ́л отчхакирдя́ ту́кэ саро́ дава́, и нанэ адасавэс годьварэс и годэс, сыр ту сан;

1 Kralip 25:17

и адя́кэ подумин и подыкх, со тэ кэра́с, пал-дова́ со на менинэла би́да хула́с амарэс и саро́ лэ́скиро кхэр; а ёв исын ману́ш холямо́, нашты́ тэ ракирэ́с лэ́са.”

1 Kralip 18:30

И ке́ли Филистимлянинэнтиро шэралэ́ выгинэ́ пэ марибэ́н, о Дави́до, кокорэ́ лэ́нгирэ выгиибнастыр, кэрдя́ годьварэдыр сарэ́ Сауло́скирэ дынарье́ндыр (слугэ́ндыр), и древа́н яця́ славу́тно лэ́скиро лав.

1 Kralip 16:18

Тэды екх лэ́скирэ дынарье́ндыр (слугэ́ндыр) пхэндя́: “Ѓа́да, мэ дыкхцём Вифлеемляниноскирэ чхавэ́стэ Есеёстэ, саво́ джинэ́ла тэ башавэл, манушэ́с муршканэ́с и марибнытконэс, и дро ракирибэ́н годьварэс, и куч кокоро́ пэ́са, и лэ́са исын Рай Дэвэ́л.

1 Kralip 13:13

И пхэндя́ Самуи́ло Сауло́скэ: “Дылынэс кэрдя́н ту, со ту на сполниндян Ра́скирэ Дэвлэ́скирэ, тырэ́ Дэвлэ́скиро упхэныбэ́н, саво́ сыс дыно́ ту́кэ, пал-дова́ со какана́ зоралякирэлас бы Рай Дэвэ́л тыро́ кралипэ́н пэ Израилё пэ ве́ки;

Ekliesiastos 8:1

Кон исын годо́ ману́ш? И кон джинэ́ла тэ роспхэнэл пал сарэ́ рэ́нды, сыр лэн трэй тэ кэрэ́н? Манушэ́скиро годыпэ́н зачхувэла лэ́скиро муй тэ зяинэл, и наковло лэ́скиро муй парудёла.

Pritčy 12:7

Фуе манушэ́н равэна тэлэ́ и ёнэ нанэ буты́р, нэ кхэр чачунэ́-манушэ́нгиро явэ́ла тэ тэрдёл.

Pritčy 12:9

Набаро́ ману́ш, савэ́стэ исын дына́ри, фэды́р кодолэстыр, саво́ исын дрэ паты́в фэ́ни пэ́стэ, нэ лэ́стэ на ухты́лла (на́доси) маро́.

Pritčy 29:27

Чачунэ́ мануша́ джа́на криг (брыдинэна) начачунэ манушэ́ндыр, нэ дэвлы́тка мануша́ рикирнапэ дрэ риг фуе́ манушэ́ндыр.

Isajos 19:14

Рай Дэвэ́л бичхадя́ дрэ лэ́стэ ду́хо (фа́но) матыбнаскиро; ёнэ хохадэ Еги́пто дрэ сарэ́ лэ́скирэ рэ́нды, адя́кэ, сыр мато псирэ́ла пир бла́та, савья́са ёв чхадыя.

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.