Pritčy 12:4 - Библия - Пэ Балтитко Романи чиб (Романэс) 2019

⁴ Куч ромны́ исын сы́рбы коро́на пэ ромэскиро шэро́, нэ кодоя, сави́ ладжакирэла лэс, исын сы́рбы кирныпэн дрэ лэ́скирэ кокалы́.

Biblija - Pe Baltitko Romani čib (Romanes) 2019

⁴ Kuč romný isyn sýrby koróna pe romeskiro šeró, ne kodoia, saví ladžakirela les, isyn sýrby kirnypen dre léskire kokalý.

Pritčy 12:4 Referans Kwoze

Pritčy 14:30

Лачхо́ ило́ дэ́ла джиибэ́н масэнгэ, нэ зэвлыныпэ́н кирнякирэла кокалы́.

Pritčy 14:1

Годы́ джувлы́ рикирэ́ла кхэр, нэ набарэ́-годякири джувлы́ пхагирэ́ла лэс пэ́скирэ дылныпнаса.

1 Коринфянэнгэ 11:11

Нэ усае́кх ромны́ нанэ во́льно ромэстыр, ни ром исын во́льно ромнятыр дро джиибэ́н, саво́ исын дро кхэтаныпэн Исусо́са.

1 Коринфянэнгэ 11:7

А ко́ли исын ладжаво джувля́кэ, соб (кай) ла́кирэ бала́ тэ явэ́н обчхиндлэ́ ци тэ явэ́н мурадэ́, мэк ёй тэ запхандэл вари-со́са шэро́. Палдава́ муршэскэ на трэй тэ запхандэл шэро́, пал-дова́ со мурш исын сы́рбы Дэвлэ́скири патри́н (о́бразо) дрэ манушэ́стэ, и мурш сы́рбы зяинэла Дэвлэ́скирэ ярконэ слава́са, а джувлы́ сы́рбы зяинэла ла́кирэ-ромэскирэ слава́са.

Pritčy 21:19

Фэды́р тэ джива́с пэ чхучи́ пхув, сыр холямэ́ джувля́са, сави́ чингардэлапэ.

Pritčy 21:9

Фэды́р исын тэ дживэ́с дро кунто пэ кхэрэ́скири стрэ́ха (чхаки́н), сыр тэ явэс дро екх кхэр джувля́са, сави́ чингардэлапэ.

Avakumo 3:16

Ке́ли мэ шундём, мирэ́ маса́ лынэ́ тэ издран, мирэ́ ушта́ лынэ́ тэ издран локхэс далэ́ занятыр: кирныпэн загия́ дрэ мирэ́ кокалы́; и мэ яцём тэ тринскиравпэ пэ пэ́скиро штэ́то. Нэ ма́нгэ трэй тэ явав штыл дро дывэ́с дарано, ке́ли явэ́ла вэ́рго пэ мирэ́ манушэ́ндэ пэ́скирэ халадэнца.

Ruta 3:11

и адя́кэ, мири́ чхай, на дар, мэ кэра́ва ту́кэ, саро́, со ту пхэндя́н; пал-дова́ со сарэ́ мирэ́ манушэ́нгирэ вудара́ джинэ́на, со ту сан лачхи́ джувлы́;

Pritčy 12:5

Чачунэ́ мануша́ думинэ́на пал чачипэ́н, нэ фуй мануша́ кхэтанэ́ дэ́на хохано́ годыпэ́н.

Pritčy 18:22

Кон латхя́ лачхя ромня́, кодова́ латхя́ лачхипэ́н и дорэсця́ дро́гима Ра́стыр-Дэвлэ́стыр.

Pritčy 11:22

Сувнакуны́ ангрусты дро балычэнгиро накх (пятако) исын дова́-паць, сыр исын шука́р джувлы́, сави́ бут на ґалёла.

Pritčy 30:23

ко́ли бипатывакири джувлы́ джа́ла пало́ ром, и ко́ли дына́рица (служанка) лэ́ла ла́кирэ-ранякиро штэ́то.

Pritčy 31:29

Бут джувля́ кэрэ́на адя́кэ, нэ ту сан фэды́р сарэ́ндыр.