Biblia Todo Logo
Bib sou entènèt

- Piblisite -




Pritčy 12:14 - Библия - Пэ Балтитко Романи чиб (Романэс) 2019

14 Ману́ш явэ́ла чало лачхипнастыр сыр пхабатыр, со выджа́ла лэ́скирэ уштэндыр, и явэ́ла дыно́ манушэ́скэ пир бутя́ лэ́скирэ-вастэнгирэ.

Gade chapit la Kopi

Biblija - Pe Baltitko Romani čib (Romanes) 2019

14 Manúš javéla čalo lačhipnastyr syr phabatyr, so vydžála léskire uštendyr, i javéla dynó manušéske pir butiá léskire-vastengire.

Gade chapit la Kopi




Pritčy 12:14
19 Referans Kwoze  

Ману́ш чалякирэла лачхипна́са сы́рбы пхабатыр пэ́скирэ уштэндыр, нэ напатяибнаскирэ дия́ чалякирэнапэ нахратыматыр.


Палдава́ мэ ява́ва тэ славинав и тэ парикира́в Ту́кэ дро миро джиибэ́н, мэ ява́ва тэ ґаздав васта́ ваш Тыро́ лав.


Ману́ш радынэ́лапэ пэ́скирэ лачхэ́ отпхэныбнастыр, лачхо́ лав ракирлапэ, ке́ли ёв трэй.


Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.


и холямо́ сабэн пал/пэ Месия́стэ (Христосо́стэ), саво пыя пэ Лэстэ коригэды́р (позжэды́р), ёв гиндя ваш пэ́скэ дрогэдыр сарэ́ Египто́скирэ кучипна́стыр, пал-дова́ со ёв дыкхця́ надея́са, со лэс ужакирэ́ла отдыибэ́н Дэвлэ́стыр.


Пал-дова́ со, ко́ли лав, саво́ Янго́лы пхэндлэ́, исын сполниндло (кэрдо́ кэ ко́нцо (кэ яго́ро)), и мануша́ дорэсэ́на ка́ра пал дова́, со ёнэ кэрдэ́ проти Зако́но и пал дова́, со ёнэ на кандынэ́,


Пал-дова́ со Ёв отдэ́ла палэ манушэ́скэ пир лэ́скири буты́, соб (кай) кажно ману́ш тэ дорэсэл мазу́ри (награда) пир дова́, со Ёв кэрдя́.


пал-дова́ тумэ́ явэ́на тэ хан дова́, со тумэ́ сан мол, и тумэ́ явэ́на тэ чалён долэ́стыр, со тумэ́ придуминдлэ.


Бэдэ-илэ́скиро ману́ш чалёла пэ́скирэ фуе́ бутендыр, нэ лачхо́ ману́ш явэ́ла чало пэскирэндыр.


Кон исын лачхэ́-дескиро кэ чорорэ́, кодова́ сы́рбы дэ́ла дро длуго (покэрэла) Ра́скэ-Дэвлэ́скэ, Ёв плэскирэла палэ одолэ́скэ, кон дыя́.


Ко́ли тумэ́ пхэнэ́на: “Чачо́, амэ на джиндям дава́”, тэды Кодова́, Саво́ ублавэла (важынэла) илэ, ци на ґалёла дава́? Кодова́, Саво́ ракхэ́ла тыро́ ило́, ци на джинэ́ла Ёв дава́? И Ёв отдэ́ла кажнонэ́ манушэ́скэ ада́кицы, кицы́ ёв исын мол пал лэ́скирэ рэ́нды.


И явэ́ла адя́кэ: со явэ́ла манушэ́нца, дова́-паць явэ́ла рашанца. И Мэ пхарэ́с сэндякирава лэн пал дова́, со ёнэ кэрдэ́, и Мэ отда́ва палэ пал лэ́нгирэ рэ́нды (де́лы).


Фуй ману́ш кокоро́ хасёла пэ́скирэ чорипна́стыр, а лэ́скиро грэ́хо сы́рбы шэлэнца пхандэла лэс кокорэс.


Мэ, Рай Дэвэ́л, розґалёвава кажно ило́, Мэ пропатякирава андра́л манушэ́с, соб (кай) тэ дав кажнонэ́скэ (сваконэскэ) пир лэ́скирэ дрома́, пир дова́, со ёв кэрдя́.


И Мэ сэндякирава тумэн пир тумарэ́ барьякирдэ́ (пло́ды), савэ́ сыкавэ́на, со кэрдэ́ тумэ́’, – ракирэ́ла Рай Дэвэ́л, – и Мэ росхачкирава яг дро тумаро́ вэш, и ёй похала саро́, со исын трусця́л лэ́стэ.’”


Swiv nou:

Piblisite


Piblisite