Pritčy 12:13 - Библия - Пэ Балтитко Романи чиб (Романэс) 2019

¹³ Фуй ману́ш пэрэ́ла дрэ фэлы́ чорипнаса пэ́скирэ уштэндыр, нэ чачуно́ ману́ш джа́ла криг пхарипнастыр.

Biblija - Pe Baltitko Romani čib (Romanes) 2019

¹³ Fuj manúš peréla dre felý čoripnasa péskire uštendyr, ne čačunó manúš džála krig pharipnastyr.

Pritčy 12:13 Referans Kwoze

Pritčy 21:23

Кон приракхэла пэ́скиро муй и чиб, одова́ ману́ш ракхэ́ла пэ́скиро джиибэ́н пхарипнастыр.

Pritčy 11:8

Чачипна́скиро исын зракхно бидатыр, а фуй ману́ш пэрэ́ла одори́к пэ штэго лэ́скиро.

Psalmy 64:8

Нэ Дэвэ́л явэ́ла тэ дэл карье дрэ лэ́ндэ, со лэ́нгирэ фра́нсы (раны) екха́тыр сыкадёна,

Дание́лё 6:24

И дыя́ о кра́ли, и сыс лыджинэ́ кэ ёв одолэ́ мануша́, савэ́ бангякирдэ Даниелёс, и ёнэ сыс чхурдынэ́ дро шчэрэнгиро рово (хохо́й), сыр кокорэ́, адя́кэ-паць лэ́нгирэ чхаворэ́ и лэ́нгирэ джувля́; на догинэ́ ёнэ кэ ровоскиро дно (дугно), сыр ханэ́ лэн шчэра́ (левы) и пхагирдэ́ лэ́нгирэ кокалы́.

Pritčy 6:2

тэды ту пыян дрэ фэлы́ пэ́скирэ лавэ́ндыр, тырэ́-москирэ лава́ ухтылдэ́ тут.

2 Petr 2:9

И екх Дэвэ́л джинэ́ла, сыр тэ зракхэ́л дэвлытконэ́ манушэ́н, ке́ли пропатякирэна лэн, и Ёв ракхэ́ла кадалэ́ начачунэ манушэ́н кэ / жы́ко сэндоскиро дывэ́с, соб (кай) тэ чхувэ́л ка́ра пэ лэ́ндэ;

Ekliesiastos 7:18

Годыпэ́н зорьякирэла годэ́ манушэ́с, и ёв исын барэды́р дэшэ форо́скирэ барыдырэндыр.

Матфеё 27:25

Нэ сарэ́ отпхэндлэ́: “Мэк тэ явэ́л дава́ бангипэн пал Лэ́скиро рат пэ амэ́ндэ и амарэ́ чхаворэндэ!”

Pritčy 15:2

Чиб годэ́-манушэ́нгири исын пхэрды́ джиныбнаса, нэ чиб дылынэскири вычхувэла дурэды́р дылныпэ́н.

Psalmy 34:19

Рай Дэвэ́л исын пашы́л одолэ́ндэ, савэ́ндэ исын пхаро́ пэ ило́, и Ёв зракхэ́ла одолэ́н, кон дандырэла пэ́скиро ило́ пал грэ́хо.

Psalmy 5:6

Пхутькирдэ́ на вытэрдёна анги́л Тырэ́ якха́. Ту бидыкхэса одолэ́н, савэ́ кэрэ́на на пир чачипэ́н.

3 Kralip 2:23

И совлахадя́ кра́ли Соломо́но Ра́са-Дэвлэ́са, ракири́: “Дова́ и дова́ мэк тэ кэрэ́л ма́нца Дэвэ́л и ишчо (инкэ́) буты́р кэрэ́ла, ко́ли на пэ пэ́скиро ди пхэндя́ Адония дасаво лав.

2 Kralip 4:9

И отпхэндя́ Дави́до Рихавоскэ и Баанаскэ, лэ́скирэ пшалэ́скэ, Беерофяниноскирэ-Ремоноскирэ чхавэ́нгэ, и пхэндя́ лэ́нгэ: “Тэ явэ́л джидо́ Рай Дэвэ́л, саво́ зракхця́ миро ди кажнонэ́ бидатыр!

Džiibén 48:16

О Янго́ло, саво́ выракхця ман кажнонэ́ чорипна́стыр, мэк тэ бахтякирэ́л адалэ́ тэрнэ́ манушэ́н; мэк тэ явэ́л пэ лэ́ндэ дыно́ миро лав и лав мирэ́ дадэ́нгиро Авраа́москиро и Исаакоскиро, и мэк тэ явэ́л лэн бут машки́р пхув.”

Psalmy 59:12

На замар лэн, соб (кай) мирэ́ мануша́ тэ на бистрэн лэн, росчхурдэ лэн Тырэ́ зорья́са и рав тэлэ́ лэн, амаро́ Раё Дэ́вла, Ту сан шчы́то амаро́.

Pritčy 18:21

Дрэ чиб исын зор ваш джиибэ́н, ци ваш мэрибэ́н. Кон камэ́ла тэ ракирэ́л, одолэ́скэ трэй тэ ужакирэл ци екх, ци яви́р.

Psalmy 34:20

Чачипнаскирэ мануша́ страдынэна бут, нэ Рай Дэвэ́л помогинэла лэ́нгэ дро саро́ дава́.

Psalmy 59:13

Лэ́нгирэ мо́стыр джа́на грэхи́тка лава́, мэк ёнэ тэ дэнпэ дукха́ (тэ хохавэнпэ) пэ́скирэ пхутькирибнастыр пал дова́, со ёнэ прокошэнас и хохавэнас.

Pritčy 10:8

Годэ́ мануша́ прилэ́на кэ годы́ припхэныбэна́, нэ набарэ́-годя́киро ману́ш пэрэ́ла.