Pritčy 11:28 - Библия - Пэ Балтитко Романи чиб (Романэс) 2019

²⁸ Кон зоралэ́с патя́ла дро пэ́скиро барвалыпэ́н, одова́ пэрэ́ла, нэ чачунэ́ мануша́ явэ́на най шука́р сыр патря (листы) пэ кашт (дрэ́во).

Biblija - Pe Baltitko Romani čib (Romanes) 2019

²⁸ Kon zoralés patiála dro péskiro barvalypén, odová peréla, ne čačuné manušá javéna naj šukár syr patria (listy) pe kašt (drévo).

Pritčy 11:28 Referans Kwoze

1 Ximaske 6:17

Упхэн далэ́ свэто́скирэ барвалэнгэ, соб (кай) ёнэ тэ на ґаздэ́н пэс и тэ на патя́н дро пэ́скиро барвалыпэ́н, нэ фэды́р тэ патял дрэ джидэ́ Дэвлэ́стэ, Саво́ пхэрдэ́с дэ́ла саро́, со трэй ваш амари́ бахт,

Ереме́ё 17:8

Пал-дова́ со ёв явэ́ла сыр дрэ́во, со исын почхудо пашы́л паня́, и саво́ роздзиндзькирдя пэ́скирэ ко́рни (рукха́) пашэ́ рэ́кица (лэнори́). И ёв на явэ́ла тэ дарэл, ке́ли явэ́ла хачкирибэ́н, нэ лэ́скири патри́н (листо) явэ́ла зэлэно, и лэ́скэ на явэ́ла трэй тэ дарэл дро шуко бэрш, адя́кэ-паць ёв на пириячэ́ла тэ дэл пхаба́.

Psalmy 1:3

И ёв явэ́ла сыр кашт (дрэ́во), со исын чхудо паш панигвалэ рэ́ки (лэня́), саво́ дэ́ла пэ́скири пхабай дро аплодоскиро уляго (пора). Лэ́скирэ патря (листы) ние́кхвар на зашутёна и саро́, со ёв тэ на кэрэ́л, явэ́ла тэ джал бахтяса.

Psalmy 62:10

Чачо́: манушы́тка чхавэ́ исын сы́рбы бэльвэлякиро пхурдыпэн, манушэ́нгирэ чхавэ́ исын хохаибэ́н. Ке́ли ту поважынэса лэн пэ ублады́тка (весы), тэды ёнэ исын локхэды́р бэльвэлякирэ пхурдыпнастыр (дуновениёстыр).

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

Pritčy 10:15

Барвалэ́-манушэ́скиро миштыпэ́н исын сыр зорало́ фо́ро, нэ чороро́ ману́ш пэрэ́ла дро ду́хо (фа́но) пэ́скирэ богипнастыр.

Psalmy 49:6

Со́скэ ма́нгэ тэ дарав, ке́ли исын чорэ́ дывэса́, ке́ли чорэ́ вэ́рги явэ́на трусця́л мирэ́ пе́нты (кхурья́)?

Luka 12:20

Нэ Дэвэ́л пхэндя́ лэ́скэ: ‘Дылыно́ ту сан! Дрэ дая́ рат лэ́на ту́тыр тыро́ джиибэ́н; конэ́скэ дава́ саро́ ячэ́лапэ, со ту скэдыян?’