Pritčy 11:24 - Библия - Пэ Балтитко Романи чиб (Романэс) 2019

²⁴ Екх ману́ш дэ́ла древа́н бут, нэ и лэ́скэ прибарьякирэлапэ буты́р, нэ яви́р древа́н пририкирэла пэ́скэ, и ёв ячэ́ла чорорэдыр.

Biblija - Pe Baltitko Romani čib (Romanes) 2019

²⁴ Jekh manúš déla drieván but, ne i léske pribarjakirelape butýr, ne javír drieván pririkirela péske, i jov jačéla čororedyr.

Pritčy 11:24 Referans Kwoze

Pritčy 19:17

Кон исын лачхэ́-дескиро кэ чорорэ́, кодова́ сы́рбы дэ́ла дро длуго (покэрэла) Ра́скэ-Дэвлэ́скэ, Ёв плэскирэла палэ одолэ́скэ, кон дыя́.

Luka 6:38

Дэн и явэ́на тэ дэн тумэ́нгэ: явэ́на тэ дэн тумэ́нгэ пхэрды́ ме́ра, и притасадо саро́ тэ явэ́л, би тангипнаскиро (жалимакиро), явэ́на тэ чхувэ́н тумэ́нгэ пал брэг ада́кицы, кицы́ тумэ́ змогинэна тэ лыджа́н; савэ́ мераса тумэ́ меринэна, дасавэ́-паць мераса тумэн явэ́на тэ меринэн.”

Яви́р Зако́но 15:10

дэ лэ́скэ дро вужлыпэ́н, и, ке́ли явэ́са тэ дэс лэ́скэ, нашты́, соб (кай) тэ тангинэ́л (тэ жалинэл) тыро́ ило́, пал-дова́ со пал дова́ бахтякирэ́ла тут Рай Дэвэ́л, тыро́ Дэвэ́л, дрэ сарэ́ рэ́нды тырэ́ и дро саро́, со явэ́на тэ кэрэ́н тырэ́ васта́;

Psalmy 112:9

Ёв роздыя саро́ илэ́стыр, ёв дыя́ одолэ́нгэ, конэ́стэ исын трэ́бима, лэ́скиро чачипэ́н усады (сак) ячэ́лапэ: лэ́скири зор уса́ буты́р скэдэ́ла паты́в.

Ekliesiastos 11:6

Тасярлатунэ (раннёнэ) злокостыр почхув пэ́скири зя́рка дрэ пхув, нэ бэльвэлятыр на тангинэ (на жалин) тыро́ васт ваш буты́, пал-дова́ со ту на джинэ́са, со удэлапэ кэ миштыпэ́н, ци дава́ рэ́ндо, ци дова́ рэ́ндо, ци дуй далэ́ рэ́нды, явэ́на лачхэ́.

Agiejo 1:6

Тумэ́ бут чхувэ́на дрэ пхув, нэ на́бут лэ́на тумэ́: тумэ́ ха́на, нэ тумэ́ на сан чалэ; тумэ́ пьена, нэ тумэ́ на выпьена чалэ́с, тумэ́ урьенапэ, нэ тумэ́нгэ исын на тато; и кон кэрэ́ла буты́ тэ закэрэл, закэрэла, соб (кай) тэ чхувэ́л дро миенгиро (кошэлько) лёхэнца (дыркэнца)”

Pritčy 11:18

Фуй ману́ш кэрэ́ла дошвалы буты́, нэ одова́, кон росчхувэла чачипэ́н, дорэсэ́ла мишто́ мазу́ри (награда).

Pritčy 28:8

Кон прибарьякирэла пэ́скиро миштыпэ́н начачунэ кофоса (ростоса) и хохаибнаса, кодова́ сы́рбы кэдэла ловэ́ кодолэ́скэ, саво́ явэ́ла тэ тангинэ́л чорорэн.

Pritčy 11:23

Чачунэ́ мануша́ древа́н тырдэнапэ кэ лачхипэ́н, нэ лачхо́ ужакирибэ́н (наде́я) фуе́-манушэ́нгири лыджа́ла кэ бари холын.

Pritčy 11:25

Кон роздэла бут, одова́ явэ́ла барвало́, кон панякирэла явирэ́н, одова́ адя́кэ-паць явэ́ла панякирдо.

Pritčy 13:7

Исын ману́ш, саво́ сыкавэ́ла пэс, хай, ёв исын барвало́, нэ нисо́ нанэ лэ́стэ. Исын ману́ш, саво́ сыкавэ́ла пэс сы́рбы ёв исын чороро́, нэ лэ́стэ исын баро́ барвалыпэ́н.

Pritčy 28:27

Кон дэ́ла чорорэскэ, кодолэстэ на явэ́ла наухтылыбэн/на явэ́ла на́доси (кодова́ на чорьёла), нэ кон закэрэла лэ́скирэ якха́, пэ кодолэстэ явэ́на бут прокошыбэна.

2 Паралипоменоно 31:10

И отпхэндя́ лэ́скэ Аза́рия, англатуно́ раша́й, Садоскирэ кхэрэ́стыр, и пхэндя́: “Долэ́ дывэсэ́стыр, сыр лынэ́ тэ янэ́н яныбэ́н дро Ра́скирэ-Дэвлэ́скиро Кхэр, то амэ хаям чалэ́с, и бут яця́пэ; пал-дова́ со Рай Дэвэ́л бахтякирдя́ Пэ́скирэ манушэ́н. Далэ́стыр, со яця́пэ, сыс древа́н бут.”

Малахия 3:8

Ци сашты́ манушэ́скэ тэ хохавэ́л Дэвлэ́с? Нэ тумэ́ ж хохавэна Ман! Нэ тумэ́ пхучэна: ‘Дро со амэ хохадям Тут?’ – Дрэ дэшэнгирья и дрэ свэ́нта дыибэна́.