Pritčy 11:19 - Библия - Пэ Балтитко Романи чиб (Романэс) 2019

¹⁹ Чачипэ́н лыджа́ла кэ джиибэ́н, нэ одова́, кон родэ́ла чорипэ́н, родэ́ла лэс ваш пэ́скиро мэрибэ́н.

Biblija - Pe Baltitko Romani čib (Romanes) 2019

¹⁹ Čačipén lydžála ke džiibén, ne odová, kon rodéla čoripén, rodéla les vaš péskiro meribén.

Pritčy 11:19 Referans Kwoze

Pritčy 10:16

Чачипнаскирэ-манушэскири пхари́ буты́ лыджа́ла кэ джиибэ́н, нэ бажын (приросто), сави́ дорэсэ́ла начачуно (чоро) ману́ш, лыджа́ла кэ грэ́хо.

Pritčy 19:23

Кон дарэ́ла Дэвлэ́стыр, кодова́ дживэ́ла. Конэ́стэ исын дар, одова́ ячэ́лапэ чало, и биба́хт на пэрэ́ла пэ лэ́стэ.

Pritčy 12:28

Чачуно́ дром лыджа́ла кэ джиибэ́н, пэ лэ́скирэ дроморэ нанэ мэрибэ́н.

Pritčy 8:36

нэ ману́ш, кон бистрэла пал ма́ндэ, кодова́ кэрэ́ла чорипэ́н пэ́скирэ дескэ; сарэ́, конэ́скэ мэ на сом пир ило́, сы́рбы ужакирэ́на мэрибэ́н.

1 Ian 3:10

Ѓа́да, сыр Дэвлэ́скирэ чхавэ́ и налачхэскирэ чхавэ́ исын бицялэ: кажно (сва́ко), кон кэрэ́ла на пир чачипэ́н, одова́ нанэ Дэвлэ́стыр и адя́кэ-паць, сыр кодова́, кон на кэрэ́ла паты́в пэ́скирэ пшалэ́скэ.

1 Ian 3:7

Бияторалэ! Мэк нико́н тэ на лыджа́л тумэн дро блэ́ндо. Кон кэрэ́ла пир чачипэ́н, одова́ исын кадасаво́ чачуно́, сыр Ёв исын чачуно́.

Римлянэнгэ 6:23

Пал-дова́ со плэскирибэн пал грэ́хо исын мэрибэ́н, а Дэвлэ́скиро тала́но пир бахталыпэ́н исын ве́чно джиибэ́н дрэ Исусо́стэ Христосо́стэ, амарэ́ Растэ-Дэвлэ́стэ.

Apostolengiri Butý 10:35

и Ёв прилэ́ла манушэ́н сарэ́ нацые́ндыр, ко́ли адалэ́ мануша́ дарэ́на Лэ́стыр и кэрэ́на пир чачипэ́н.

Pritčy 11:4

Барвалыпэ́н на дэ́ла ни саво́ лачхипэ́н дро хасибны́тко дывэ́с, нэ чачипэ́н зракхэ́ла мэрибна́стыр.

Jakov 1:15

пало́ дава́ злыджаибэн, саво́ на трэй, и саво́ лыджа́ла кэ грэ́хо, саво́ явэ́ла кэрдо́ и саво́ лыджа́ла кэ мэрибэ́н.

Pritčy 21:16

Кон джа́ла дрэ риг чачунэ́ дромэ́стыр, кодова́ явэ́ла тэ откхинёл мулэнца пэ скэдыибэ́н.

Яви́р Зако́но 16:20

чачипэ́н, ро́дэ чачипэ́н, соб (кай) ту тэ явэс джидо́, и тэ явэ́л ту́тэ пхув, сави́ Рай Дэвэ́л, Дэвэ́л тыро́, дэ́ла ту́кэ.

4 Kralip 1:4

Пал дава́ адя́кэ ракирэ́ла Рай Дэвэ́л: ‘Чхуибнастыр, пэ саво́ ту пасиян, на зджаса ла́тыр, нэ ту мэрэ́са.’” И гия́ Или́я.

4 Kralip 1:16

И пхэндя́ Или́я лэ́скэ: “Адя́кэ ракирэ́ла Рай Дэвэ́л: ‘Палдова́, со ту бичхадян манушэ́н тэ пхучэспэ Веельзевулостыр, Акароно́скирэ дэвлыткиматыр, сы́рбы дро Израилё нанэ Дэвлэ́с, соб (кай) тэ пхучэспэ пал лав Лэ́скиро, – чхуибнастыр, пэ саво́ ту пасиян, на зджаса лэ́стыр, а мэрэ́са.’”

Pritčy 21:21

Кон родэ́ла и джа́ла дурэды́р пир чачипэ́н и лачхэ́-илы́ткима, одова́ ману́ш латхэ́ла джиибэ́н, чачипэ́н и паты́в.