Pritčy 11:11 - Библия - Пэ Балтитко Романи чиб (Романэс) 2019

¹¹ Дэвлытка бахтякирэна (благословинэна) и ґаздэ́на кэ вучыпэн фо́ро, нэ фуй-манушэ́нгирэ муя́ равэна тэлэ́ лэс.

Biblija - Pe Baltitko Romani čib (Romanes) 2019

¹¹ Devlytka bahtiakirena (blagoslovinena) i ĥazdéna ke vučypen fóro, ne fuj-manušéngire muiá ravena telé les.

Pritčy 11:11 Referans Kwoze

Pritčy 14:34

Чачипэ́н ґаздэ́ла манушэ́н (народо), нэ грэ́хо лэ́ла криг паты́в кажнонэ́ манушэ́ндыр.

Pritčy 29:8

Ману́ш, кон салапэ нахратэс, сы́рбы пхандэла фо́ро фэляса, нэ годэ́ мануша́ рискирэна холы́ дрэ риг [биладжаипнытка мануша́ ґаздэ́на бу́нто дро фо́ро, а годьварэ́ штылякирэна бу́нто-р.с.].

Jakov 3:6

Чиб-дава́ исын сы́рбы доя́-паць яг, савья́тыр могинэ́ла тэ явэ́л бут фуипэ́н; чиб исын машкира́л амарэ́ масэнгирэ паша́, со калякирэла саро́ и могинэ́ла тэ схачкирэл саро́ амаро́ джиибэ́н яга́са, сави́ джа́ла люностыр (адостыр).

Ekliesiastos 9:15

Нэ, ґалёв, екх чороро́, нэ годо́ ману́ш латхяпэ дро форицо, и ёв выракхця дава́ форицо пэ́скирэ годыпнаса. Нэ ние́кх ману́ш на рипирэлас кадалэ́ чорорэ́ манушорэс.

Ióvo 22:30

И адя́кэ-паць Ёв выракхэла и кодолэ́н, кон исын бибангипнаскирэ, и Ёв выракхэла тумэн, ко́ли тумэ́ндэ нанэ банг (вина) пэ васта́”

2 Kralip 20:1

Одо́й выгия́, со сыс екх на́лачхо ману́ш, пир лав Савеё, чхаво́ Бихрискиро, Вениамитяниноскиро; ёв пхурдыя дро ро́го и пхэндя́: “Нанэ амэ́нгэ паш дрэ Давидо́стэ, и нанэ амэ́нгэ бажын дрэ Есеёскирэ чхавэ́стэ; сарэ́ пир ша́тры пэ́скирэ, Израильтя́ни!”

Džiibén 45:8

Адя́кэ на тумэ́ бичхадэ́ ман адари́к, нэ Дэвэ́л, Саво́ и чхудя́ ман фараоно́скэ дадэ́са и ра́са пир саро́ лэ́скиро кхэр, и тэ хулаинав пэ сари́ Египто́скири пхув.

Pritčy 11:10

Сыр саро́ джа́ла лачхэ́с чачипнаскирэнца, фо́ро древа́н радынэ́лапэ; и сыр фуй мануша́ хасёна, фо́ро дэ́ла го́дла радыма́тыр.

Pritčy 11:12

Набарэ́-годя́киро дыкхэ́ла вучипна́стыр пэ пэ́скирэ пашатунэ́ манушэ́стэ, нэ ману́ш, саво́ ґалёла, кодова́ рикирэ́ла рама́нё/ миро [исын штыл-р.с.].

Pritčy 28:2

Ко́ли фуй рэ́нды (де́лы) исын пэ дая́ пхув, тэды крали́скирэ барыдыра́ парувэна екх екхэ́с. Нэ годя́киро барыдыро́, савэ́стэ исын джиныбэ́н, явэ́ла тэ кралинэ́л дурэды́р.