Pritčy 10:8 - Библия - Пэ Балтитко Романи чиб (Романэс) 2019

⁸ Годэ́ мануша́ прилэ́на кэ годы́ припхэныбэна́, нэ набарэ́-годя́киро ману́ш пэрэ́ла.

Biblija - Pe Baltitko Romani čib (Romanes) 2019

⁸ Godé manušá priléna ke godý priphenybená, ne nabaré-godiákiro manúš peréla.

Pritčy 10:8 Referans Kwoze

Pritčy 12:1

Кон камэ́ла, соб (кай) лэс тэ сыклякирэ́н, одолэска трэй джиныбэ́н, а кон древа́н на камэ́ла, сыр сыкавэ́на лэ́скири банг, одова́ исын нагодо.

Jakov 3:13

Кон исын тумэ́ндыр тэ явэ́л годьваро́ и тэ джинэ́л саро́; мэк ёв тэ сыкавэ́л дава́ пэ рэ́ндо пэ́скирэ лачхэ́ джиибнаса и ковлэ́-илытконэ годыпнаса;

Pritčy 9:9

Подсыклякир годэ́ манушэ́с, и ёв явэ́ла годэдыр, сыкля́кир чачунэ́ (вортэ) манушэ́с и лэ́стэ явэ́ла бутэды́р джиныбэ́н.

Pritčy 1:5

Кон исын годо́ (годьваро́) ману́ш, явэ́ла тэ шунэ́л и тэ сыклёл буты́р; ману́ш барэ́ годя́са дорэсэ́ла пэ́скэ лачхо́ годыпэ́н (совето),

Ekliesiastos 10:12

Лава́ годэ́-манушэ́нгирэ уштэндыр исын бахталыпэ́н, нэ дылыниньконэскирэ ушта́ сы́рбы накхавэна лэс кокорэс.

Pritčy 14:23

Кажнонэ́ пхарэ́ бутя́тыр манушэ́скэ явэ́ла ко́фо (прибыль), нэ чхучэ́ (пустонэ) ракирибнастыр ману́ш явэ́ла чороро́.

Pritčy 14:8

Барэ́-годя́киро ману́ш джинэ́ла, со ёв кэрэ́ла акана́ и дурэды́р, нэ дылыно́ гаравэла пэ́скиро дылныпэ́н дро лэ́скири фрэнтыма, соб (кай) тэ хохавэ́л.

Pritčy 13:3

Кон пририкирэла пэ́скиро муй, одова́ ракхэ́ла пэ́скиро джиибэ́н, нэ кодова́, саво́ отпхандэла буґлэс пэ́скиро муй, одова́ хасёла.

Pritčy 12:13

Фуй ману́ш пэрэ́ла дрэ фэлы́ чорипнаса пэ́скирэ уштэндыр, нэ чачуно́ ману́ш джа́ла криг пхарипнастыр.

Pritčy 10:10

Ману́ш, саво́ марэла якхаса, ке́ли кэрэ́ла чорипэ́н, янэ́ла калыпэ́н, а пхутькирдо ману́ш пэрэ́ла.

Psalmy 119:34

Кэр, соб (кай) мэ тэ ґалёвав лэн и мэ ява́ва тэ рикиравпэ зоралэ́с кэ Тыро́ Зако́но и мэ ява́ва тэ приракхав лэс сарэ́ мирэ́ илэ́са.

Pritčy 9:8

На сыка́в банг кодолэ́скэ, саво́ сыкавэ́ла напатыв кэ яви́р мануша́, соб (кай) ёв тэ на бидыкхэл тут: сыка́в банг годэ́ манушэ́скэ и ёв явэ́ла тэ сыкавэ́л паты́в ту́кэ.

Pritčy 10:14

Годэ́ мануша́ скэдэ́на (зракхэна) джиныбэ́н, нэ дылыно́ ракирэ́ла кэ хасибэ́н.