Pritčy 10:7 - Библия - Пэ Балтитко Романи чиб (Романэс) 2019

⁷ Бахтало́ исын рипирибэ́н пал чачунэ́ манушэ́стэ, нэ чорэ́-манушэ́нгиро лав кирнёла.

Biblija - Pe Baltitko Romani čib (Romanes) 2019

⁷ Bahtaló isyn ripiribén pal čačuné manušéste, ne čoré-manušéngiro lav kirnjola.

Pritčy 10:7 Referans Kwoze

Psalmy 112:6

Пал-дова́ со ёв на пэрэ́ла, чачипнаскирэ манушэ́с явэ́на ўса́ды (сак) тэ рипирэ́н.

Luka 1:48

Со Ёв подыкхця́ ласкаса пэ Пэ́скирэ писхарицатэ, сави́ исын кандуны, пал-дова́ со далэ́ дывэсэ́стыр сарэ́ ро́ды явэ́на тэ кхарэ́н Ман “бахтякирды”;

Marko 14:9

Чачэс, Мэ ракира́ва тумэ́нгэ: кай бы тэ на явэ́л тэ пхэнэлпэ лав далэ́ Евангелиятыр пир саро́ свэ́то, дро рипирибэ́н пал адалятэ джувля́тэ явэ́на тэ ракирэ́н пал дова́, со ёй кэрдя́.”

Psalmy 109:13

мэк лэ́скири сэмэ́нца тэ хасёл, мэк тэ на явэ́н лэ́нгирэ вурмы (фамилии) машки́р яви́р ро́до.

2 Паралипоменоно 24:16

И гарадэ́ лэс дро Давидо́скиро фо́ро, пал-дова́ со ёв кэрдя́ лачхипэ́н дрэ Израилё и ваш Дэвлэ́скэ, и ваш Лэ́скиро кхэр.

Psalmy 109:15

Мэк Рай Дэвэ́л тэ рипирэл лэ́нгирэ грэ́хи, соб (кай) Ёв тэ хасякирэ́л рипирибэ́н пал лэ́ндэ пэ пхув:

Ióvo 18:17

Рипирибэ́н пал лэ́стэ хасёла пэ пхув, и лэ́скиро лав бистрэна пэ вули́цы (пэ га́сы).

4 Kralip 19:34

Мэ ява́ва тэ ракхав дава́ фо́ро, соб (кай) тэ зракхэс лэс ваш Пэ́скэ и ваш Давидо́скэ, Мирэ́ писхари́скэ.’”

3 Kralip 11:36

А чхавэ́скэ лэскирэскэ екх ро́дыцо, соб (кай) тэ ячэ́лпэ момолы́тко (свети́льнико) Давидо́скиро, Мирэ́ писхарискирэ, дро саро́ джиибэ́н анги́л Ма́ндэ, дро фо́ро Ерусалимо, саво́ Мэ выкэдыём Пэ́скэ, соб (кай) тэ явэ́л одо́й лав Миро.

Ekliesiastos 8:10

И мэ адя́кэ-паць дыкхцём, сыр гаравэнас фуе́ манушэ́н, савэ́ явэ́нас и джа́нас криг адя́кэ, сы́рбы ёнэ кэрэ́нас пир чачипэ́н, и, ке́ли мануша́ уджанас свэнтонэ́ штэто́стыр и, тэды ёнэ бистрэнас пал лэ́ндэ дро фо́ро, кай ёнэ кэрдэ́ биба́хт. Дава́ адя́кэ-паць исын харныпэ́н.

Ióvo 27:23

Мануша́ явэ́на тэ марэ́н дрэ васта́ пэ лэ́стэ холямэ́ радыма́тыр, и ёнэ дэ́на шоля пэ лэ́стэ криг лэ́скирэ кхэрэ́стыр.”

Ереме́ё 17:13

Раё Дэ́вла! Ту́тыр ужакирэ́ла лачхипэ́н Израилё! Сарэ́, кон мэкнэ́ Ту́тыр, явэ́на ладжакирдэ́. Сарэ́, кон дуринэ (отгинэ́) Ту́тыр, явэ́на чхиндлэ́ пэ пхув. Пал-дова́ со ёнэ ячкирдэ́ Рас-Дэвлэ́с, Саво́ исын джидэ́-пане́скири ґаны́нг.

2 Паралипоменоно 32:33

И пасия́ пэ ве́ко Езэки́я пэ́скирэ дадэ́нца, и гарадэ́ лэс упрэ́ пэ Давидо́скирэ-чхавэ́нгирэ коплицы; и паты́в дынэ́ лэ́скэ, пало́ (после) лэ́скиро мэрибэ́н, сарэ́ Юдэя́кирэ и Ерусалимо́скирэ мануша́. И яця́ крали́са Мана́сия, лэ́скиро чхаво́, пэ штэ́то лэ́скиро.

Ióvo 24:20

Дакири лочови́ (утроба) бистрэла лэс, кирмо явэ́ла тэ чарадёл лэ́стыр: лэс буты́р на явэ́на тэ рипирэ́н мануша́, и фуй ману́ш пхадёла сыр кашт.

Psalmy 34:16

Ра́скирэ-Дэвлэ́скирэ якха́ дыкхэ́на пал чачипнаскирэ манушэ́ндэ, и лэ́скиро кан исын отпхандло, сыр ёнэ дэ́на го́дла кэ Ёв.

Pritčy 22:1

Лачхо́ лав исын дрогэдыр (кучэдыр) барэ́ барвалыпнастыр, и лачхи́ мавлы́н (малва) исын кучэдыр рупэ́стыр и сувнака́стыр.

Isajos 14:22

“Ѓаздавапэ Мэ пэ лэ́ндэ, – пхэнэ́ла Рай Дэвэ́л, болыбна́скирэ-янголэ́нгиро, – Мэ хасякира́ва, Вавилоно́скиро лав, и саро́ ячаибэ́н, и чхавэ́с и лэ́скирэ ўнукос,” – ракирэ́ла Рай Дэвэ́л.

Psalmy 34:17

Рай Дэвэ́л отрискирэла Пэ́скиро муй одолэ́ндыр, кон кэрэ́ла чорипэ́н, соб (кай) тэ отчингирэлпэ рипирибэ́н пал лэ́ндэ пхувья́тыр.

Psalmy 41:5

Мэ пхэндём: “О, Раё Дэ́вла, яв тангипнаскиро (жалибнытко) кэ мэ, састякир миро ди, пал-дова́ со мэ кэрдём грэ́хо анги́л ту́тэ”.