Pritčy 10:4 - Библия - Пэ Балтитко Романи чиб (Романэс) 2019

⁴ Одова́ ману́ш, савэ́стэ исын кирначо (лениво) васт, явэ́ла чороро́, нэ добусово (старательно) васт барвалякирэла манушэ́с.

Biblija - Pe Baltitko Romani čib (Romanes) 2019

⁴ Odová manúš, savéste isyn kirnačo (lienivo) vast, javéla čororó, ne dobusovo (staratiel'no) vast barvaliakirela manušés.

Pritčy 10:4 Referans Kwoze

Pritčy 21:5

Добусово ману́ш придуминэла дова́, со дэ́ла прибарипэн, нэ кодова́, саво́ кэрэ́ла сыгнымаса, явэ́ла дрэ урежа (убытко).

Pritčy 20:4

Кирнэ-масэ́нгиро ману́ш на пхаравэла (на пашынэла) пхув иванта(тэс)киро (зимакиро), ёв явэ́ла тэ мангэ́л, ке́ли явэ́ла счхиныбэн и нанэ нисо́ лэ́стэ.

Pritčy 19:15

Набутякирибэн (кирнэ-масэнгирипэн) лыджа́ла манушэ́с дро хор соибэн, и биталанытко ману́ш явэ́ла тэ страдынэл бокха́тыр.

Pritčy 13:4

Кирнэ-масэ́нгиро ману́ш тырдэлапэ тэ хал, нэ нисо́ на дорэсэ́ла, нэ добусовэнгиро (старательно) ди явэ́ла барвало́.

1 Коринфянэнгэ 15:58

Адя́кэ, мирэ́ дро́га пшала́лэ, явэ́н зоралэ́ дро ду́хо (фа́но) тумаро́, на кунинэнпэ, усады (сак) (всегда) кэрэ́н миштэ́с Ра́скирэ Дэвлэ́скири буты́, пал-дова́ со тумэ́ джинэ́на, со тумари́ буты́ на ивья́ (напра́снэс).

Pritčy 20:13

На кам тэ совэс, соб (кай) тэ на явэс чороро́: откэр пэ́скирэ якха́ и ту явэ́са чало марэ́са.

Pritčy 19:24

Набутитко (кирнэ-масэ́нгиро) ману́ш чхувэ́ла тэлэ́ пэ́скиро васт дро чаро́, и ёв аж на ґаздэ́ла васт палэ дро пэ́скиро муй.

Pritčy 12:24

Добусово васт явэ́ла тэ хулаинэ́л, нэ набутитко васт зачхувэна кэ буты́ зорья́са.

Pritčy 11:24

Екх ману́ш дэ́ла древа́н бут, нэ и лэ́скэ прибарьякирэлапэ буты́р, нэ яви́р древа́н пририкирэла пэ́скэ, и ёв ячэ́ла чорорэдыр.

Joannostir 6:27

На кэрэ́н буты́ пал хабэ́н, саво́ пэ екх мо́ло, а родэ́н дова́ хабэ́н, саво́ явэ́ла дрэ ве́чно джиибэ́н; дава́ хабэ́н камэ́ла Манушэ́скиро Чхаво́ тэ дэл тумэ́нгэ, – пал-дова́ со пэ Лэ́стэ чхудя́ Дэвэ́л Дад Пэ́скири чэргэнори́, со Ёв бахтякирэ́ла дава́.”

Ekliesiastos 10:18

Пал древа́н кирнэ-масэнгирэ васта́ кхэрэ́скиро каркасо пэрэ́ла, и пир чучэ васта́ кхэр тхадэ́ла.

Pritčy 10:5

Кон укэдэла лынаскиро, исын годо́ чхаво́, нэ кодова́ ману́ш, саво́ исын суто́, ке́ли укэдэна убияндыпэн, исын балвалитко чхаво́.

Pritčy 12:27

Набутитко ману́ш на пэкэла мас, со ёв дорэсця́ пэ старибэн (охота), нэ добусово ману́ш барьякирэ́ла миштыпэ́н.

Pritčy 18:9

Кон исын набутитко пэ пэ́скири буты́, кодова́ исын пшал кодолэ́скэ, саво́ исын хасякирибнаскиро.

Džiibén 26:32

Дро дова́-паць дывэ́с явнэ́ Исаакоскирэ писха́рья, и роспхэндлэ́ лэ́скэ пал ґаны́нг, сави́ ёнэ ґанадэ, и пхэндлэ́ лэ́скэ: “Амэ латхям пани́.”