Pritčy 10:30 - Библия - Пэ Балтитко Романи чиб (Романэс) 2019

³⁰ Чачунэ́ мануша́ ние́кхвар на кунинэнапэ, нэ фуй мануша́ на явэ́на тэ дживэ́н дурэды́р пэ пхув.

Biblija - Pe Baltitko Romani čib (Romanes) 2019

³⁰ Čačuné manušá nijékhvar na kuninenape, ne fuj manušá na javéna te dživén duredýr pe phuv.

Pritčy 10:30 Referans Kwoze

Psalmy 37:22

Пал-дова́, со одолэ́, савэ́н Дэвэ́л бахтякирдя́, лэ́на пхув сыр мэкно́ миштыпэ́н, а одолэ́, савэ́н Дэвэ́л прокосця, явэ́на вычхурдынэ тэ хасён.

Psalmy 125:1

Гилы́ анги́л Кхангири́. Кодолэ́, савэ́ патя́на зоралэ́с дрэ Растэ-Дэвлэ́стэ, исын сы́рбы бэ́рга Сио́но, Саво́ на джа́ла криг штэто́стыр, а ячэ́лапэ пэ сарэ́ ве́ки.

Pritčy 10:25

Рискирибнаскири балва́л (вихро) проджа́ла и фуй мануша́ буты́р на явэ́на, нэ чачуно́ ману́ш исын пэ ве́чно фунда́менто.

Psalmy 16:8

Мэ кажно мо́ло рипирава, со Ту сан на́дур; пал-дова́ со Ту сан чачэ́ рига́тыр, мэ на ява́ва би радымакиро.

Матфеё 21:41

Ракирэ́на Лэ́скэ: “Ёв домарэла холямэс адалэн злыднитконэ манушэ́н и винагра́днико здэла явирэ винаградарьенгэ, савэ́ явэ́на тэ отдэ́н лэ́скэ барьякирдэ́ (пло́ды) дро аплодоскиро часо.”

Psalmy 112:6

Пал-дова́ со ёв на пэрэ́ла, чачипнаскирэ манушэ́с явэ́на ўса́ды (сак) тэ рипирэ́н.

Psalmy 52:5

Ту́кэ исын пир ило́ фуипэ́н буты́р лачхипнастыр, ту буты́р хохавэса, сыр ракирэ́са чачипныткэс. Сэ́ла.

Ióvo 17:9

Нэ чачуно́ явэ́ла тэ рикирэлпэ кэ пэ́скиро дром, и конэ́стэ исын жужэ́ васта́, одова́ ману́ш явэ́ла зоралэды́р дро пэ́скиро ду́хо.

Psalmy 15:5

Кон дэ́ла ловэ́ дро вужлыпэ́н би кофоскиро, кон на лэ́ла мыто (взятка) тэ ракирэ́л проти кодолэстэ, кон исын набанго. Кон кэрэ́ла адя́кэ, одова́ ману́ш ние́кхвар на змарэлапэ пэ́скирэ дромэ́стыр.