Pritčy 10:25 - Библия - Пэ Балтитко Романи чиб (Романэс) 2019

²⁵ Рискирибнаскири балва́л (вихро) проджа́ла и фуй мануша́ буты́р на явэ́на, нэ чачуно́ ману́ш исын пэ ве́чно фунда́менто.

Biblija - Pe Baltitko Romani čib (Romanes) 2019

²⁵ Riskiribnaskiri balvál (vihro) prodžála i fuj manušá butýr na javéna, ne čačunó manúš isyn pe viéčno fundámiento.

Pritčy 10:25 Referans Kwoze

Psalmy 15:5

Кон дэ́ла ловэ́ дро вужлыпэ́н би кофоскиро, кон на лэ́ла мыто (взятка) тэ ракирэ́л проти кодолэстэ, кон исын набанго. Кон кэрэ́ла адя́кэ, одова́ ману́ш ние́кхвар на змарэлапэ пэ́скирэ дромэ́стыр.

Psalmy 58:9

Мэк ёнэ тэ явэ́н сы́рбы слимаки (улитки), со розбиладёна дрэ пэ́скири сьлизь, мэк ёнэ тэ явэ́н сы́рбы счхурдыно бия́то джувля́тэ, саво́ на удыкхэ́ла кхам.

Pritčy 12:3

Ману́ш нанэ тэрдо́ зоралэ́с фуипнастыр, нэ рукх (корнё) чачунэ́-манушэ́нгиро на кхарэ́лапэ (на пиричхувэлапэ) криг.

2 Ximaske 2:19

Нэ усае́кх зорало́ чачыпнаскиро фунда́менто, со Дэвэ́л чхудя́ анги́л, исын тэрдо́, пэ лэ́стэ исын чхуды́ чэргэнори́ чхиндлэ́ лавэ́нца: “Рай Дэвэ́л джинэ́ла Пэскирэн манушэ́н, кажно, кон рипирэла Ра́скирэ-Дэвлэ́скиро лав, мэк тэ дурьёл начачипнастыр.”

1 Ximaske 6:19

скэдыи пэ́скэ кучипэ́н; дава́ исын лачхо́ фунда́менто и тэ скэдэ́н ваш часо, со явэ́ла ваш дова́, соб (кай) лэ́ндэ тэ явэ́л ве́чно джиибэ́н.

Эфесянэнгэ 2:20

савэ́н чхудэ́ пэ Апостолэнгиро и пророкэнгиро сыклякирибэ́н, и савэ́ндэ Кокоро́ Ису́со Христо́со исын вэнглытко бар ваш дава́ фунда́менто,

Матфеё 16:18

И Мэ пхэна́ва ту́кэ: Ту сан Пэ́три, пэ дава́ бар Мэ кэра́ва Кхангири́ Мири́, и люноскири зор (мэрибэ́н) на лэ́ла упралыпэ́н пэ ла́тэ.

Isajos 40:24

Акэ, ёнэ наґара чхудэ́, наґара барьякирдэ́, наґара дрэ пхув придживдэпэ, нэ сыр Ёв пхурдыя пэ лэ́ндэ, и ёнэ вышутинэ, и балва́л лыджия́ лэн криг, сыр пхус.

Pritčy 12:7

Фуе манушэ́н равэна тэлэ́ и ёнэ нанэ буты́р, нэ кхэр чачунэ́-манушэ́нгиро явэ́ла тэ тэрдёл.

Pritčy 1:27

Ке́ли трашаибэ́н пэрэ́ла пэ тумэ́ндэ сыр сы́гно хасякирибэн и тумаро́ хасибэ́н явэ́ла сыр вихро, ке́ли бари дар и би́да пэрэ́на пэ тумэ́ндэ,

Ióvo 21:18

Ци со, хай, балва́л роспхурдэла криг лэн сыр пхув, и со, хай, бари балва́л ухтылэ́ла криг лэн сы́рбы чхучо́ пхус?

Pritčy 10:30

Чачунэ́ мануша́ ние́кхвар на кунинэнапэ, нэ фуй мануша́ на явэ́на тэ дживэ́н дурэды́р пэ пхув.

Ióvo 17:9

Нэ чачуно́ явэ́ла тэ рикирэлпэ кэ пэ́скиро дром, и конэ́стэ исын жужэ́ васта́, одова́ ману́ш явэ́ла зоралэды́р дро пэ́скиро ду́хо.

Ióvo 20:8

Ёв вурняла криг сыр годэнгиро суно́, и лэс на латхэ́на; и ёв вари-кай хасёла, сы́рбы зданки раты́.

Psalmy 58:10

Анги́л дова́, сыр кэ пирья доджа́ла кодри́лё ци тэ явэ́л ёв зэлэно, ци шуко тэ хачол, Дэвэ́л укэдэла лэн криг рискирдонэ балваляса (вихроса).

Psalmy 125:1

Гилы́ анги́л Кхангири́. Кодолэ́, савэ́ патя́на зоралэ́с дрэ Растэ-Дэвлэ́стэ, исын сы́рбы бэ́рга Сио́но, Саво́ на джа́ла криг штэто́стыр, а ячэ́лапэ пэ сарэ́ ве́ки.