Pritčy 10:14 - Библия - Пэ Балтитко Романи чиб (Романэс) 2019

¹⁴ Годэ́ мануша́ скэдэ́на (зракхэна) джиныбэ́н, нэ дылыно́ ракирэ́ла кэ хасибэ́н.

Biblija - Pe Baltitko Romani čib (Romanes) 2019

¹⁴ Godé manušá skedéna (zrakhena) džinybén, ne dylynó rakiréla ke xasibén.

Pritčy 10:14 Referans Kwoze

Pritčy 18:7

Дылынэскири чиб исын хасибэ́н ваш лэ́скэ, и лэ́скирэ ушта́ исын сы́рбы фэлы́ ваш лэ́скиро ди.

Pritčy 10:8

Годэ́ мануша́ прилэ́на кэ годы́ припхэныбэна́, нэ набарэ́-годя́киро ману́ш пэрэ́ла.

Pritčy 13:3

Кон пририкирэла пэ́скиро муй, одова́ ракхэ́ла пэ́скиро джиибэ́н, нэ кодова́, саво́ отпхандэла буґлэс пэ́скиро муй, одова́ хасёла.

Pritčy 10:10

Ману́ш, саво́ марэла якхаса, ке́ли кэрэ́ла чорипэ́н, янэ́ла калыпэ́н, а пхутькирдо ману́ш пэрэ́ла.

Pritčy 9:9

Подсыклякир годэ́ манушэ́с, и ёв явэ́ла годэдыр, сыкля́кир чачунэ́ (вортэ) манушэ́с и лэ́стэ явэ́ла бутэды́р джиныбэ́н.

Матфеё 13:52

и Ёв пхэндя́ лэ́нгэ: “Палдава́ кажно лылвари́тко (кни́жнико), саво́ сыклыя пал Кралипэ́н дро Дэвлэ́скиро Раё, исын сы́рбы ману́ш, саво́ исын кхэрэ́скиро хула́й, кон лыджа́ла яври́ пэ́скирэ кучипнаскирэ пиралятыр саро́ нэво́ и пхурано́.”

Матфеё 13:44

Кралипэ́н дро Болыбна́скиро Раё исын сы́рбы дро́гима дро кучипэ́н, со исын гарады пэ фэ́лда, саво́ ману́ш, сыр латхя́, гарадя, и радыма́тыр джа́ла и саро́ бикнэла, со лэ́стэ исын, и кинэла кодоя фэ́лда.

Матфеё 12:35

Лачхо́ ману́ш лыджа́ла пэ́скэ лачхипэ́н лачхэ́ пиралятыр; чоро ману́ш лыджа́ла чорэ́ пиралятыр чорипэ́н.

Pritčy 21:23

Кон приракхэла пэ́скиро муй и чиб, одова́ ману́ш ракхэ́ла пэ́скиро джиибэ́н пхарипнастыр.

Pritčy 19:8

Кон сыклёла тэ явэ́л годэдыр, одова́ пэкэлапэ (заботисола) пал пэ́скиро ди; кон ячэ́лапэ годьваро́, одова́ латхэ́ла лачхипэ́н.

Pritčy 18:15

Барэ́-годя́киро ило́ дорэсэ́ла джиныбэ́н, и годэ́-манушэ́скиро кан родэ́ла джиныбэ́н.

Pritčy 18:1

Ману́ш, саво́ дурьёла явирэндыр, родэ́ла дова́, со ёв екх кокоро́ древа́н трэбинэла, ёв исын сцял (проти) саро́ годо́ чачипэ́н.

Pritčy 1:5

Кон исын годо́ (годьваро́) ману́ш, явэ́ла тэ шунэ́л и тэ сыклёл буты́р; ману́ш барэ́ годя́са дорэсэ́ла пэ́скэ лачхо́ годыпэ́н (совето),

Pritčy 12:23

Барэ́-годя́киро ману́ш гаравэла джиныбэ́н, нэ дылыно́ роспхэнэ́ла анги́л сарэ́ндэ дылныпэ́н.

Ekliesiastos 10:12

Лава́ годэ́-манушэ́нгирэ уштэндыр исын бахталыпэ́н, нэ дылыниньконэскирэ ушта́ сы́рбы накхавэна лэс кокорэс.

Pritčy 17:20

Хоханэ́-илэ́скиро ману́ш на латхэ́ла лачхипэ́н; пэ манушэ́стэ, савэ́стэ исын мижэх чиб, пэрэ́ла биба́хт.