Pritčy 10:13 - Библия - Пэ Балтитко Романи чиб (Романэс) 2019

¹³ Годыпэ́н джа́ла годыпнаскирэ манушэ́стыр, а ран кэдэлапэ тэ марэл пир думо кодолэ́скэ, саво́ на ґалёла годыпэ́н.

Biblija - Pe Baltitko Romani čib (Romanes) 2019

¹³ Godypén džála godypnaskire manušéstyr, a ran kedelape te marel pir dumo kodoléske, savó na ĥaljola godypén.

Pritčy 10:13 Referans Kwoze

Pritčy 26:3

Чхупны трэй грэскэ, а швар (узда) трэй ослоскэ, и ран (рандь) трэй ваш дылынэскиро думо.

Pritčy 6:32

Кодолэстэ, кон кэрэ́ла биладжаипэ́н явирэ джувля́са, исын на́бут годы́. Ко́ли ману́ш кэрэ́ла дава́, ёв сы́рбы хасякирэ́ла кокоро́ пэс.

Isajos 50:4

Рай Дэвэ́л дыя́ ма́нгэ чиб годьварэ́ манушэ́ндыр, соб (кай) Мэ лавэ́са тэ подрикирав кодолэ́с, кон буты́р на вырикирэ́ла; тася́рлэс (ра́нэс) Ёв джингавэла Ман, джингавэла кан Миро, соб (кай) Мэ тэ шунав, сыр сыкляибны́тко.

Pritčy 27:22

Мэк ту тэ тоўчынэс (тэ курэс) дылынэс дрэ ступа тоўкачоса, нэ усае́кх лэ́скиро дылныпэ́н на дурьёла лэ́стыр,

Pritčy 20:15

Исын сувнака́й, и бут куч бара́, нэ най дрогэдыр кучипэ́н исын годьварэ́ ушта́.

Pritčy 19:29

Пэ одолэ́ндэ, савэ́ исын бипатывакирэ кэ яви́р мануша́, исын сэ́ндо, и пэ дылынэскирэ маса́ пэкаибэна (васт тэ марэл).

Pritčy 17:10

Фэды́р исын хор тэ бангякирэн годэ́ манушэ́с, сыр шэл мо́лы тэ пэкавэс дылынэс.

Pritčy 15:23

Ману́ш радынэ́лапэ пэ́скирэ лачхэ́ отпхэныбнастыр, лачхо́ лав ракирлапэ, ке́ли ёв трэй.

Pritčy 15:7

Годэ́-манушэ́нгирэ ушта́ дэ́на джиныбэ́н, нэ дылыниньконэ-манушэ́нгиро ило́ на кэрэ́ла адя́кэ.

Pritčy 10:31

Чачунэ́ мануша́ ракирэ́на годэ́ лава́, нэ хоханы чиб чингирэна криг.

Pritčy 10:21

Чачунэ́-манушэ́скирэ ушта́ дэ́на годы́ бутэ́ манушэ́нгэ, нэ дылынинька мэрэ́на пир дова́, со лэ́нгэ на ухты́лла (на́доси) годыпэ́н.

Psalmy 32:9

На яв сыр грай, ци сыр лошако, со лэ́ндэ нанэ “галыибэн, со лэн трэй тэ дэн андрэ́ цугле́нца и савари́са, соб (кай) ёнэ тэ подэнпэ Ту́кэ.

Luka 4:22

И ёнэ сарэ́ прилынэ́ дава́ Лэ́стыр и дивиндэпэ пэ бахталыпэ́н лавэ́ндыр, савэ́ Ису́со ракирдя́ и ёнэ ракирдэ́: “Ци на Ёв исын Ёзаскиро Чхаво́?”

Pritčy 7:22

Екха́тыр (сра́зу) ёв гия́ пал ла́тэ, сыр гурув, саво́ джа́ла пэ пэ́скиро чхиныбэ́н, ци сыр дылыно́, соб (кай) лэс пхарэ́с тэ сыклякирэ́н пэ заньдир [ці сыр аленё, соб (кай) тэ дэн карье лэс-р.с.];

Vygiiben 10:12

Тэды Рай Дэвэ́л пхэндя́ Мойза́скэ: “Ѓаздэ тыро́ васт пэ Египто́скири пхув, мэк тэ пэрэ́н пхакитка скочки (саранча) пэ Египто́скири пхув, и мэк тэ выхал сари́ пхувья́кири чар и саро́, со яця́пэ градостыр.”

Psalmy 37:30

Годьварэ́-манушэ́скиро муй ракирэ́ла годыпэ́н и лэ́скири чиб ракирэ́ла чачипэ́н,

Pritčy 16:21

Конэ́стэ исын годо́ ило́, кодова́ кхарэ́лапэ барэ́-годя́киро, гудлэ́ ушта́ барьякирэна сыклякирибэ́н.