Pritčy 10:1 - Библия - Пэ Балтитко Романи чиб (Романэс) 2019

¹ Соломоно́скирэ притчы. Годо́ чхаво́ радынэла пэ́скирэ дадэ́с, нэ дылыниньконэ чхавэстыр калёла ило́ лэ́скирэ датэ.

Biblija - Pe Baltitko Romani čib (Romanes) 2019

¹ Solomonóskire pritčy. Godó čhavó radynela péskire dadés, ne dylynin'kone čhavestyr kaljola iló léskire date.

Pritčy 10:1 Referans Kwoze

Pritčy 1:1

Соломоно́скирэ притчы, Давидо́скирэ чхавэ́скирэ, Израилёскирэ-крали́скирэ тумэ́нгэ,

Pritčy 29:3

Конэ́скэ трэй годыпэ́н, кодолэскиро дад, радынэ́лапэ, нэ кон исын дро́го мал налачхэ́ джувленгэ, кодова́ нашавэла пэ́скиро миштыпэ́н.

Pritčy 17:25

Дылынэ́ чхавэстыр калёла ило́ дадэ́стэ, киркипэн одолэ́ джувля́кэ, сави́ бияндя́ лэс.

Pritčy 29:15

Ко́ли чхаворэс сыклякирэ́на пхарэ́с и раняса (розгаса), тэды ёв ячэ́лапэ годэдыр. Нэ ко́ли чхаворо́ мэкно́ кокоро́ пэ́скэ, то ёв ладжакирэла пэ́скирэ да.

Pritčy 15:20

Годо́ чхаво́ радынэла пэ́скирэ дадэ́с, нэ дылынинько ману́ш дыкхэ́ла вучипна́стыр пэ пэ́скирэ датэ.

Pritčy 17:21

Конэ́стэ латхэлапэ чхаво́, саво́ исын би патывакиро кэ яви́р мануша́, одолэ́скэ манушэ́скэ явэ́ла калыпэ́н. Дад, конэ́стэ исын дылынинько чхаво́, на радынэ́лапэ.

Pritčy 19:13

Дылыно́ чхаво́ кэрэ́ла бари би́да дадэ́скэ; ромны́, сави́ чингардэлапэ, исын сы́рбы пани́, со пэрэ́ла и ўса́ды (сак) чхинэла дрэ кана́.

Ekliesiastos 12:9

И кэ дова́, со Сыклякирибна́скиро пал Дэвлэ́стэ сыс годо́, ёв усае́кх сыклякирдя́ манушэ́н джиныбнаскэ, и ёв роздыкхэлас кучэс, и родыя, и ёв чхувэлас екх пал екх сыр трэй притчы.

Ekliesiastos 2:19

И кон джинэ́ла, ци ёв явэ́ла годо́ ци дылынинько? Нэ ёв жа явэ́ла тэ хулаинэ́л пэ мири́ сари́ пхари́ буты́, со мэ кэрдём буты́ пхарэ́с, и дро со мэ сыкадём пэ́скиро годыпэ́н тэл кхам. Дава́ исын адя́кэ-паць харныпэ́н.

Pritčy 25:1

Адалэ́ исын адя́кэ-паць Соломоно́скирэ притчы, савэ́ зачхиндлэ́ Езэкияскирэ мануша́. Езэки́я сыс кра́ли пир Юдэ́я.

3 Kralip 4:32

И роспхэндя́ ёв трин тысёнцы притчы (масала), и гиля́ лэ́скирэ сыс тысёнцо и пандж.

Pritčy 13:1

Годо́ чхаво́ шунэ́ла, сыр дад сыклякирэ́ла лэс чачипнаскэ, нэ кон исын напатывакиро кэ яви́р, ёв на шунэ́ла, сыр сыкавэ́на банг лэ́скэ.

Pritčy 27:11

Мро чха́ва! Яв годо́ и радын миро ило́, соб (кай) ма́нгэ сашты́ тэ явэ́л тэ отпхэнав кодолэ́скэ, саво́ обракирэла ман.

Pritčy 29:17

Сыкля́кир кэ дукха́ чхавэ́с, и ёв дэ́ла ту́кэ откхиныбэн, и ёв обрадынэла тыро́ ди.