Pritčy 1:9 - Библия - Пэ Балтитко Романи чиб (Романэс) 2019

⁹ пал-дова́ со ёнэ явэ́на сы́рбы бахталыпнаскири вя́нка пэ тыро́ шэро́ и сы́рбы мирикля трусця́л тыри́ мэн.

Biblija - Pe Baltitko Romani čib (Romanes) 2019

⁹ pal-dová so jone javéna sýrby bahtalypnaskiri viánka pe tyró šeró i sýrby miriklia trusciál tyrí men.

Pritčy 1:9 Referans Kwoze

Дание́лё 5:29

Тэ́ньци пиро́ припхэныбэ́н Валтасароскиро уридэ́ Даниелёс дро лоло́ пхар и чхудэ́ сувнакуны́ зандир (цепь) пэ лэ́скири мэн, и кхардэ́ анги́л сарэ́ндэ лэс тритонэ барыдырэ́са пир кралипэ́н.

Pritčy 4:9

Годыпэ́н чхувэ́ла пэ тыро́ шэро́ бахталыпнаскири шука́р вя́нка, янэ́ла патывакири коро́на ту́кэ.”

Pritčy 3:22

и ёнэ дэ́на джиибэ́н ту́кэ, и ёнэ явэ́на тэ гожакирэн тыри́ мэн.

Džiibén 41:42

И злыя́ фарао́но пэ́скирэ вастэ́стыр ангрусты чэргэнорьяса (печатка), и уридя ла пэ Ёзаскиро васт; уридя лэс дрэ висонытко и́дя, чхудя́ лэ́скэ пэ мэн сувнакуны́ зандирори (цэпочка);

Езэкилё 16:11

И ишчо (инкэ́) уридём Мэ тут дро урибэна́ шукарьякирибнаса, чхудём пэ тырэ́ васта́ корэ (вастытка), а пэ тыри́ мэн-мирикля [зандирори-ю.о.].

Isajos 3:19

Чэня, мирикля, шэритка дыкхлорэ, вастытка, кустыка, душлорья (штэклыцы) кучонэ́ макхибнаса, чораханэ припхандыбэна.

Гиленгири (Соломоно́скири) Гилы́ 1:10

Тырэ́ чхама (шчоки) исын гожэдыр мириклендыр, Тыри́ мэн исын ґожакирды сувнакунэ́ зандирорьенца.

Дание́лё 5:16

И мэ шундём пал ту́тэ, со ту могинэ́са тэ пирипхэнэс зна́чыма и тэ роскхувэс вэнзлы; адя́кэ, ке́ли ту дэ́са ра́да тэ прогинэс дава́ чхиндло́ и тэ ґалёс ваш ма́нгэ лэ́скири зна́чыма, то ту явэ́са уридо́ дро лоло́ пхар, и сувнакуны́ зандир (цэпка) явэ́ла пэ мэн ту́тэ, тритонэ барыдырэ́са явэ́са дро кралипэ́н.”

Дание́лё 5:7

Зоралэ́с задыя годлы о кра́ли, соб (кай) тэ янэ́н калэ́-магитконэн, э Халдеен, и э драбакирибнаскирэн пэ планеты. О кра́ли лыя́ тэ ракирэ́л, и пхэндя́ годыпнаскирэнгэ дро Вавило́но: “Кон гинэ́ла, со дава́ чхиндло́ исын и пирипхэнэла ма́нгэ, кодова́ явэ́ла уридо́ дро лоло́ пхар, и сувнакуны́ зандир (цэпка) явэ́ла пэ лэ́скири мэн, и тритонэса барыдырэ́са явэ́ла ёв пэ лыджино тхэм дро кралипэ́н.”

Гиленгири (Соломоно́скири) Гилы́ 4:9

Ту задивакирдян миро ило́, мири́ пхэн, мири́ тэрны́; ту задивакирдян миро ило́ дыкхибнаса тырэ́ якхэ́ндыр, екхэ зандирорьяса тырэ́ мириклендыр.

Psalmy 73:6

палдава́ пхутькирибэ́н пэ лэ́нгирэ муя́ исын сыр мирикля (бусы) трусця́л мэн, ёнэ сы́рбы уридэпэ дрэ нахратыма, сыр дрэ и́ди;

Pritčy 3:3

Мэк тэ на мэкэ́н тут лачхэ́-илы́ткима и чачипэ́н; пхандэ лэн трусця́л мэн, зачхин лэн пэ тыро́ ило́ сы́рбы пэ таблицы тырэ́ илэ́скирэ;

Ереме́ё 35:8

Адя́кэ амэ кандыям зан Ионадавоскири (чхавэскири Рэхавоскири), амарэ́-дадэ́скири дро саро́, со ёв припхэндя́ шылалэс (стрэнгэс) амэ́нгэ: тэ на пьяс мол дрэ амарэ́ сарэ́ дывэса́: – амэ, амарэ́ ромня́, амарэ́ чхавэ́ ци амарэ́ чхая́,