Pritčy 1:5 - Библия - Пэ Балтитко Романи чиб (Романэс) 2019

⁵ Кон исын годо́ (годьваро́) ману́ш, явэ́ла тэ шунэ́л и тэ сыклёл буты́р; ману́ш барэ́ годя́са дорэсэ́ла пэ́скэ лачхо́ годыпэ́н (совето),

Biblija - Pe Baltitko Romani čib (Romanes) 2019

⁵ Kon isyn godó (god'varó) manúš, javéla te šunél i te sykljol butýr; manúš baré godiása doreséla péske lačhó godypén (sovieto),

Pritčy 1:5 Referans Kwoze

Pritčy 12:1

Кон камэ́ла, соб (кай) лэс тэ сыклякирэ́н, одолэска трэй джиныбэ́н, а кон древа́н на камэ́ла, сыр сыкавэ́на лэ́скири банг, одова́ исын нагодо.

Pritčy 9:9

Подсыклякир годэ́ манушэ́с, и ёв явэ́ла годэдыр, сыкля́кир чачунэ́ (вортэ) манушэ́с и лэ́стэ явэ́ла бутэды́р джиныбэ́н.

1 Коринфянэнгэ 10:15

Мэ ракира́ва тумэ́нгэ, годьварэ́ манушэ́нгэ; тумэ́ ж кокорэ́ сэндинэ́н, палсо́ мэ адя́кэ ракира́ва.

Ióvo 34:16

Ко́ли тумэ́ сан годэ́, шунэ́н дава́; пришунэнпэ кэ мирэ́-лавэнгирэ заня́ (глося́):

Ióvo 34:10

Палдава́ шунэ́н миштэ́с ман, тумэ́, кон сан годэ́: нашты́ тэ явэ́л, соб (кай) Дэвэ́л тэ думинэл, тэ кэрэ́л фуипэ́н, и нашты́ тэ явэ́л чорипэ́н Сарэзорьякирэ Дэвлэ́стыр.

Ióvo 34:34

Годьварэ́, и годэ́ мануша́ пхэнэ́на ма́нгэ, савэ́ шунэ́на ман:

2 Паралипоменоно 25:16

Ке́ли ёв ракирдя́ лэ́скэ, о кра́ли отпхэндя́: “Нау́што крали́скирэ юнкароса (советникоса) чхудэ́ тут? Пирияч, соб (кай) тэ на мулякирэ́н тут.” И пирияця́ проро́ко, пхэни́: “Джинав, со скэдыяпэ Дэвэ́л тэ хасякирэ́л тут, пал-дова́ со ту кэрдя́н дава́ и на шунэса миро радиныбэн.”

Pritčy 14:6

Бипатывакиро ману́ш родэ́ла годыпэ́н, и на латхэ́ла нисо́, нэ джиныбэ́н локхэс дэ́лапэ кодолэ́скэ, саво́ исын годыпнаскиро (годьваро́).

Ekliesiastos 9:11

Мэ рисиём и дыкхцём, со кэрэ́лапэ тэл кхам: со призо выкхэлэла на одова́, кон исын най сыгэды́р, ци марибэ́н на одова́, кон исын най зоралэды́р, ци маро́ на одова́, кон исын най годэдыр, ци барвалыпэ́н на одова́, кон исын най годьварэдыр, ци ла́ска, на одова́, кон исын най фэдэды́р; нэ исын часо и ваканцыя (случаё) ваш кажнонэ́ манушэ́скэ.

Яви́р Зако́но 4:6

и, соб (кай) тумэ́ тэ ракхэ́н и тэ кэрэ́н пир лэ́ндэ: пал-дова́ со дрэ дава́ исын годыпэ́н тумаро́ и годы́ тумари́ анги́л якха́ манушэ́нгирэ, савэ́ шунэ́на пал сарэ́ далэ́ упхэныбэна́, и пхэнэ́на: ‘Екх адалэ́ барэ́ мануша́ исын мануша́ годэ́ и барэ́-годякирэ.’

Ióvo 34:2

“Шунэ́н мирэ́ лава́ тумэ́, кон сан годэ́; причхувэ́н кан кэ мэ, тумэ́, кон джинэ́ла бут.

Pritčy 8:33

шунэ́н, со мэ сыклякирава, и явэ́н годэ́ и на вычхурдэн илэ́стыр мирэ́ лава́.

Pritčy 9:8

На сыка́в банг кодолэ́скэ, саво́ сыкавэ́ла напатыв кэ яви́р мануша́, соб (кай) ёв тэ на бидыкхэл тут: сыка́в банг годэ́ манушэ́скэ и ёв явэ́ла тэ сыкавэ́л паты́в ту́кэ.

Pritčy 18:15

Барэ́-годя́киро ило́ дорэсэ́ла джиныбэ́н, и годэ́-манушэ́скиро кан родэ́ла джиныбэ́н.

Pritčy 19:25

Пэкав одолэ́с, кон сыкавэ́ла бипатыв кэ яви́р, и простонэ-годякирэ явэ́на годэдыр, выракир годьварэ́ манушэ́с и ёв явэ́ла тэ дживэ́л.

Pritčy 21:11

Ке́ли ману́ш, саво́ исын бипатывакиро кэ яви́р мануша́, сэндякирдо, тэды простонэ-годякирэ мануша́ ячэ́напэ годэдыр, и ке́ли сыклякирэ́на годэ́ манушэ́с, ёв кэдэла джиныбэ́н.