Pritčy 1:28 - Библия - Пэ Балтитко Романи чиб (Романэс) 2019

²⁸ то тэды тумэ́ кхарэ́на ман, нэ мэ на ява́ва тэ отпхэнав тумэ́нгэ, и тумэ́ явэ́на тэ родэ́н ман сарэ́ зорья́тыр, нэ тумэ́ на латхэ́на ман.

Biblija - Pe Baltitko Romani čib (Romanes) 2019

²⁸ to tedy tumé kharéna man, ne me na javáva te otphenav tuménge, i tumé javéna te rodén man saré zorjátyr, ne tumé na lathéna man.

Pritčy 1:28 Referans Kwoze

Mihiejo 3:4

Тэ́ньци ёнэ явэ́на тэ прикхарэн зоралэ́с Рас-Дэвлэ́с, нэ Ёв на отпхэнэ́ла лэ́нгэ [на явэ́ла тэ шунэ́л лэн-р.с.], и Ёв гаравэла пэ́скиро муй лэ́ндыр пэ дова́ часо, пал дова́, со ёнэ кэрдэ́ бибахталэ́ рэ́нды.

Jakov 4:3

Мангэна и на дорэсэ́на, пал-дова́ со тумэ́ мангэна на пэ лачхэ́ рэ́нды, нэ ваш дова́, соб (кай) тэ розмэкэн ваш пэ́скирэ маса́.

Заха́рия 7:13

И сыс: сыр Ёв обрисёлас, а ёнэ на шунэнас, адя́кэ и ёнэ обрисёнас, а Мэ на шунавас,” – ракирэ́ла янголэ́нгирэ-болыбна́скиро Рай-Дэвэ́л.

Ереме́ё 11:11

Палдава́ адя́кэ ракирэ́ла Рай Дэвэ́л: “Акэ, Мэ яна́ва бари би́да пэ лэ́ндэ, савья́тыр ёнэ на нашэ́на: и мэк ёнэ явэ́на тэ дэн го́дла кэ Мэ, Мэ на ява́ва тэ шунав лэн.

Isajos 1:15

И ко́ли тумэ́ протырдэна тумарэ́ васта́ тэ мангэ́нпэ, Мэ закэрава тумэ́ндыр Мирэ́ якха́; ко́ли тумэ́ мангэ́напэ, Мэ на шунава: тумарэ́ васта́ исын пхэрдэ́ дро рат.

Ióvo 27:9

Ци явэ́ла тэ шунэ́л Дэвэ́л лэ́скири го́дла, сыр бари дар пэрэ́ла пэ лэ́стэ?

Ереме́ё 14:12

Ке́ли ёнэ явэ́на тэ постынэн, Мэ на ява́ва тэ шунав лэ́нгири го́дла; и ке́ли ёнэ янэ́на цэ́ла хачкирибэна, и свэ́нта дыибэна́ гивэстыр, Мэ на прилава лэн: пал-дова́ со Мэ хасякира́ва лэн куртала́са, барэ́ бокхаса и франсэнца.”

Psalmy 18:41

И Ту порискирдян мэняса мирэ́ вэргэ́н тэ нашэ́н, соб (кай) мэ тэ хасякира́в одолэ́н, савэ́ бидыкхэна ман.

Езэкилё 8:18

Пал дова́ Мэ ява́ва тэ кэра́в холямипнаса: на потангинэла Мири́ якх, и на поковлёла Миро ило́. Мэк ёнэ тэ годлэн дрэ Мирэ́ кана́ зоралэ́ заня́са, нэ Мэ на шунава лэн.”

Ióvo 35:12

Ёнэ годлэна роибнаса, нэ Дэвэ́л на отпхэнэ́ла лэ́нгэ пир-дова́, со ёнэ исын бибахталэ́ и пхутькирдэ́.

1 Kralip 8:18

и загодлэна тэды тумэ́ тумарэ́ крали́стыр, савэ́с тумэ́ пэ́скэ выкэдынэ́; и на явэ́ла Рай Дэвэ́л тэ отпхэнэл тумэ́нгэ.”

Pritčy 8:17

Мэ кама́м тэ сыкавав паты́в одолэ́нгэ, савэ́ сыкавав паты́в ма́нгэ, и кодолэ́, кон добусовэс родэ́ла ман, ёнэ латхэ́на ман.

Džiibén 6:3

И пхэндя́ Рай Дэвэ́л: “На саро́ джиибэ́н ману́ш тэ на рискирэ́л годы́ пэ Миро Ду́хо (Фа́но) [на ўса́ды/на сак (всегда) Мирэ́ Духоскэ тэ дживэ́л дрэ манушэ́стэ-ю.о.]; пал-дова́ со ёнэ исын лоч (плоть); мэк тэ дживэ́н ёнэ шэл тэ биш бэрш.”

Osija 5:15

Мэ джа́ва криг, Мэ рисёва́ва пэ Миро штэ́то анги́л дова́, сыр ёнэ приджинэна пэ́скири банг [лэ́нгиро чорипэ́н-ю.о.] и явэ́на тэ родэ́н Миро муй: ке́ли лэн притасавэ́на, ёнэ явэ́на добусо́вэс тэ родэ́н Ман.

Psalmy 66:18

Ко́ли мэ думинавас пал чорипэ́н дро пэ́скиро ило́, тэды Рай Дэвэ́л на шунэлас ман.

Pritčy 15:29

Рай Дэвэ́л дурьёла фуе́ манушэ́ндыр, нэ Ёв шунэ́ла чачунэ́-манушэ́нгири па́тери (моли́тва).

Гиленгири (Соломоно́скири) Гилы́ 5:6

Мэ отпхандём мирэ́ пирамнэскэ; нэ миро пирамно́ дыяпэ палэ, ёв гия́ криг: миро ди кошэласпэ яври́, ке́ли ёв ракирдя́, мэ родыём лэс, нэ мэ на латхём лэс; мэ кхардём лэс, нэ ёв на отпхэндя́ ма́нгэ.

Osija 5:6

Ёнэ явэ́на тэ родэ́н Рас-Дэвлэ́с лэ́нгирэ бакрэ́нгирэ стадэнца и табунэнца, нэ ёнэ на латхэ́на Лэс; Ёв рисия́ (отгия́) криг лэ́ндыр.

Яви́р Зако́но 1:45

И рисинэ́ тумэ́, и рондлэ́ анги́л Растэ-Дэвлэ́стэ: нэ Рай Дэвэ́л на шундя́ тумари́ го́дла и на помогиндя тумэ́нгэ.

Psalmy 18:42

Ёнэ дынэ́ го́дла, нэ нико́н на сыс тэ зракхэ́л, ёнэ дынэ́ го́дла Ра́скэ-Дэвлэ́скэ, нэ Ёв на отпхэндя́ лэ́нгэ.

Amoso 8:12

И мануша́ явэ́на тэ псирэ́н екхэ морёстыр (дэрьявэстыр) кэ яви́р, паш-ратитконэ́ (севернонэ) рига́тыр кэ васто́ко; ёнэ явэ́на тэ прастан одори́к и палэ тэ родэ́н лав Ра́скирэ-Дэвлэ́скиро, и ёнэ на латхэ́на лэс.”